სოციალური დახმარების შესახებ

საქართველოს მთავრობის

დადგენილება №145

2006 წლის 28 ივლისი

ქ. თბილისი

სოციალური დახმარების შესახებ

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

სოციალურად დაუცველი ოჯახების მონაცემთა ერთიან ბაზაში რეგისტრირებული სოციალური დახმარების მაძიებელი ოჯახებისათვის მისამართული სოციალური დახმარების დანიშვნა-გაცემისა და უმწეო მდგომარეობაში მყოფი ოჯახებისათვის დანიშნული სოციალური დახმარების გაცემის უზრუნველსაყოფად, ასევე სოციალურად დაუცველ ბავშვთა ოჯახში აღზრდის უპირატესი უფლების უზრუნველყოფისა და დეინსტიტუციონალიზაციის ხელშეწყობის მიზნით, „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „მ“ ქვეპუნქტისა და „სოციალური დახმარების შესახებ“ საქართველოს კანონის საფუძველზე:

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

1. დამტკიცდეს სოციალური დახმარების პროგრამის განხორციელების ძირითადი პრინციპები, რეინტეგრაციის შემწეობის ოდენობა, შვილობილად აყვანის (მინდობით აღზრდის) ანაზღაურების ოდენობა, სოციალური დახმარების ოდენობის გაანგარიშების, ღონისძიებათა დაფინანსებისა და ანგარიშსწორების თანდართული წესი.

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

2. საქართველოს შრომის, ჯანმრთელობისა და სოციალური დაცვის სამინისტრომ (ლ. ჭიპაშვილი):

ა) ამ დადგენილების ამოქმედებიდან ერთ თვეში დაამტკიცოს სოციალური დახმარების დანიშვნისა და გაცემის წესი;

ბ) უზრუნველყოს სოციალური დახმარების პროგრამის განხორციელების პროცესში წარმოშობილ ურთიერთობათა მოსაწესრიგებლად საჭირო ადმინისტრაციულ-სამართლებრივი აქტების მომზადება და გამოცემა.

3. საჯარო სამართლის იურიდიულმა პირმა – სოციალური მომსახურების სააგენტომ უზრუნველყოს სოციალურად დაუცველი ოჯახების მონაცემთა ერთიან ბაზაში რეგისტრირებული ოჯახებისათვის სოციალური დახმარების დანიშვნა-გაცემა, უმწეო მდგომარეობაში მყოფი ოჯახებისათვის დანიშნული სოციალური დახმარების გაცემა დადგენილი წესით და ამ პროცესის ადმინისტრირებისას წარმოშობილი ურთიერთობების რეგულირება.

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

საქართველოს მთავრობის 2007 წლის 16 ივნისის დადგენილება №122 - სსმ III, №83, 18.06.2007 წ., მუხ.892

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

4. ეთხოვოთ შესაბამის ადმინისტრაციულ ორგანოებს მათ კომპეტენციას მიკუთვნებულ საკითხებზე სოციალური დახმარების პროგრამის განხორციელებისას ქმედითი დახმარება გაუწიონ სსიპ – სოციალური მომსახურების სააგენტოს.

საქართველოს მთავრობის 2007 წლის 16 ივნისის დადგენილება №122 - სსმ III, №83, 18.06.2007 წ., მუხ.892

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

5. დადგენილება ამოქმედდეს გამოქვეყნებისთანავე.

პრემიერ-მინისტრი ზ. ნოღაიდელი

შეტანილი ცვლილებები:

1. საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

2. საქართველოს მთავრობის 2007 წლის 24 იანვრის დადგენილება №10 - სსმ III, №9, 24.10.2007 წ., მუხ.85

3. საქართველოს მთავრობის 2007 წლის 7 მარტის დადგენილება №46 - სსმ III, №34, 14.03.2007 წ., მუხ.403

4. საქართველოს მთავრობის 2007 წლის 19 მაისის დადგენილება №104 - სსმ III, №75, 29.05.2007 წ., მუხ.799

5. საქართველოს მთავრობის 2007 წლის 16 ივნისის დადგენილება №122 - სსმ III, №83, 18.06.2007 წ., მუხ.892

6. საქართველოს მთავრობის 2008 წლის 3 სექტემბრის დადგენილება №181 - სსმ III, №130, 04.09.20008 წ., მუხ.1310

7. საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

8. საქართველოს მთავრობის 2009 წლის 10 მარტის დადგენილება №41 - სსმ III, №28, 12.03.2009 წ., მუხ.352

9. საქართველოს მთავრობის 2009 წლის 23 ივნისის დადგენილება №118 - სსმ III, №78, 26.09.2009 წ., მუხ.847

10. საქართველოს მთავრობის 2009 წლის 29 დეკემბრის დადგენილება №245 - სსმ III, №159, 30.12.2009 წ., მუხ.1939

11.საქართველოს მთავრობის 2010 წლის 19 თებერვლის დადგენილება № 46 - სსმ III, № 22 , 25 . 02 .20 10 წ., მუხ. 269

12 .საქართველოს მთავრობის 2010 წლის 24 აპრილის დადგენილება № 123 - სსმ III, № 49 , 28 . 04 .20 10 წ., მუხ. 724

 

 

სოციალური დახმარების პროგრამის განხორციელების ძირითადი პრინციპები, რეინტეგრაციის შემწეობისა და შვილობილად აყვანის (მინდობით აღზრდის) ანაზღაურების ოდენობა, სოციალური დახმარების ოდენობის გაანგარიშების, ღონისძიებათა დაფინანსებისა და ანგარიშსწორების წესი

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

თავი I

ზოგადი დებულებანი

    მუხლი 1. რეგულირების სფერო და მიზანი

ეს წესი ადგენს სოციალურად დაუცველი ოჯახების მონაცემთა ერთიან ბაზაში რეგისტრირებული ღატაკი ოჯახებისა და უმწეო მდგომარეობაში მყოფი ოჯახებისათვის სოციალური დახმარების ოდენობას, ღონისძიებათა დაფინანსებისა და ანგარიშსწორების წესს და ძირითად პრინციპებს, განსაზღვრავს სოციალური დახმარების ადმინისტრირების კომპეტენტურ ორგანოსა და პროგრამის ფარგლებში სოციალური დახმარების გაცემის ძირითად პრინციპებს, ასევე რეინტეგრაციის შემწეობისა და შვილობილად აყვანის (მინდობით აღზრდის) ანაზღაურების ოდენობას.

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

     მუხლი 2. სოციალური დახმარებები

1. ამ წესის მიზნებისათვის მიზნობრივი სოციალური დახმარება არის ფულადი სახის გასაცემელი (შემდგომში – საარსებო შემწეობა), რომლის მიზანია შეფასების სისტემით იდენტიფიცირებული ღატაკი ოჯახების სოციალურ-ეკონომიკური მდგომარეობის გაუმჯობესება, ქვეყანაში სიღატაკის დონის შემცირება ან/და მისი პრევენცია.

2. ამ წესის მიზნებისათვის უმწეო მდგომარეობაში მყოფი ოჯახებისათვის სოციალური დახმარება (შემდგომში – საოჯახო დახმარება) არის ფულადი სახის გასაცემელი, რომლის მიზანია 2007 წლის 1 იანვრამდე დანიშნული საოჯახო დახმარების გაცემის გაგრძელება.

2^​1. ამ წესის მიზნებისათვის რეინტეგრაციის შემწეობა არის ფულადი სოციალური დახმარება, რომელიც მიეცემა სპეციალიზებულ დაწესებულებაში მცხოვრები ბავშვის ბიოლოგიურ ოჯახს, მეურვეს (მზრუნველს), რომელიც ამ ბავშვს სპეციალიზებული დაწესებულებიდან გაიყვანს ოჯახურ გარემოში საცხოვრებლად და გაუწევს მას სათანადო მზრუნველობას.

2^​2. ამ წესის მიზნებისათვის შვილობილად აყვანის (მინდობით აღზრდის) ანაზღაურება არის ფულადი სოციალური დახმარება, რომელიც მიეცემა დედობილ-მამობილს შვილობილის მოვლისა და აღზრდისათვის.

3. საარსებო შემწეობის, საოჯახო დახმარების, რეინტეგრაციის შემწეობისა და შვილობილად აყვანის (მინდობით აღზრდის) ანაზღაურების დაფინანსების წყაროა შესაბამისი წლის სახელმწიფო ბიუჯეტით გამოყოფილი სახსრები.

