საქართველოს შეიარაღებული ძალების გენერალური შტაბის J-1 პირადი შემადგენლობის დეპარტამენტის დებულების დამტკიცების შესახებ

სახელმწიფო სარეგისტრაციო კოდი 120.340.000.22.026.013.212

საქართველოს თავდაცვის

მინისტრის ბრძანება №448

2009 წლის 19 ივნისი

ქ. თბილისი

საქართველოს შეიარაღებული ძალების გენერალური შტაბის J-1 პირადი შემადგენლობის დეპარტამენტის დებულების დამტკიცების შესახებ

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის მე-18 მუხლის მე-2 პუნქტის, ,,საქართველოს თავდაცვის სამინისტროს დებულების დამტკიცების შესახებ“საქართველოს მთავრობის 2013 წლის 22 ნოემბერის № 297 დადგენილებით დამტკიცებული საქართველოს თავდაცვის სამინისტროს დებულების მე-3 მუხლის მე-3 პუნქტის ,,ქ” ქვეპუნქტისა და  ,,საქართველოს ზოგადი ადმინისტრაციული კოდექსის” 61-ე მუხლის  შესაბამისად, ვბრძანებ:

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

1. დამტკიცდეს ,,საქართველოს შეიარაღებული ძალების გენერალური შტაბის J-1 პირადი შემადგენლობის დეპარტამენტის” დებულება;

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

2. ძალადაკარგულად გამოცხადდეს „საქართველოს შეიარაღებული ძალების გენერალური შტაბის J-1 პირადი შემადგენლობის დეპარტამენტის დებულების დამტკიცების შესახებ“ საქართველოს თავდაცვის მინისტრის 2006 წლის 25 აპრილის №146 ბრძანება.

3. (ამოღებულია - 29.01.2014, №3).

4. ბრძანება ამოქმედდეს გამოქვეყნებისთანავე.

ვ. სიხარულიძე

საქართველოს შეიარაღებული ძალების გენერალური შტაბის J-1 პირადი შემადგენლობის დეპარტამენტის დებულება

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

თავი I. ზოგადი დებულებანი

    მუხლი 1.

საქართველოს შეიარაღებული ძალების გენერალური შტაბის J-1 პირადი შემადგენლობის დეპარტამენტი (შემდგომში - ,,დეპარტამენტი”) არის საქართველოს შეიარაღებული ძალების გენერალური შტაბის სტრუქტურული ქვედანაყოფი.         

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

    მუხლი 2.

დეპარტამენტი თავის საქმიანობაში ხელმძღვანელობს საქართველოს კონსტიტუციით, საქართველოს საერთაშორისო ხელშეკრულებებითა და შეთანხმებებით, საქართველოს სხვა საკანონმდებლო და კანონქვემდებარე აქტებით, საქართველოს თავდაცვის მინისტრის სამართლებრივი აქტებით, საქართველოს შეიარაღებული ძალების გენერალური შტაბის უფროსის ინდივიდუალური ადმინისტრაციულ-სამართლებრივი აქტებით, დირექტივებით, განკარგულებებითა და ამ დებულებით.

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

    მუხლი 3.

დეპარტამენტი ანგარიშვალდებულია საქართველოს თავდაცვის მინისტრისა და საქართველოს შეიარაღებული ძალების გენერალური შტაბის უფროსის წინაშე.

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

    მუხლი 4.

დეპარტამენტს აქვს ბეჭედი ქართულ-ინგლისური წარწერით ,,საქართველოს შეიარაღებული ძალების გენერალური შტაბის J-1 პირადი შემადგენლობის დეპარტამენტი”, აგრეთვე ბლანკი საკუთარი სახელწოდებით.

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

თავი II. დეპარტამენტის ამოცანები და ფუნქციები

    მუხლი 5.

დეპარტამენტის ამოცანებია:

ა) საქართველოს თავდაცვის სამინისტროს შესაბამის სტრუქტურულ ქვედანაყოფებთან ერთად საერთაშორისო სტანდარტებთან თავსებადი და ეფექტური სამხედრო პერსონალის მართვის პოლიტიკის შემუშავებაში მონაწილეობის მიღება და მისი საქართველოს შეიარაღებულ ძალებში დანერგვა;

ბ) საქართველოს შეიარაღებული ძალების კადრის ოფიცრებით, საკონტრაქტო (პროფესიული) და სავალდებულო (ვადიანი) სამხედრო სამსახურის სამხედრო მოსამსახურეებით დროული დაკომპლექტების, აღრიცხვისა და კონტროლის უზრუნველყოფა;

გ) საქართველოს თავდაცვის სამინისტროს სამხედრო პერსონალის მართვის პოლიტიკიდან გამომდინარე, სამხედრო მოსამსახურეთა რეკრუტირების, შერჩევის, გადანაწილება-დანიშვნის, სამხედრო სააღრიცხვო სპეციალობათა მინიჭების, მომზადება-გადამზადების, პროფესიული განვითარების, შენარჩუნებისა და კარიერის მართვის უზრუნველყოფა;

დ) ძალთა დაგეგმვიდან გამომდინარე, საქართველოს შეიარაღებული ძალების შენაერთებისა და ქვედანაყოფების საორგანიზაციო-საშტატო სტრუქტურული წინადადებებიდან გამომდინარე ოპტიმალური საშტატო სტრუქტურების შემუშავება;

