პირველ ჯგუფს მიკუთვნებული ფარმაცევტული პროდუქტის ლეგალური ბრუნვის სფეროში საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირის – სამედიცინო და ფარმაცევტული საქმიანობის რეგულირების სააგენტოსთვის სავალდებულო ინფორმაციის მიწოდების სისტემის შექმნის შესახებ

სახელმწიფო სარეგისტრაციო კოდი 010.240.070.22.035.008.641

საქართველოს შრომის, ჯანმრთელობისა და სოციალური დაცვის მინისტრის

ბრძანება №140/ნ

2006 წლის 25 მაისი

ქ. თბილისი

,,ნარკოტიკული საშუალებების, ფსიქოტროპული ნივთიერებების და პრეკურსორების ლეგალური ბრუნვის სფეროში საქართველოს შრომის, ჯანმრთელობისა და სოციალური დაცვის სამინისტროს სახელმწიფო საქვეუწყებო დაწესებულების – წამლის სააგენტოსათვის სავალდებულო ინფორმაციის მიწოდების სისტემის შექმნის შესახებ

,,ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ საქართველოს კანონის მე-8 მუხლის მე-2 პუნქტისა და 35-ე მუხლის შესრულების მიზნით, ვბრძანებ:

1. ყველა პირი, რომელიც საქართველოს ტერიტორიაზე ახორციელებს სპეციალურ კონტროლს დაქვემდებარებული ნივთიერებების ლეგალურ ბრუნვასთან დაკავშირებულ საქმიანობას, ამ ბრძანებით დამტკიცებული წესით, ფორმებით და ვადებში აწვდის ინფორმაციას საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალ სახელმწიფო საქვეუწყებო დაწესებულებას – წამლის სააგენტოს (შემდგომში – წამლის სააგენტო) საქართველოს ტერიტორიაზე ლეგალურ ბრუნვაში არსებულ:

ა) ნარკოტიკულ საშუალებებზე;

ბ) ფსიქოტროპულ ნივთიერებებზე;

გ) კლინიკო-ლაბორატორიული, ფარმაცევტული და სამედიცინო დანიშნულების პრეკურსორებზე (შემდგომში – პრეკურსორები);

დ) სპეციალურ კონტროლს დაქვემდებარებული ან/და ზოგიერთი ფსიქოაქტიური ნივთიერებების შემცველ იმ სამკურნალო საშუალებებზე (შემდგომში – ფსიქოაქტიური სამკურნალო საშუალებები), რომლებიც მითითებულია ,,ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ საქართველოს კანონის მე-4 მუხლის მე-4 პუნქტის საფუძველზე მოქმედი ,,ნარკოტიკული საშუალებების, ფსიქოტროპული ნივთიერებების, პრეკურსორებისა და ზოგიერთი ფსიქოაქტიური ნივთიერებების შემცველი სამკურნალო საშუალებების ნუსხისა და მათი ლეგალური ბრუნვის წესების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2004 წლის 22 იანვრის №22/ნ ბრძანებით დამტკიცებულ ნუსხაში.

2. დამტკიცდეს ინფორმაციის მიწოდების ფორმა:

ა) სიმპტომურ მკურნალობაზე მყოფი ონკოინკურაბელური და სომატური ავადმყოფებისათვის ნარკოტიკული საშუალების გამოწერასა და გაცემაზე უფლებამოსილი დაწესებულებების შესახებ (დანართი №1);

ბ) №№ 1, 2 რეცეპტის სპეციალური ბლანკების ხარჯვის შესახებ (დანართი №2);

გ) სამკურნალო საშუალებების იმპორტის განმახორციელებელი პირის მიერ იმპორტირებული ან/და ქვეყნის შიგნით შეძენილი, სპეციალურ კონტროლს დაქვემდებარებული ნივთიერებებისა და ფსიქოაქტიური სამკურნალო საშუალებების შესახებ (დანართი №3);

დ) სამკურნალო საშუალებების ექსპორტის განმახორციელებელი პირის მიერ ექსპორტირებული ან/და ქვეყნის შიგნით რეალიზებული, სპეციალურ კონტროლს დაქვემდებარებული ნივთიერებებისა და ფსიქოაქტიური სამკურნალო საშუალებების შესახებ (დანართი №4);

ე) ქვეყნის შიგნით რეალიზებული, სპეციალურ კონტროლს დაქვემდებარებული ნივთიერებებისა და ფსიქოაქტიური სამკურნალო საშუალებების შესახებ (დანართი №5);

ვ) ფარმაცევტული საწარმოს მიერ იმპორტირებული ან/და ქვეყნის შიგნით შეძენილი სპეციალურ კონტროლს დაქვემდებარებული ნივთიერებების (მხოლოდ სუბსტანციების) და წარმოებული სამკურნალო საშუალებების შესახებ (დანართი №6);