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

საქართველოს მთავრობის 2009 წლის 23 ივნისის დადგენილება №118 - სსმ III, №78, 26.09.2009 წ., მუხ.847

     მუხლი 3. სოციალური დახმარების ადმინისტრირების კომპეტენტური ორგანო

1. საარსებო შემწეობის ადმინისტრირების კომპეტენტური ორგანოა საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ – სოციალური მომსახურების სააგენტო (შემდგომში – სააგენტო), რომელიც ამ წესისა და მოქმედი კანონმდებლობის შესაბამისად უზრუნველყოფს საარსებო შემწეობის მაძიებელი ოჯახებისათვის საარსებო შემწეობის დანიშვნას, გაცემას, შეწყვეტას, გაანგარიშებას, შეჩერებას, აღდგენასა და საარსებო შემწეობის მიღებასთან დაკავშირებულ სხვა საკითხთა გადაწყვეტას.

2. საოჯახო დახმარების ადმინისტრირების კომპეტენტური ორგანოა სააგენტო, აფხაზეთიდან დევნილი ოჯახებისათვის – აფხაზეთის ავტონომიური რესპუბლიკის შრომის, ჯანმრთელობისა და სოციალური დაცვის სამინისტრო 2009 წლის 15 აგვისტომდე, ხოლო, 2009 წლის 15 აგვისტოდან – სააგენტო, რომლებიც ამ წესისა და მოქმედი კანონმდებლობის შესაბამისად უზრუნველყოფენ საოჯახო დახმარების შეწყვეტას, გადაანგარიშებას, შეჩერებას, აღდგენასა და საოჯახო დახმარების ადმინისტრირებასთან დაკავშირებულ სხვა საკითხთა გადაწყვეტას.

3. საოჯახო დახმარების გაცემას უზრუნველყოფს სააგენტო შესაბამისი წლის სახელმწიფო ბიუჯეტით გამოყოფილი ასიგნებებიდან.

4. რეინტეგრაციის შემწეობისა და შვილობილად აყვანის (მინდობით აღზრდის) ანაზღაურების ადმინისტრირების კომპეტენტური ორგანოა სააგენტო, რომელიც მოქმედი კანონმდებლობის შესაბამისად უზრუნველყოფს რეინტეგრაციის შემწეობისა და შვილობილად აყვანის (მინდობით აღზრდის) ანაზღაურების დანიშვნას, შეჩერებას, განახლებასა და შეწყვეტას, აგრეთვე მათ გაცემასთან დაკავშირებული სხვა საკითხების გადაწყვეტას.

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

საქართველოს მთავრობის 2007 წლის 16 ივნისის დადგენილება №122 - სსმ III, №83, 18.06.2007 წ., მუხ.892

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

საქართველოს მთავრობის 2009 წლის 23 ივნისის დადგენილება №118 - სსმ III, №78, 26.09.2009 წ., მუხ.847

    მუხლი 4. ტერმინთა განმარტებები

ამ წესში გამოყენებულ ტერმინებს აქვს იგივე მნიშვნელობა, რაც საქართველოს მთავრობის 2005 წლის 17 მარტის №51 დადგენილებით დამტკიცებულ ,,სოციალურად დაუცველი ოჯახების მონაცემთა ერთიანი ბაზის ფორმირების წესსა“ და საქართველოს ეკონომიკური განვითარების მინისტრის 2005 წლის 29 სექტემბრის №1-1/1024 ბრძანებით დამტკიცებულ „სოციალურად დაუცველი ოჯახების სოციალურ-ეკონომიკური მდგომარეობის შეფასების წესში“, თუ ამავე წესით სხვა რამ არ არის გათვალისწინებული.

თავი II

საარსებო შემწეობის ოდენობა, მისი დანიშვნისა და გაცემის პრინციპები

    მუხლი 5. საარსებო შემწეობის დანიშვნის საფუძველი და პრინციპები

1. საარსებო შემწეობის მიღების უფლება აქვს ოჯახს, რომელიც დადგენილი წესით რეგისტრირებულია სოციალურად დაუცველი ოჯახების მონაცემთა ერთიან ბაზაში (შემდგომში – მონაცემთა ბაზა) და მისი სარეიტინგო ქულა ნაკლებია ამ წესით დადგენილ საარსებო შემწეობის მისაღებ ზღვრულ ქულაზე (შემდგომში – ღატაკი ოჯახი).