ე) (ამოღებულია - 05.04.2017,  №26)

ვ) საქართველოს კანონმდებლობის თანახმად, საქართველოს შეიარაღებული ძალების მოქმედ სამხედრო მოსამსახურეთა, საქართველოს შეიარაღებული ძალების რიგებიდან დათხოვნილ პირთა, საქართველოს ტერიტორიული მთლიანობისთვის მებრძოლთა, სამხედრო სამსახურის გავლის დროს, საომარი მოქმედებების შედეგად და სამშვიდობო მისიებში დაღუპულთა, დასახიჩრებულთა, უგზო–უკვლოდ დაკარგულთა და მათი ოჯახის წევრთა სოციალურ-სამართლებრივი გარანტიების უზრუნველსაყოფად, სათანადო ღონისძიებათა დაგეგმვა კომპეტენციის ფარგლებში;

ზ) (ამოღებულია - 16.03.2018, №25);

თ) (ამოღებულია - 16.03.2018, №25);

ი) ჯარებში ჯანსაღი მორალურ–ფსიქოლოგიური მდგომარეობის ფორმირების და შენარჩუნების ხელშეწყობა, კომპეტენციის ფარგლებში;

კ) საქართველოს შეიარაღებული ძალების სტრატეგიული და ოპერატიული (საბრძოლო) გეგმების შემუშავებისა და აღსრულების პროცესში შეიარაღებული ძალების გენერალური შტაბის პერსონალის მხარდაჭერის საკითხებით უზრუნველყოფა.

საქართველოს თავდაცვის მინისტრის 2013 წლის 19 ივნისის ბრძანება №60 2 - ვებგვერდი, 20.06.2013 წ.

საქართველოს თავდაცვის მინისტრის 2013 წლის 2 ივლისის ბრძანება №687 - ვებგვერდი, 02.07.2013 წ.

საქართველოს თავდაცვის მინისტრის 2016 წლის 13 აპრილის ბრძანება №24 - ვებგვერდი, 13.04.2016 წ.

საქართველოს თავდაცვის მინისტრის 2017 წლის 5 აპრილის ბრძანება №26 - ვებგვერდი, 05.04.2017 წ.

საქართველოს თავდაცვის მინისტრის 2018 წლის 16 მარტის ბრძანება №25 - ვებგვერდი, 16.03.2018 წ.

    მუხლი 6.

დეპარტამენტის ძირითადი ფუნქციებია:

ა) საქართველოს შეიარაღებულ ძალებში საქართველოს თავდაცვის სამინისტროს საკადრო პოლიტიკის დანერგვისათვის საჭირო ღონისძიებების დაგეგმვა, განხორციელება და კონტროლი;

ბ) რეკრუტების, საკონტრაქტო (პროფესიული) და კადრის სამხედრო მოსამსახურეთა, საქართველოს შეიარაღებულ ძალებში სხვა სამხედრო უწყებიდან გადმოსულ სამხედრო მოსამსახურეთა, საქართველოს შეიარაღებული ძალების სავალდებულო სამხედრო სამსახურში გაწვეულ პირთა მიღებისა და შენარჩუნების ღონისძიებების დაგეგმვა და უზრუნველყოფა კომპეტენციის ფარგლებში;

გ) სამხედრო მოსამსახურეთა პიროვნული და პროფესიული თვისებების შესწავლის (შეფასებების) საფუძველზე, მათი თანამდებობრივი გადადგილების (განაწილების), დაწინაურების, კვალიფიკაციის ამაღლების, შესაბამისი სამხედრო განათლების მიღების ორგანიზაციული ღონისძიებების განხორციელება;

დ) სამხედრო მოსამსახურეთათვის, მათი განათლებისა და პროფესიული გამოცდილებიდან გამომდინარე, შესაბამისი სამხედრო სააღრიცხვო სპეციალობების მინიჭების ღონისძიებების უზრუნველყოფა;

ე) მსმენელებით (კურსანტებით) სამხედრო სასწავლებლებისა და კურსების დაკომპლექტების, სამხედრო სასწავლებლების კურსდამთავრებულთა შერჩევისა და განაწილების ღონისძიებებში მონაწილეობის მიღება;

ვ) რიგითთა, კაპრალ-სერჟანტთა, ოფიცერთა და სამოქალაქო პირთათვის პირველადი, მორიგი (მათ შორის, ვადამდე) სამხედრო წოდებების კანონმდებლობის შესაბამისად მისანიჭებლად სათანადო მასალებისა და ბრძანების პროექტების მომზადება კომპეტენციის ფარგლებში;

ზ) საქართველოს შეიარაღებული ძალების პირადი შემადგენლობის ოპტიმიზაციის შესახებ წინადადებების შემუშავება, უარყოფითი მოტივებით დათხოვნის მიზეზთა გაანალიზება-განზოგადება;

თ) სამხედრო მოსამსახურეთა პირადი საქმეების წარმოება, მათი სტატისტიკური და პერსონალური აღრიცხვა;

ი) სამხედრო მოსამსახურეთა საზღვარგარეთ მივლინებისათვის სათანადო სამივლინებო დოკუმენტაციის მომზადება;

 კ) (ამოღებულია - 19.06.2013, №602);

ლ) ეფექტური საორგანიზაციო-საშტატო ღონისძიებათა გატარების მიზნით, საქართველოს თავდაცვის სამინისტროს შესაბამის სტრუქტურულ ქვედანაყოფებთან თანამშრომლობით, საშტატო საკითხებთან დაკავშირებული პროექტების მომზადება, შტატების, შეიარაღებისა და ტექნიკის ტაბელების შემუშავება;

მ) საქართველოს შეიარაღებული ძალების პირადი შემადგენლობის შესახებ სხვადასხვა სახის რაოდენობრივი და თემატური მოხსენებების მომზადება და აღნიშნულიდან გამომდინარე, პირადი შემადგენლობის მართვის ოპტიმიზაციის წინადადებების შეთავაზება.