ზ) ფარმაცევტული საწარმოს მიერ ექსპორტირებული ან/და ქვეყნის შიგნით რეალიზებული, სპეციალურ კონტროლს დაქვემდებარებული ნივთიერებებისა და ფსიქოაქტიური სამკურნალო საშუალებების შესახებ (დანართი №7);

თ) სიპტომურ მკურნალობაზე მყოფი ონკოინკურაბელური და სომატური ავადმყოფებისათვის გამოწერილი ნარკოტიკული საშუალებების შესახებ (დანართი №8);

ი) ოპიოიდური ნარკომანიის დროს ჩანაცვლებითი მკურნალობის განმახორციელებელი სამედიცინო დაწესებულებებში ნარკოტიკული საშუალების ხარჯვის შესახებ (დანართი №9).

3. ეთხოვოთ ქალაქების მერებსა და რაიონების გამგებლებს შესაბამისი ჯანმრთელობის დაცვის სამსახურების მეშვეობით უზრუნველყონ წამლის სააგენტოს ინფორმირება სიმპტომურ მკურნალობაზე მყოფი ონკოინკურაბელური და სომატური ავადმყოფებისათვის ნარკოტიკული საშუალებების გამოწერასა და გაცემაზე უფლებამოსილ დაწესებულებათა შესახებ ამ ბრძანების მე-2 პუნქტის ,,ა“ ქვეპუნქტით დამტკიცებული №1 დანართით გათვალისწინებული ფორმით.

4. სიმპტომურ მკურნალობაზე მყოფი ონკოინკურაბელური და სომატური ავადმყოფებისათვის ნარკოტიკული საშუალებების გამოწერაზე უფლებამოსილი იურიდიული პირები წამლის სააგენტოს წარუდგენენ ყოველკვარტალურ ინფორმაციას ამ ბრძანების მე-2 პუნქტის ,,ზ“ ქვეპუნქტით დამტკიცებული №7 დანართით გათვალისწინებული ფორმითა და დადგენილ ვადებში.

5. სამედიცინო, ფარმაცევტულ, სასწავლო, სამეცნიერო-კვლევით, საექსპერტო-დიაგნოსტიკურ და საკონტროლო-ანალიზურ დაწესებულებათა ხელმძღვანელებმა ნარკოტიკული საშუალებების, ფსიქოტროპული ნივთიერებების, პრეკურსორებისა და ფსიქოაქტიური სამკურნალო საშუალებების, აგრეთვე ფორმა №№1, 2 რეცეპტის სპეციალური ბლანკების დაკარგვის, დატაცების ან სხვა მართლსაწინააღმდეგო მისაკუთრების შემთხვევაში, დაუყოვნებლივ მოაწოდონ ინფორმაცია ადგილობრივი პოლიციის განყოფილებებსა და წამლის სააგენტოს.

6. ძალადაკარგულად გამოცხადდეს ,,ნარკოტიკული საშუალებების, ფსიქოტროპული ნივთიერებების და პრეკურსორების ლეგალური ბრუნვის სფეროში საქართველოს შრომის, ჯანმრთელობისა და სოციალური დაცვის სამინისტროს ნარკოტიკების ლეგალური ბრუნვის კონტროლის ბიუროსათვის სავალდებულო ინფორმაციის მიწოდების სისტემის შექმნის შესახებ“ საქართველოს შრომის, ჯანმრთელობისა და სოციალური დაცვის მინისტრის 2004 წლის 22 დეკემბრის №353/ნ ბრძანება (სსმ III, 7.12.2004 წ., №152, მუხლი 1390).

7. ბრძანება ამოქმედდეს გამოქვეყნებიდან მე-15 დღეს.

ლ. ჭიპაშვილი

დანართი № 1

ინფორმაციის მიწოდების ფორმა

სიმპტომურ მკურნალობაზე მყოფი ონკოინკურაბელური და სომატური ავადმყოფებისათვის ნარკოტიკული საშუალების გამოწერასა და გაცემაზე უფლებამოსილი დაწესებულებების შესახებ

 

 

 

პასუხისმგებელი პირის თანამდებობა

ხელმოწერა ________ თარიღი _________ ბ.ა.

შენიშვნა: აღნიშნული ფორმა ივსება ყოველი წლის დასაწყისში ერთხელ, ასევე _ გამოწერა-გაცემაზე უფლებამოსილი დაწესებულების შეცვლის შემთხვევაშიც.

დანართი№ 2

ინფორმაციის მიწოდების ფორმა

№№ 1,2 რეცეპტის სპეციალური ბლანკების ხარჯვის შესახებ

ინფორმაციის მიწოდების ფორმა

საანგარიშო წელი და თვე _____________

 

 

პასუხისმგებელი პირის თანამდებობა და ხელმოწერა ____________________

თარიღი ______________

ბ.ა.