2. ღატაკ ოჯახს საარსებო შემწეობის დანიშვნის უფლება ეძლევა ოჯახის მიერ მონაცემთა ბაზაში რეგისტრაციის მოთხოვნის შესახებ განაცხადის შეტანიდან მეოთხე თვეს.

2^​1. იმ შემთხვევაში, თუ მონაცემთა ბაზაში რეგისტრირებულ ოჯახს სარეიტინგო ქულა მინიჭებული აქვს ოჯახის მოთხოვნით განხორციელებული განმეორებითი შეფასების შედეგად და იგი ნაკლებია საარსებო შემწეობის მისაღებ ზღვრულ ქულაზე, ოჯახს საარსებო შემწეობის დანიშვნის უფლება წარმოეშობა სოციალურ-ეკონომიკური მდგომარეობის განმეორებითი შეფასების შესახებ სააგენტოში შესაბამისი ფორმის განაცხადის შეტანიდან მეოთხე თვეს.

2^​2. იმ შემთხვევაში, თუ მონაცემთა ბაზაში რეგისტრირებულ ოჯახს სარეიტინგო ქულა მინიჭებული აქვს სააგენტოს ინიციატივით განხორციელებული განმეორებითი შეფასების შედეგად და იგი ნაკლებია საარსებო შემწეობის მისაღებ ზღვრულ ქულაზე, ოჯახს საარსებო შემწეობის დანიშვნის უფლება წარმოეშობა სარეიტინგო ქულის მინიჭებიდან მეოთხე თვეს.

2^​3. ამ მუხლის 2^​1 და 2^​2 პუნქტებით გათვალისწინებული შემთხვევები არ ვრცელდება იმ ღატაკ ოჯახებზე, რომელთა სარეიტინგო ქულა განმეორებით შეფასებამდე ნაკლებია საარსებო შემწეობის მისაღებ ზღვრულ ქულაზე. ასეთ ოჯახებს საარსებო შემწეობის დანიშვნის უფლება წარმოეშობათ ამ მუხლის მე-2 პუნქტის ან ამ წესის მე-11 მუხლის შესაბამისად.

3. საარსებო შემწეობა ინიშნება უფლების წარმოშობის თვიდან, რასაც წინ უსწრებს ღატაკი ოჯახის წერილობითი განცხადება საარსებო შემწეობის დანიშვნის შესახებ.

4. ამ მუხლის მე-2, 2^​1 და 2^​2 პუნქტებით დადგენილი ვადის ათვლა შეიძლება შეჩერდეს დაუძლეველი ძალის (ფორსმაჟორი) არსებობისას. ვადის ათვლა გაგრძელდება შეჩერების გამომწვევი მიზეზ(ებ)ის აღმოფხვრის შემდეგ. ასეთ შემთხვევაში ღატაკ ოჯახს საარსებო შემწეობა დაერიცხება უფლების წარმოშობის თვიდან დადგენილი პროცედურების შესაბამისად.

საქართველოს მთავრობის 2007 წლის 24 იანვრის დადგენილება №10 - სსმ III, №9, 24.10.2007 წ., მუხ.85

საქართველოს მთავრობის 2007 წლის 19 მაისის დადგენილება №104 - სსმ III, №75, 29.05.2007 წ., მუხ.799

    მუხლი 5. საარსებო შემწეობის დანიშვნის საფუძველი და პრინციპები

1. საარსებო შემწეობის მიღების უფლება აქვს ოჯახს, რომელიც დადგენილი წესით რეგისტრირებულია სოციალურად დაუცველი ოჯახების მონაცემთა ერთიან ბაზაში (შემდგომში – მონაცემთა ბაზა) და მისი სარეიტინგო ქულა ნაკლებია ამ წესით დადგენილი საარსებო შემწეობის მისაღებ ზღვრულ ქულაზე (შემდგომში – ღატაკი ოჯახი).

2. ღატაკ ოჯახს საარსებო შემწეობის დანიშვნის უფლება ეძლევა სარეიტინგო ქულის მინიჭების თვიდან მესამე თვეს (თვეთა ათვლისას სარეიტინგო ქულის მინიჭების მომდევნო თვე ითვლება პირველ თვედ).

3. საარსებო შემწეობა ინიშნება უფლების წარმოშობის თვიდან, რასაც წინ უსწრებს ღატაკი ოჯახის წერილობითი განცხადება საარსებო შემწეობის დანიშვნის შესახებ.