 ნ) საქართველოს თავდაცვის სამინისტროს საჯარო, მათ შორის სამხედრო მოსამსახურეთა პირადობის (პლასტიკური) მოწმობების და ჟეტონების დამზადება, აღრიცხვიანობა და გაცემის ორგანიზება;

ო) შესაბამისი წარდგინებების საფუძველზე სამხედრო მოსამსახურეების სახელმწიფო და უწყებრივ ჯილდოებზე დასაჯილდოებლად წარდგენისთვის დოკუმენტაციის მომზადება;

პ) სახელმწიფო კომპენსაციის მიღების უფლების მქონე თადარიგში დათხოვნილ ყოფილ სამხედრო მოსამსახურეთა ნამსახურებ წელთა გაანგარიშება და საბუთების გადაგზავნა სსიპ-სოციალური მომსახურების სააგენტოში კომპენსაციის დასანიშნად;

ჟ) იმ პირთა შესახებ, რომლებიც აცხადებენ, რომ საქართველოს ტერიტორიული მთლიანობისათვის წარმოებულ საბრძოლო მოქმედებებში წარმოადგენდნენ საქართველოს თავდაცვის სამინისტროს სამხედრო მოსამსახურეებს – საქართველოს თავდაცვის სამინისტროს სტრუქტურული ქვედანაყოფებიდან იმ დოკუმენტების დამოწმებული ასლებისა და სხვა მტკიცებულებების გამოთხოვა, რომლებიც შეიცავს პერსონალურ მონაცემებს;

 რ) საქართველოს კანონმდებლობის თანახმად, საქართველოს შეიარაღებული ძალების მოქმედ სამხედრო მოსამსახურეთა, საქართველოს შეიარაღებული ძალების რიგებიდან დათხოვნილ პირთა, საქართველოს ტერიტორიული მთლიანობისთვის მებრძოლთა, სამხედრო სამსახურის გავლის დროს, საომარი მოქმედებების შედეგად და სამშვიდობო მისიებში დაღუპულთა, დასახიჩრებულთა, უგზო–უკვლოდ დაკარგულთა და მათი ოჯახის წევრთა სოციალურ-სამართლებრივი გარანტიების უზრუნველსაყოფად, საჭირო ღონისძიებების დაგეგმვა კომპეტენციის ფარგლებში;

ს) დეპარტამენტის საიდუმლო და არასაიდუმლო საქმისწარმოების განხორციელება;

ტ) NATO- სთან თანამშრომლობის პარტნიორობის სამოქმედო გეგმით აღებული ვალდებულებების ფარგლებში განსაზღვრული მოთხოვნების შესრულების მიზნით, სამხედრო პერსონალის მართვასთან დაკავშირებული საკითხების დაგეგმვა, აღსრულება და კონტროლი;

უ) (ამოღებულია - 16.03.2018, №25);

ფ) (ამოღებულია - 16.03.2018, №25);

ქ) კომპეტენციის ფარგლებში სამობილიზაციო გეგმების, სამობილიზაციო დოკუმენტაციის ფორმების, სახელმძღვანელო ინსტრუქციებისა და სამართლებრივი აქტების პროექტების შემუშავებაში მონაწილეობის მიღება;

ღ) (ამოღებულია - 16.03.2018, №25);

ყ) (ამოღებულია - 16.12.2016, №96);

შ) ჯარების მორალური მხარდამჭერი პროგრამების შემუშავება და იმპლემენტაციის ზედამხედველობა;

 ჩ) სამხედრო მოძღვართა (კაპელანთა) ინსტიტუტებთან აქტიური თანამშრომლობა;

       ც) საქართველოს შეიარაღებული ძალების გენერალური შტაბის სტრატეგიულ და ოპერატიულ (საბრძოლო) დაგეგმვის და აღსრულების პროცესში მონაწილეობა და გეგმების შესაბამისი დანართების/დამატებების მომზადება;

ძ) ოპერატიული (საბრძოლო) გეგმების აღსრულების პროცესში შეიარაღებული ძალების ქვედანაყოფების რეზერვის სამხედრო მოსამსახურეებით შევსების კოორდინირება და ზედამხედველობა.

საქართველოს თავდაცვის მინისტრის 2013 წლის 19 ივნისის ბრძანება №60 2 - ვებგვერდი, 20 .06.2013 წ.

საქართველოს თავდაცვის მინისტრის 2013 წლის 2 ივლისის ბრძანება №687 - ვებგვერდი, 02.07.2013 წ.

საქართველოს თავდაცვის მინისტრის 2016 წლის 13 აპრილის ბრძანება №24 - ვებგვერდი, 13.04.2016 წ.

საქართველოს თავდაცვის მინისტრის 2016 წლის 16 დეკემბრის ბრძანება №96 - ვებგვერდი, 16.12.2016 წ.