შენიშვნა:

ფორმა ივსება:

ა) მხოლოდ იმ დაწესებულების მიერ, სადაც ინახება რეცეპტის სპეციალური ბლანკების ქვეყნისათვის საჭირო მარაგი;

ბ) ყოველთვიურად და ყოველი მომდევნო თვის 10 რიცხვამდე ეგზავნება წამლის სააგენტოს;

გ) რეცეპტის ბლანკების (ფორმა №№ 1,2) თითოეულ ფორმაზე ცალ-ცალკე;

დ) რეგისტრაციის №-ის ქვეშ იგულისხმება ინდმეწარმის საგადასახადო სამსახურში რეგისტრაციაში გატარების №.

დანართი№ 3

ინფორმაციის მიწოდების ფორმა

სამკურნალო საშუალებების იმპორტის განმახორციელებელი პირის მიერ იმპორტირებული ან/და ქვეყნის შიგნით შეძენილი, სპეციალურ კონტროლს დაქვემდებარებული ნივთიერებებისა და ფსიქოაქტიური სამკურნალო საშუალებების შესახებ

იმპორტიორი პირის დასახელება და იურიდიული მისამართი ______

ტელეფონი __ ფაქსი ___

ნებართვის ან ლიცენზიის № _________________

საანგარიშო წელი და თვე _____________

 

 

 

პასუხისმგებელი პირის თანამდებობა და ხელმოწერა ____________________

თარიღი ______________

ბ.ა.

შენიშვნა:

ა) ფორმა ივსება ყოველთვიურად და ყოველი მომდევნო თვის 10 რიცხვამდე ეგზავნება წამლის სააგენტოს;

ბ) რაოდენობრივი მონაცემები სუბსტანციის შესახებ ივსება გრამებში;

გ) მე-9 ვერტიკალური სვეტი ივსება მხოლოდ ქვეყნის შიგნით შეძენისას.

დანართი№ 4

ინფორმაციის მიწოდების ფორმა

სამკურნალო საშუალებების ექსპორტის განმახორციელებელი პირის მიერ ექსპორტირებული ან/და ქვეყნის შიგნით რეალიზებული, სპეციალურ კონტროლს დაქვემდებარებული ნივთიერებებისა და ფსიქოაქტიური სამკურნალო საშუალებების შესახებ

ექსპორტიორი პირის დასახელება __________

იურიდიული მისამართი _________

ტელეფონი __ ფაქსი ___

ნებართვის ან ლიცენზიის № _________________

საანგარიშო წელი და თვე _____________

 

 

 

პასუხისმგებელი პირის თანამდებობა _________

ხელმოწერა ________________

თარიღი ___________

 ბ.ა.

შენიშვნა:

ა) ფორმა ივსება ყოველთვიურად და ყოველი მომდევნო თვის 10 რიცხვამდე ეგზავნება წამლის სააგენტოს;

ბ) რაოდენობრივი მონაცემები სუბსტანციის შესახებ ივსება გრამებში.

დანართი№ 5

ინფორმაციის მიწოდების ფორმა

ქვეყნის შიგნით რეალიზებული, სპეციალურ კონტროლს დაქვემდებარებული ნივთიერებებისა და ფსიქოაქტიური სამკურნალო საშუალებების შესახებ

ექსპორტიორი პირის დასახელება __________

იურიდიული მისამართი _________

ტელეფონი __ ფაქსი ___

ნებართვის ან ლიცენზიის № _________________

საანგარიშო წელი და თვე _____________

 

 

 

 

 

 

 

 

პასუხისმგებელი პირის თანამდებობა _________

ხელმოწერა ________________

თარიღი ___________

ბ.ა.

შენიშვნა:

ა) ფორმა ივსება ყოველთვიურად და ყოველი მომდევნო თვის 10 რიცხვამდე ეგზავნება წამლის სააგენტოს;

ბ) რაოდენობრივი მონაცემები სუბსტანციის შესახებ ივსება გრამებში.

დანართი№ 6

ინფორმაციის მიწოდების ფორმა

ფარმაცევტული საწარმოს მიერ იმპორტირებული ან/და ქვეყნის შიგნით შეძენილი სპეციალურ კონტროლს დაქვემდებარებული ნივთიერებების

(მხოლოდ სუბსტანციების) და წარმოებული სამკურნალო საშუალებების შესახებ

საწარმოს დასახელება ____________

იურიდიული მისამართი _____________

ნებართვის ან ლიცენზიის № _____________

საანგარიშო წელი და თვე _____________

 

 

 

 

პასუხისმგებელი პირის თანამდებობა და ხელმოწერა ____________________

თარიღი ______________

ბ.ა.