4. საარსებო შემწეობის გაცემა ჩერდება ოჯახის განმეორებითი შეფასების პერიოდში. გადამოწმების შედეგად მინიჭებული სარეიტინგო ქულის საფუძველზე ოჯახს უგრძელდება (აღუდგება) ან უწყდება საარსებო შემწეობა. თუ გადამოწმების შედეგად მინიჭებული სარეიტინგო ქულა ნაკლებია ამ წესის მე-7 მუხლით დადგენილ ზღვრულ ოდენობაზე, ღატაკ ოჯახს საარსებო შემწეობის გაცემა აღუდგება შეჩერების თვიდან.

5. ამ მუხლის მე-2 პუნქტით დადგენილი ვადის ათვლა შეიძლება შეჩერდეს დაუძლეველი ძალის (ფორსმაჟორი) არსებობისას. ვადის ათვლა გაგრძელდება შეჩერების გამომწვევი მიზეზ(ებ)ის აღმოფხვრის შემდეგ. ასეთ შემთხვევაში ღატაკ ოჯახს საარსებო შემწეობა დაერიცხება უფლების წარმოშობის თვიდან დადგენილი პროცედურების შესაბამისად. (ამოქმედდეს 2010 წლის 1 ივნისიდან)

საქართველოს მთავრობის 2010 წლის 24 აპრილის დადგენილება №123 - სსმ III, №49, 28.04.2010 წ., მუხ.724

    მუხლი 6. საარსებო შემწეობის ოდენობა

1. საარსებო შემწეობის ოდენობა განისაზღვრება ოჯახის წევრთა რაოდენობის მიხედვით.

2. საარსებო შემწეობის ოდენობა ერთსულიანი ოჯახისათვის არის 30 (ოცდაათი) ლარი.

3. ორ- და მეტსულიანი ოჯახების შემთხვევაში ამ მუხლის მე-2 პუნქტით გათვალისწინებული ერთსულიანი ოჯახისათვის დადგენილი საარსებო შემწეობის ოდენობას მეორე და ოჯახის ყოველ მომდევნო თითოეულ წევრზე ემატება 24 ლარი.

4. საარსებო შემწეობის ოდენობის გაანგარიშებისას ოჯახის წევრთა რაოდენობაში არ გაითვალისწინება ოჯახის წევრ(ებ)ი, რომელიც მონაცემთა ერთიან ბაზაში რეგისტრაციის მიუხედავად საარსებო შემწეობის დანიშვნის მომენტისათვის არის:

ა) სასჯელაღსრულების დაწესებულებაში მყოფი მსჯავრდებული, რომელსაც სასამართლოს კანონიერ ძალაში შესული გადაწყვეტილების შესაბამისად შეეფარდა თავისუფლების აღკვეთა;

ბ) იძულებით სამკურნალოდ გაგზავნილი პირი;

გ) ვადიან სამხედრო სამსახურში მყოფი პირი;

დ) ქვეყნის ფარგლებს გარეთ სამ თვეზე მეტი ვადით წასული პირი;

ე) ინსტიტუციონალურ დაწესებულებაში სრულ სახელმწიფო კმაყოფაზე მყოფი პირი.

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

    მუხლი 7. საარსებო შემწეობის ზღვრული ქულა

საარსებო შემწეობის მისაღები ზღვრული ქულა არის 57001 (ორმოცდაჩვიდმეტი ათას ერთი).

საქართველოს მთავრობის 2007 წლის 19 მაისის დადგენილება №104 - სსმ III, №75, 29.05.2007 წ., მუხ.799

    მუხლი 8. საარსებო შემწეობის გაცემა

1. საარსებო შემწეობა გაიცემა საბანკო დაწესებულების მეშვეობით.

2. საარსებო შემწეობის გაცემა წარმოებს „სახელმწიფო შესყიდვების შესახებ“ საქართველოს კანონის შესაბამისად სააგენტოსა და მომსახურე კომერციულ ბანკთან გაფორმებული ხელშეკრულების პირობებით.

3. საარსებო შემწეობა მიეცემა ღატაკი ოჯახის ნებისმიერ სრულწლოვან ქმედუნარიან წევრს.