საქართველოს თავდაცვის მინისტრის 2017 წლის 5 აპრილის ბრძანება №26 - ვებგვერდი, 05.04.2017 წ.

საქართველოს თავდაცვის მინისტრის 2018 წლის 16 მარტის ბრძანება №25 - ვებგვერდი, 16.03.2018 წ.

თავი III. დეპარტამენტის ხელმძღვანელობა

    მუხლი 7.

დეპარტამენტს ხელმძღვანელობს დეპარტამენტის უფროსი.

    მუხლი 8.

დეპარტამენტის უფროსს, კანონმდებლობით დადგენილი წესით, საქართველოს შეიარაღებული ძალების გენერალური შტაბის უფროსის წარდგინებით, თანამდებობაზე ნიშნავს და თანამდებობიდან ათავისუფლებს საქართველოს თავდაცვის მინისტრი.        საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

    მუხლი 9.

1. დეპარტამენტის უფროსს ჰყავს ორი მოადგილე, რომლებსაც დეპარტამენტის უფროსის წარდგინებით, საქართველოს შეიარაღებული ძალების გენერალური შტაბის უფროსთან შეთანხმებით, თანამდებობაზე ნიშნავს და თანამდებობიდან ათავისუფლებს საქართველოს თავდაცვის მინისტრი.

2. უფლებამოსილების განაწილების ფარგლებში დეპარტამენტის უფროსის  მოადგილეები:

ა) დეპარტამენტის უფროსის დავალებით, ხელს აწერენ დეპარტამენტში შემოსულ/მომზადებულ დოკუმენტაციას;

ბ) დეპარტამენტის უფროსის მიერ განსაზღვრული ფუნქციონალური მიმართულებების ფარგლებში კოორდინაციას და კონტროლს უწევენ დეპარტამენტის სტრუქტურული ქვედანაყოფების საქმიანობას;

გ) კომპეტენციის ფარგლებში ვიზირებას უკეთებენ დეპარტამენტში და მის სტრუქტურულ ქვედანაყოფებში მომზადებულ დოკუმენტაციას.

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

საქართველოს თავდაცვის მინისტრის 2016 წლის 16 დეკემბრის ბრძანება №96 - ვებგვერდი, 16.12.2016 წ.

    მუხლი 10.

დეპარტამენტის უფროსი უშუალოდ ექვემდებარება საქართველოს შეიარაღებული ძალების გენერალური შტაბის უფროსს.

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

    მუხლი 11.

დეპარტამენტის უფროსის დროებით არყოფნის შემთხვევაში მის უფლება-მოვალეობებს ახორციელებს დეპარტამენტის უფროსის მოადგილე (სამხედრო მოსამსახურე), ხოლო მისი არყოფნის შემთხვევაში – მინისტრის ინდივიდუალური ადმინისტრაციულ-სამართლებრივი აქტით განსაზღრული დეპარტამენტის  სამხედრო მოსამსახურე.

საქართველოს თავდაცვის მინისტრის 2016 წლის 13 აპრილის ბრძანება №24 - ვებგვერდი, 13.04.2016 წ.

საქართველოს თავდაცვის მინისტრის 2016 წლის 16 დეკემბრის ბრძანება №96 - ვებგვერდი, 16.12.2016 წ.

    მუხლი 12.

დეპარტამენტის უფროსი:

ა) ხელმძღვანელობს და წარმართავს დეპარტამენტის საქმიანობას;

ბ) წარადგენს დასამტკიცებლად დეპარტამენტის საშტატო ნუსხას;

გ) განსაზღვრავს და ანაწილებს ფუნქციონალურ მოვალეობებს მისდამი დაქვემდებარებულ მოხელეებს შორის, აძლევს მათ მითითებებს;

დ) ახორციელებს კონტროლს დეპარტამენტის სტრუქტურული ქვედანაყოფების მუშაობაზე, თანამშრომელთა მიერ ფუნქცია-მოვალეობების ჯეროვნად შესრულებასა და დისციპლინის დაცვაზე;

ე) დეპარტამენტის შესაბამისი სტრუქტურული ქვედანაყოფის უფროსის შუამდგომლობის საფუძველზე, საქართველოს თავდაცვის მინისტრსა და საქართველოს შეიარაღებული ძალების გენერალური შტაბის უფროსს წარუდგენს წინადადებებს დეპარტამენტის (სტრუქტურული ქვედანაყოფების) მოხელეთა თანამდებობაზე დანიშვნის, განთავისუფლების, გადაადგილების, წახალისების და მათ მიმართ დისციპლინური ზომების გამოყენების შესახებ;

ვ) გამოითხოვს საჭირო ინფორმაციას საქართველოს თავდაცვის სამინისტროს სტრუქტურული ქვედანაყოფებიდან ან კომპეტენციის ფარგლებში სხვა ადმინისტრაციული ორგანოებიდან;

ზ) ხელს აწერს ან ვიზირებას უკეთებს დეპარტამენტში მომზადებულ დოკუმენტებს;

თ) ამოღებულია;

 ი) კომპეტენციის ფარგლებში საქართველოს თავდაცვის სამინისტროს სახელით ხელს აწერს საქართველოს შეიარაღებულ ძალებში მისაღები (დასაქირავებელი), სამხედრო სამსახურის გავლის  და სასწავლებელში ჩარიცხულ/წარსაგზავნ პირადი შემადგენლობის ხელშეკრულებებს (კონტრაქტებს);

კ) უზრუნველყოფს დაქვემდებარებული პირადი შემადგენლობის საბრძოლო მზადყოფნას;

ლ) პასუხისმგებელია დეპარტამენტის ფუნქციების შესრულებაზე;

მ) გამოსცემს ინდივიდუალურ ადმინისტრაციულ-სამართლებრივ აქტებს დეპარტამენტის საქმიანობის საორგანიზაციო საკითხებთან დაკავშირებით.