შენიშვნა:

ა) წარმოებულ სამკურნალო საშუალებებში იგულისხმება სპეციალურ კონტროლს დაქვემდებარებული ნივთიერების შემცველი პრეპარატები და ფსიქოაქტიური სამკურნალო საშუალებები;

ბ) ფორმა ივსება ყოველთვიურად და ყოველი მომდევნო თვის 10 რიცხვამდე ეგზავნება წამლის სააგენტოს;

გ) რაოდენობრივი მონაცემები სუბსტანციის შესახებ ივსება გრამებში.

დანართი № 7

ინფორმაციის მიწოდების ფორმა

ფარმაცევტული საწარმოს მიერ ექსპორტირებული ან/და ქვეყნის შიგნით რეალიზებული, სპეციალურ კონტროლს დაქვემდებარებული ნივთიერებებისა და ფსიქოაქტიური სამკურნალო საშუალებების შესახებ

საწარმოს დასახელება ____________

იურიდიული მისამართი _____________

ნებართვის ან ლიცენზიის № _____________

საანგარიშო წელი და თვე _____________

 

 

 

 

 

პასუხისმგებელი პირის თანამდებობა და ხელმოწერა ____________________

თარიღი ______________ ბ.ა.

შენიშვნა:

ა) ფორმა ივსება ყოველთვიურად და ყოველი მომდევნო თვის 10 რიცხვამდე ეგზავნება წამლის სააგენტოს;

ბ) იმ შემთხვევაში, თუ განხორციელდა ექსპორტი, მე-7 ვერტიკალურ სვეტში მიეთითება ექსპორტიორი ქვყნის დასახელებაც;

გ) მე-8 ვერტიკალურ სვეტში მიეთითება იმ იურიდიული პირის ნებართვის ან ლიცენზიის ნომერი, რომლისგანაც განხორციელდა სამკურნალო საშუალების შეძენა;

დ) რაოდენობრივი მონაცემები სუბსტანციის შესახებ ივსება გრამებში.

დანართი № 8

ინფორმაციის მიწოდების ფორმა

სიპტომურ მკურნალობაზე მყოფი ონკოინკურაბელური და სომატური ავადმყოფებისათვის გამოწერილი ნარკოტიკული საშუალებების შესახებ

რესპუბლიკა (რეგიონი) ________

ქალაქი (რაიონი) _____________

დაწესებულება ___________________

იურიდიული მისამართი ______________ ტელეფონი _______ ფაქსი _______

საანგარიშო პერიოდი _______ წლის ______ კვარტალი

 

პასუხისმგებელი პირის თანამდებობა და ხელმოწერა ____________________

თარიღი ______________

ბ.ა.

შენიშვნა:

ა) ფორმას ავსებს ონკოინკურაბელური ავადმყოფებისათვის ნარკოტიკული საშუალებების გამოწერაზე უფლებამოსილი იურიდიული პირი და ყოველი კვარტალის დამთავრებიდან 10 კალენდარული დღის განმავლობაში უგზავნის წამლის სააგენტოს;

ბ) მე-10 ვერტიკალურ სვეტში მიეთითება მხოლოდ ფაქტობრივად გამოწერილი ნარკოტიკული საშუალებები;

გ) იმ შემთხვევაში, თუ ავადმყოფი დროებით ან მუდმივად იცვლის საცხოვრებელ ადგილს, წამლის სააგენტოს დამატებით წარედგინება წერილობითი ინფორმაცია, რომელშიც მოცემული იქნება ავადმყოფის სახელი, გვარი, დროებითი ან ახალი საცხოვრებლის მისამართი.

დანართი № 9

ინფორმაციის მიწოდების ფორმა

ნარკომანიის დროს ჩანაცვლებითი მკურნალობის განმახორციელებელ სამედიცინო დაწესებულებაში ნარკოტიკული საშუალების ხარჯვის შესახებ

 

დაწესებულების დასახელება ___________________

იურიდიული მისამართი ______________ ტელეფონი _______ ფაქსი _______

საანგარიშო წელი და თვე __________________

 

 

 

პასუხისმგებელი პირის თანამდებობა _______________

ხელმოწერა ___________

თარიღი ______________

ბ.ა.

შენიშვნა:

ა) ფორმა ივსება ყოველთვიურად და ეგზავნება წამლის სააგენტოს არა უგვიანეს ყოველი მომდევნო თვის 10 რიცხვამდე;

ბ) წამლის სააგენტოს დამატებით ეგზავნება წერილობითი ინფორმაცია საანგარიშო თვის განმავლობაში ჩანაცვლებით მკურნალობაზე მყოფი პაციენტის სხვა სტაციონარში ან/და ბინაზე მკურნალობის ყოველი შემთხვევის შესახებ. ინფორმაციაში უნდა მიეთითოს ამ სტაციონარების დასახელება და იურიდიული მისამართი.

Annotate