4. იმ შემთხვევაში, თუ ღატაკი ოჯახის წევრი არის სხვა ინდივიდუალური სოციალური დახმარების ან/და სხვა სახელმწიფო გასაცემლის მიმღები, სააგენტო უფლებამოსილია, საარსებო შემწეობის ამ წევრისათვის განკუთვნილი წილი გასცეს ინდივიდუალურ სოციალურ დახმარებასთან ან/და სხვა სახელმწიფო გასაცემელთან ერთად.

5. ამ წესის მიზნებისათვის ორი- და მეტსულიანი ღატაკი ოჯახის წევრთათვის საარსებო შემწეობის გამოთვლისას მე-6 მუხლის მე-2 პუნქტით გათვალისწინებული ოდენობა არის ღატაკი ოჯახის უხუცესი წევრის წილი, ხოლო დანარჩენ წევრთა წილი არის 24 ლარი (ამოქმედდეს 2010 წლის 1 ივნისიდან)

საქართველოს მთავრობის 2010 წლის 24 აპრილის დადგენილება №123 - სსმ III, №49, 28.04.2010 წ., მუხ.724

თავი II^​1

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

საოჯახო დახმარების ოდენობა და მისი გაცემის პრინციპები

    მუხლი 8^​1. საოჯახო დახმარების გაცემის საფუძვლები და პრინციპები

1. საოჯახო დახმარება მიეცემათ იმ ოჯახებს, რომელთაც დახმარება დანიშნული აქვთ 2007 წლის 1 იანვრამდე.

2. საოჯახო დახმარების გაცემას უზრუნველყოფს სააგენტო.

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

    მუხლი 8^​2. საოჯახო დახმარების ოდენობა

1. „საქართველოს 2010 წლის სახელმწიფო ბიუჯეტის შესახებ“ საქართველოს კანონის შესაბამისად, საოჯახო დახმარება ყოველთვიურად მიეცემათ უმწეო მდგომარეობაში მყოფ ოჯახთა (მათ შორის, დევნილთა ოჯახების) კატეგორიებს შემდეგი ოდენობით:

ა) მარტოხელა არამომუშავე პენსიონერთა ერთსულიან ოჯახზე – 22 ლარი, არამომუშავე პენსიონერთა ორ- და მეტსულიან ოჯახზე – 35 ლარი;

ბ) დედ-მამით ობოლ 18 წლამდე ასაკის ბავშვებზე, მეურვის შრომისუნარიანობის მიუხედავად, ერთ ბავშვზე – 22 ლარი;

გ) არამომუშავე, მკვეთრად გამოხატული შეზღუდული შესაძლებლობის მქონე უსინათლოებზე, ერთ პირზე – 22 ლარი;

დ) 18 წლამდე ასაკის შეზღუდული შესაძლებლობის მქონე ბავშვებზე, ერთ ბავშვზე – 22 ლარი;

ე) მრავალშვილიან ოჯახზე, რომელსაც ჰყავს 7 ან 7-ზე მეტი 18 წლამდე ასაკის ბავშვი – 35 ლარი.

2. საოჯახო დახმარების ადმინისტრირების მიზნებისათვის მარტოხელა პენსიონერად ითვლება სახელმწიფო პენსიის მიმღები პირი (ასაკით ან შეზღუდული შესაძლებლობის სტატუსის დადგენით), რომელსაც არ ჰყავს შრომისუნარიანი მარჩენალი (მეუღლე, შვილი ან მშობელი) და არ წარმოადგენს ამ მუხლის პირველი პუნქტის „ბ“ – „დ“ ქვეპუნქტებით გათვალისწინებული კატეგორიით საოჯახო დახმარების მიმღებს.

3. ამ მუხლის პირველი პუნქტის „ა“ ქვეპუნქტით გათვალისწინებულ არამომუშავე პენსიონერთა ორ- და მეტსულიან ოჯახში იგულისხმება ოჯახი, რომელიც შედგება ამ მუხლის მე-2 პუნქტით გათვალისწინებული ორი ან მეტი პირისაგან, მიუხედავად ამ ოჯახში 18 წლამდე ასაკის პირის არსებობისა, რომელიც „სახელმწიფო პენსიის შესახებ“ საქართველოს კანონის შესაბამისად არ იღებს სახელმწიფო პენსიას.

4. დაუშვებელია საოჯახო დახმარების გაცემა ამ მუხლის პირველი პუნქტით გათვალისწინებული ორი ან მეტი კატეგორიით.