საქართველოს თავდაცვის მინისტრის 2010 წლის 27 იანვრის ბრძანება №45, სსმ III, №9, 27.01.2010წ., მუხ.93

საქართველოს თავდაცვის მინისტრის 2013 წლის 19 ივნისის ბრძანება №60 2 - ვებგვერდი, 20 .06.2013 წ.

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

საქართველოს თავდაცვის მინისტრის 2016 წლის 16 დეკემბრის ბრძანება №96 - ვებგვერდი, 16.12.2016 წ.

 

თავი IV. დეპარტამენტის სტრუქტურული ქვედანაყოფები, მათი სტატუსი, ფუნქციები და მმართველობა

    მუხლი 13.

დეპარტამენტის სტრუქტურული ქვედანაყოფებია:

ა) პირადი შემადგენლობის მენეჯმენტის სამმართველო:

ა.ა) სახმელეთო ჯარების დაკომპლექტების განყოფილება;

ა.ბ) გენერალური შტაბის დაკომპლექტების განყოფილება;

ა.გ) პირადი შემადგენლობის განათლების მართვის განყოფილება;

ა.დ) შერჩევის საბჭოების უზრუნველყოფის განყოფილება.

ბ) საორგანიზაციო და პირადი შემადგენლობის მზადყოფნის სამმართველო:

ბ.ა) საორგანიზაციო-საშტატო განყოფილება;

ბ.ბ) პირადი შემადგენლობის მზადყოფნის განყოფილება;

ბ.გ) (ამოღებულია - 16.03.2018, №25);

ბ.გ.ა) რეზერვის დაგეგმვის განყოფილება;

ბ.გ.ბ) მობილიზაციის დაგეგმვის განყოფილება.

გ) სოციალურ საკითხთა, მორალური მხარდაჭერისა და უზრუნველყოფის სამმართველო:

გ.ა) საქმისწარმოების განყოფილება;

გ.ბ) პირადი შემადგენლობის მონაცემთა დამუშავების განყოფილება.

გ.გ) უზრუნველყოფისა და პირადი საქმეების აღრიცხვის განყოფილება;

გ.დ) სოციალურ საკითხთა და დაჯილდოების განყოფილება;

გ.ე) მორალური მხარდაჭერის განყოფილება.

დ) პირადი შემადგენლობის მართვის სისტემების განვითარების განყოფილება.

საქართველოს თავდაცვის მინისტრის 2010 წლის 27 იანვრის ბრძანება №45, სსმ III, №9, 27.01.2010წ., მუხ.93

საქართველოს თავდაცვის მინისტრის 2013 წლის 19 ივნისის ბრძანება №60 2 - ვებგვერდი, 20 .06.2013 წ.

საქართველოს თავდაცვის მინისტრის 2013 წლის 2 ივლისის ბრძანება №687 - ვებგვერდი, 02.07.2013 წ.

საქართველოს თავდაცვის მინისტრის 2016 წლის 16 დეკემბრის ბრძანება №96 - ვებგვერდი, 16.12.2016 წ.

საქართველოს თავდაცვის მინისტრის 2017 წლის 5 აპრილის ბრძანება №26 - ვებგვერდი, 05.04.2017 წ.

საქართველოს თავდაცვის მინისტრის 2018 წლის 16 მარტის ბრძანება №25 - ვებგვერდი, 16.03.2018 წ.

    მუხლი 14.

პირადი შემადგენლობის მენეჯმენტის სამმართველო ახორციელებს:

ა) საქართველოს შეირაღებული ძალების გენერალური შტაბის და მისდამი დაქვემდებარებული სტრუქტურული ქვედანაყოფების, მათ შორის სახმელეთო ჯარების, თავდაცვის სამინისტროს სამოქალაქო ოფისის კადრის ოფიცრებით, საკონტრაქტო (პროფესიული) და სავალდებულო სამხედრო სამსახურის სამხედრო მოსამსახურეთა დროული დაკომპლექტების უზრუნველყოფას;

ბ) ბრძანებათა პროექტების მომზადებას საკადრო საკითხებთან (გაწვევა, დანიშვნა, კონტრაქტის გაფორმება, გადაადგილება, მოვალეობის დაკისრება, სამსახურებრივი მივლინება, წოდების მინიჭება, უფლებამოსილების შეჩერება, კადრების განკარგულებაში გადაყვანა, დათხოვნა) დაკავშირებით;

გ) სამხედრო სამსახურის გავლასთან დაკავშირებით შესაბამისი კონტრაქტების (ხელშეკრულებების) გაფორმების უზრუნველყოფას;

დ) სავალდებულო სამხედრო სამსახურის სამხედრო მოსამსახურეებით შეიარაღებული ძალების ქვედანაყოფების დაკომპლექტების საკითხების ორგანიზებას, აღრიცხვასა და კონტროლს;