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

საქართველოს მთავრობის 2007 წლის 7 მარტის დადგენილება №46 - სსმ III, №34, 14.03.2007 წ., მუხ.403

საქართველოს მთავრობის 2009 წლის 23 ივნისის დადგენილება №118 - სსმ III, №78, 26.09.2009 წ., მუხ.847

საქართველოს მთავრობის 2009 წლის 29 დეკემბრის დადგენილება №245 - სსმ III, №159, 30.12.2009 წ., მუხ.1939

    მუხლი 8^​3. საოჯახო დახმარების გაცემა

1. საოჯახო დახმარება გაიცემა საბანკო დაწესებულების მეშვეობით.

2. საოჯახო დახმარების გაცემა წარმოებს ,,სახელმწიფო შესყიდვების შესახებ“ საქართველოს კანონის შესაბამისად სააგენტოსა და მომსახურე კომერციულ ბანკთან გაფორმებული ხელშეკრულების პირობით.

3. საოჯახო დახმარება მიეცემა დახმარების მიმღებს ან მის კანონიერ წარმომადგენელს.

4. საოჯახო დახმარების გაცემა დახმარების მიმღების თხოვნის გათვალისწინებით შეიძლება განხორციელდეს ბინაზე მიტანით.

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

თავი III

საარსებო შემწეობის მიმღები ოჯახებისა და ადმინისტრირების კომპეტენტური ორგანოს უფლება-მოვალეობანი

    მუხლი 9. საარსებო შემწეობის ადმინისტრირების კომპეტენტური ორგანოს ფუნქციები და უფლება-მოვალეობანი

1. საარსებო შემწეობის ადმინისტრირებისათვის სააგენტო უზრუნველყოფს:

ა) საარსებო შემწეობის დანიშვნას, გაანგარიშებას, შეჩერებას, შეწყვეტას, განახლებას, აგრეთვე გაცემის ორგანიზაციას;

ბ) საარსებო შემწეობის მიმღებთა აღრიცხვას;

გ) სტატისტიკის წარმოებას.

2. სააგენტო უფლებამოსილია:

ა) სისტემატურად შეამოწმოს საარსებო შემწეობის მიმღები ოჯახი (ოჯახის გაერთიანების ან გაყოფის, ოჯახის წევრთა სოციალური სტატუსის, დასაქმების, რაოდენობის და/ან ოჯახის სოციალურ-ეკონომიკური მდგომარეობის სხვა არსებითი ცვლილებების გამოსავლენად);

ბ) არსებული/გამოვლენილი ფაქტების გათვალისწინებით მიიღოს გადაწყვეტილება შემწეობის დანიშვნის, დანიშვნაზე უარის თქმის, შეჩერების, შეწყვეტის, ზედმეტად გაცემული შემწეობის დაქვითვის (უკან დაბრუნების) ან/და შემწეობის ოდენობის გადაანგარიშების შესახებ;

გ) ოჯახის მიერ საარსებო შემწეობის ადმინისტრირებასთან დაკავშირებით წარმოშობილ ვალდებულებათა შეუსრულებლობის შემთხვევაში შეუწყვიტოს შემწეობა;

დ) შესაბამისი დაწესებულებებისა და ორგანიზაციებისაგან გამოითხოვოს ინფორმაცია, რომელიც საჭიროა საარსებო შემწეობის დანიშვნის/დანიშვნაზე უარის თქმის, გაანგარიშების, შეჩერება-განახლებისა და შეწყვეტის საკითხის გადაწყვეტისათვის.

ე) ავტომატურად გადაუანგარიშოს დანიშნული საარსებო შემწეობა ოჯახს სოციალურ-ეკონომიკური მდგომარეობის შეფასების გარეშე, წევრის დაბადების (ბავშვის შვილად აყვანის) ან წევრის გამოკლების (გარდაცვალება, ოჯახის შემადგენლობიდან გასვლა) შემთხვევაში;

ვ) ამ მუხლის მე-2 პუნქტის „ე“ ქვეპუნქტით გათვალისწინებულ შემთხვევაში ოჯახს წევრის დამატებისას საარსებო შემწეობა ავტომატურად გადაუანგარიშოს, თუ ოჯახის ბოლო შეფასებიდან და ბავშვის დაბადებიდან (შვილად აყვანიდან) არ არის გასული 2 წელი. (ამოქმედდეს 2010 წლის 1 ივნისიდან)

3. სააგენტო უზრუნველყოფს ამ წესითა და მოქმედი კანონმდებლობით გათვალისწინებული სხვა ფუნქციებისა და უფლება-მოვალეობების შესრულებას.