ე) კადრების განკარგულებაში მყოფი პირადი შემადგენლობის შემდგომი სამსახურის გაგრძელებასთან დაკავშირებული ღონისძიებების უზრუნველყოფას;

ვ) სასწავლო კურსებზე და კვალიფიკაციის ასამაღლებლად შესაბამისი კანდიდატების შერჩევის ღონისძიებების უზრუნველყოფას, გადაწყვეტილების მისაღებად წარდგენას და შესაბამისი ბრძანებების პროექტების მომზადებას კომპეტენციის ფარგლებში;

ზ) სასწავლო კურსების დასრულების შემდგომ სამხედრო მოსამსახურეთა განაწილებაში მონაწილეობას;

თ) საქართველოს თავდაცვის სამინისტროს სამხედრო მოსამსახურეებისათვის სამხედრო-სააღრიცხვო სპეციალობის კოდების განსაზღვრას, მათი მინიჭებისა და აღრიცხვისათვის საჭირო პროცედურების მომზადებას;

ი) სხვადასხვა დონის შერჩევის საბჭოების დაგეგმვასა და მათ პროცედურულ უზრუნველყოფას;

კ) საქართველოს თავდაცვის სამინისტროს მიერ შემუშავებული შესაბამისი პოლიტიკის მიხედვით, სამხედრო მოსამსახურეთა შეფასების პროცესებისა და პროცედურების მეთოდოლოგიურ ზედამხედველობას;

ლ) პირადი შემადგენლობის შენარჩუნების ღონისძიებების შესახებ, საქართველოს თავდაცვის სამინისტროს პოლიტიკის განხორციელების უზრუნველსაყოფად, სათანადო მოხსენებებისა და წინადადების მომზადება-წარდგენას.

2. საორგანიზაციო და პირადი შემადგენლობის მზადყოფნის სამმართველო ახორციელებს:

ა) მომზადებული რეზერვის პერსონალის შესახებ ინფორმაციის მიღებას, დახარისხებას და საბრძოლო დანაკარგების შევსების დაგეგმვას და აღსრულების კოორდინირებას და ზედამხედველობას;

ბ) (ამოღებულია - 16.03.2018, №25);

გ) (ამოღებულია - 16.03.2018, №25);

დ) (ამოღებულია - 16.03.2018, №25);

ე) (ამოღებულია - 16.03.2018, №25);

ვ) კომპეტენციის ფარგლებში სამობილიზაციო გეგმების, სამობილიზაციო დოკუმენტაციის ფორმების, სახელმძღვანელო ინსტრუქციებისა და სამართლებრივი აქტების პროექტების შემუშავებაში მონაწილეობის მიღებას;

ზ) (ამოღებულია - 16.03.2018, №25);

თ) ძალთა დაგეგმვიდან გამომდინარე სახეობის, ქვედანაყოფებისა და სამხედრო ნაწილების საორგანიზაციო-საშტატო სტრუქტურების ოპტიმიზაციისათვის წინადადებების შემუშავებას;

ი) საშტატო საკითხებთან დაკავშირებული ბრძანებების პროექტების მომზადებასა და წარდგენას დასამტკიცებლად;

კ) საქართველოს შეიარაღებული ძალების სტრუქტურულ ქვედანაყოფებთან ერთად შეიარაღებისა და ტექნიკის ტაბელების შემუშავებასა და საქართველოს თავდაცვის მინისტრთან ან მის მიერ უფლებამოსილ პირთან დასამტკიცებლად წარდგენის უზრუნველყოფას;

ლ) საქართველოს შეიარაღებული ძალების სტრუქტურული ქვედანაყოფების დისლოკაციების ადგილების აღრიცხვასა და კონტროლს; ქვედანაყოფების ბეჭდების და  ლუქების დამზადებისათვის საჭირო ღონისძიებების გატარებას;

მ) შეიარაღებული ძალების პირადი შემადგენლობის რაოდენობრივი და ხარისხობრივი დაკომპლექტების ანალიზს და რეკომენდაციების მომზადებას;

ნ) ქვედანაყოფებიდან პირადი შემადგენლობის რაოდენობის შესახებ სათანადო პერიოდული მოხსენებების მიღებასა და  დამუშავებას;

ო) პირადი შემადგენლობის აღრიცხვიანობისა და მონაცემთა მოხსენებების სისტემების შემუშავებას, დახვეწასა და მათი მართვისა და კონტროლის განხორციელებას.

3. სოციალურ საკითხთა, მორალური მხარდაჭერისა და უზრუნველყოფის სამმართველო ახორციელებს:

ა) დეპარტამენტის საიდუმლო და არასაიდუმლო კორესპონდენციის წარმოებას;     

ბ) დეპარტამენტში წარმოებული (საწარმოებელი) წიგნების, ჟურნალების, საქმეების ნომენკლატურის მიხედვით აღრიცხვას, წარმოებაზე კონტროლსა და დადგენილი წესით შენახვას;

გ) მოქმედ და პენსიაზე გასულ სამხედრო მოსამსახურეთა პირადი საქმეების დამუშავების, აღრიცხვაზე აყვანისა და შენახვის უზრუნველყოფას;

დ) დათხოვნილ სამხედრო მოსამსახურეთა პირადი საქმეების გადამოწმებასა და შესაბამის ორგანოებში სათანადო სამსახურების მეშვეობით გადაგზავნის უზრუნველყოფას;

ე) საქართველოს შეიარაღებული ძალების გენერალური შტაბის სტრუქტურული ქვედანაყოფების (რომელთაც არ გააჩნიათ საკადრო სამსახური) სამხედრო მოსამსახურეთა წელთა ნამსახურობის შესახებ ცნობების მომზადებას საფინანსო სამსახურში წარსადგენად;

ვ)  დეპარტამენტზე რიცხული მატერიალური ქონების აღრიცხვასა და კონტროლს;

ზ) დეპარტამენტის პირადი შემადგენლობის საბრძოლო მზადყოფნის უზრუნველსაყოფად სათანადო სქემისა და ევაკუაციის გეგმის შემუშავებას და დაზუსტებას;

თ) საქართველოს შეიარაღებული ძალების პირადი შემადგენლობის მონაცემთა დამუშავებას მონაცემთა ბაზაში არსებული ინფორმაციის საფუძველზე და საჭიროებისამებრ, თემატური და სტატისტიკური ინფორმაციის მომზადებას, საქართველოს თავდაცვის სამინისტროს საინფორმაციო ტექნოლოგიების დეპარტამენტთან კოორდინაციაში;

ი) მონაცემთა ბაზიდან საჭირო ინფორმაციის ანალიზს, ტენდენციების დადგენასა და პირადი შემადგენლობის მართვის ოპტიმიზაციის წინადადებების შემუშავებას.        

კ) საქართველოს თავდაცვის სამინისტროს მოსამსახურეთა სამსახურებრივი პირადობის დამადასტურებელი მოწმობების  და ჟეტონების დამზადებას, აღრიცხვიანობასა და გაცემის ორგანიზებას;

ლ) საქართველოს კანონმდებლობის თანახმად, საქართველოს შეიარაღებული ძალების მოქმედ სამხედრო მოსამსახურეთა, საქართველოს შეიარაღებული ძალების რიგებიდან დათხოვნილ პირთა, საქართველოს ტერიტორიული მთლიანობისთვის მებრძოლთა, სამხედრო სამსახურის გავლის დროს, საომარი მოქმედებების შედეგად და სამშვიდობო მისიებში დაღუპულთა, დასახიჩრებულთა, უგზო-უკვლოდ დაკარგულთა და მათი ოჯახის წევრთა სოციალურ-სამართლებრივი გარანტიების უზრუნველსაყოფად სათანადო ღონისძიებათა განხორციელებას, კომპეტენციის ფარგლებში;

მ) სახელმწიფო კომპენსაციის მიღების უფლების მქონე თადარიგში დათხოვნილ ყოფილ სამხედრო მოსამსახურეთა ნამსახურებ წელთა გაანგარიშებასა და სათანადო საბუთების მომზადებას;

ნ) იმ პირთა შესახებ, რომლებიც აცხადებენ, რომ საქართველოს ტერიტორიული მთლიანობისათვის წარმოებულ საბრძოლო მოქმედებებში წარმოადგენდნენ საქართველოს თავდაცვის სამინისტროს სამხედრო მოსამსახურეებს - საქართველოს თავდაცვის სამინისტროს სტრუქტურული ქვედანაყოფებიდან იმ დოკუმენტების დამოწმებული ასლებისა და სხვა მტკიცებულებების გამოთხოვა, რომლებიც შეიცავენ პერსონალურ მონაცემებს;

ო) შესაბამისი წარდგინებების საფუძველზე, საქართველოს შეიარაღებული ძალების  მოსამსახურეთა უწყებრივი მედლებითა და სახელმწიფო ჯილდოებით დაჯილდოების შესახებ ბრძანებათა პროექტების მომზადებას;

პ) სამხედრო მოძღვართა (კაპელანთა) ინსტიტუტებთან აქტიურ თანამშრომლობას;

ჟ) საქართველოს თავდაცვის სამინისტროს და საქართველოს შეირაღებული ძალების გენერალური შტაბის შესაბამის სტრუქტურულ ერთეულებთან, სამთავრობო და არასამთავრობო ორგანიზაციებთან კოორდინაციას, კომპეტენციის ფარგლებში;

რ) ზედამხედველობს ჯარებში სახელმწიფოებრივი მომზადებისა და საინფორმაციო საათის მიმდინარეობას, კომპეტენციის ფარგლებში;

ს) რეკრუტების პიროვნული თავისებურებების შესწავლას და მათი რაციონალურად გადანაწილების მიზნით რეკომენდაციების შემუშავებას;

ტ) ჯარების მორალური მხარდამჭერი პროგრამების შემუშავებას და იმპლემენტაციის ზედამხედველობას.

4. პირადი შემადგენლობის მართვის სისტემების განვითარების განყოფილება ახორციელებს:

ა) საქართველოს თავდაცვის სამინისტროს შესაბამის სტრუქტურულ ქვედანაყოფებთან ერთად, ეფექტური საკადრო პოლიტიკის, მისი რეალიზაციის მეთოდების, ფორმების შემუშავებასა და გატარებას;

ბ) სამხედრო მოსამსახურეთა გადანაწილების, დაწინაურების, მათი კარიერული და პროფესიული ზრდის დაგეგმვისათვის საჭირო ღონისძიებების უზრუნველყოფას; თანამდებობათა სამუშაო აღწერის ფორმების შემუშავებას საქართველოს თავდაცვის სამინისტროს სხვა სტრუქტურულ ქვედანაყოფებთან ერთად და მათ სისტემატურ დახვეწას;

გ) საქართველოს თავდაცვის სამინისტროს ადამიანური რესურსების მართვისა  და პროფესიული განვითარების დეპარტამენტთან ერთად  პირადი შემადგენლობის მართვის პოლიტიკის მარეგულირებელი დოკუმენტების ჩამოყალიბებაში მონაწილეობის მიღებას;     

დ) საქართველოს თავდაცვის სამინისტროს პირადი შემადგენლობის მართვის პოლიტიკის საქართველოს შეიარაღებული ძალების სტრუქტურულ ქვედანაყოფებში დასანერგად შესაბამისი მარეგულირებელი დოკუმენტების, სახელმძღვანელოების, სამოქმედო წესების, ინსტრუქციების ჩამოყალიბებას, შესაბამისი სამოქმედო გეგმების მომზადებასა და განხორციელების კონტროლს;

ე) ნატოსთან თანამშრომლობის  გეგმებით სამხედრო პერსონალის კუთხით განსაზღვრული მოთხოვნების შესრულების დაგეგმვას, აღსრულებასა და კონტროლს კომპეტენციის ფარგლებში;

ვ) პირადი შემადგენლობის მართვის სისტემების ნატოსთან თავსებადობის უზრუნველსაყოფად სათანადო წინადადებების მომზადებასა და დეპარტამენტის უფროსისათვის წარდგენას.

საქართველოს თავდაცვის მინისტრის 2010 წლის 27 იანვრის ბრძანება №45, სსმ III, №9, 27.01.2010წ., მუხ.93

საქართველოს თავდაცვის მინისტრის 2013 წლის 19 ივნისის ბრძანება №60 2 - ვებგვერდი, 20.06.2013 წ.

საქართველოს თავდაცვის მინისტრის 2013 წლის 2 ივლისის ბრძანება №687 - ვებგვერდი, 02.07.2013 წ.

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

საქართველოს თავდაცვის მინისტრის 2014 წლის 6 მარტის ბრძანება №12 - ვებგვერდი, 06.03.2014წ.

საქართველოს თავდაცვის მინისტრის 2016 წლის 13 აპრილის ბრძანება №24 - ვებგვერდი, 13.04.2016 წ.

საქართველოს თავდაცვის მინისტრის 2016 წლის 16 დეკემბრის ბრძანება №96 - ვებგვერდი, 16.12.2016 წ.

საქართველოს თავდაცვის მინისტრის 2017 წლის 5 აპრილის ბრძანება №26 - ვებგვერდი, 05.04.2017 წ.

საქართველოს თავდაცვის მინისტრის 2018 წლის 16 მარტის ბრძანება №25 - ვებგვერდი, 16.03.2018 წ.

    მუხლი 15.

სტრუქტურულ ქვედანაყოფს ხელმძღვანელობს უფროსი, რომელსაც დეპარტამენტის უფროსის წარდგინებითა და საქართველოს შეიარაღებული ძალების გენერალური შტაბის უფროსის თანხმობით, თანამდებობაზე ნიშნავს და  ათავისუფლებს საქართველოს თავდაცვის მინისტრი.

საქართველოს თავდაცვის მინისტრის 2014 წლის 29 იანვრის ბრძანება №3 - ვებგვერდი, 03.02.2014წ.

    მუხლი 16.

სტრუქტურული ქვედანაყოფის უფროსი:

ა) ხელმძღვანელობს და წარმართავს სტრუქტურული ქვედანაყოფის საქმიანობას, პასუხს აგებს სტრუქტურულ ქვედანაყოფზე დაკისრებული ამოცანებისა და ფუნქციების შესრულებაზე;

ბ) წარმოადგენს სტრუქტურულ ქვედანაყოფს დაკისრებული უფლება-მოვალეობის განხორციელებისას;

გ) ანაწილებს მოვალეობებს სტრუქტურული ქვედანაყოფის მოსამსახურეებს შორის, აძლევს მათ მითითებებსა და დავალებებს, ახორციელებს კონტროლს თანამშრომელთა სამსახურებრივი მოვალეობის შესრულებაზე;

დ) ხელს აწერს ან ვიზირებას უკეთებს სტრუქტურულ ქვედანაყოფში მომზადებულ დოკუმენტებს კომპეტენციის ფარგლებში;

ე) შეიმუშავებს წინადადებებს სტრუქტურული ქვედანაყოფის მუშაობის ორგანიზაციის, ქვედანაყოფის მოსამსახურეთა წახალისების ან მათთვის დისციპლინური პასუხისმგებლობის დაკისრების შესახებ;

ვ) შუამდგომლობს სტრუქტურული ქვედანაყოფის მოსამსახურეთა კვალიფიკაციის ამაღლებისა და გადამზადების თაობაზე;

ზ) ანგარიშს აბარებს დეპარტამენტის უფროსს სტრუქტურული ქვედანაყოფის საქმიანობის შესახებ.

    მუხლი 17. (ამოღებულია )

საქართველოს თავდაცვის მინისტრის 2013 წლის 19 ივნისის ბრძანება №602 - ვებგვერდი, 20.06.2013 წ.

Annotate