საქართველოს მთავრობის 2009 წლის 23 ივნისის დადგენილება №118 - სსმ III, №78, 26.09.2009 წ., მუხ.847

საქართველოს მთავრობის 2009 წლის 23 ივნისის დადგენილება №118 - სსმ III, №78, 26.09.2009 წ., მუხ.847

საქართველოს მთავრობის 2010 წლის 24 აპრილის დადგენილება №123 - სსმ III, №49, 28.04.2010 წ., მუხ.724

    მუხლი 10. საარსებო შემწეობის მიმღები ოჯახის უფლება-მოვალეობანი

1. საარსებო შემწეობის ოჯახს უფლება აქვს:

ა) მიიღოს საარსებო შემწეობა ამ წესით განსაზღვრული პირობებითა და ოდენობით;

ბ) მოითხოვოს საარსებო შემწეობის ადგილზე მიტანა, თუ ოჯახის ყველა სრუწლოვან, ქმედუნარიან წევრს შეზღუდული აქვს გადაადგილების უნარი (ადგილზე მიტანის სხვა შემთხვევებსა და გარემოებებს განსაზღვრავს სააგენტო);

გ) საქართველოს კანონმდებლობის შესაბამისად საარსებო შემწეობასთან ერთად მიიღოს სახელმწიფო პენსია, სახელმწიფო კომპენსაცია/სახელმწიფო აკადემიური სტიპენდია და სხვა სოციალური დახმარება, თუ კანონმდებლობით სხვა რამ არ არის გათვალისწინებული.

2. საარსებო შემწეობის მიმღები ოჯახი ვალდებულია:

ა) დაუყოვნებლივ აცნობოს სააგენტოს ოჯახის წევრთა შემადგენლობაში მომხდარი ცვლილებები (წევრის გარდაცვალება, დაბადება, ქორწინება, საზღვარგარეთ სამ თვეზე მეტი ვადით წასვლა და სხვ.);

ბ) აცნობოს სააგენტოს იმ გარემოების დადგომა, რომელსაც თან სდევს ოჯახის სოციალურ-ეკონომიკური მდგომარეობის გაუმჯობესება ამ გარემოების წარმოშობიდან არა უგვიანეს ერთი თვისა;

გ) შეასრულოს სააგენტოს მიერ განსაზღვრული და საქართველოს კანონმდებლობით გათვალისწინებული სხვა მოვალეობანი.

თავი III^​1

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

საოჯახო დახმარების მიმღებთა და ადმინისტრირების კომპეტენტური ორგანოს უფლება-მოვალეობანი

    მუხლი 10^​1. საოჯახო დახმარების ადმინისტრირების კომპეტენტური ორგანოს ფუნქციები და უფლება-მოვალეობანი

1. საოჯახო დახმარების ადმინისტრირების კომპეტენტური ორგანო უზრუნველყოფს:

ა) დანიშნული დახმარების გადაანგარიშებას, შეჩერებას, შეწყვეტას, აღდგენას ან/და გაცემის ორგანიზებას;

ბ) საოჯახო დახმარების მიმღებ პირთა აღრიცხვას;

გ) სტატისტიკის წარმოებას.

2. საოჯახო დახმარების ადმინისტრირების კომპეტენტური ორგანო უფლებამოსილია:

ა) შეამოწმოს საოჯახო დახმარების მიმღები ოჯახი, დახმარების მიღების საუძვლ(ებ)ის არსებობის დასადგენად;

ბ) არსებული/გამოვლენილი ფაქტების გათვალისწინებით მიიღოს გადაწყვეტილება დახმარების შეჩერების, შეწყვეტის, ზედმეტად გაცემული დახმარების დაქვითვის (უკან დაბრუნების) ან/და დახმარების ოდენობის გადაანგარიშების შესახებ;

გ) ოჯახის მიერ საოჯახო დახმარების ადმინისტრირებასთან დაკავშირებით წარმოშობილ ვალდებულებათა შეუსრულებლობის შემთხვევაში შეუჩეროს ან შეუწყვიტოს დახმარება;

დ) შესაბამისი დაწესებულებებისა და ორგანიზაციებიდან გამოითხოვოს ინფორმაცია, რომელიც საჭიროა საოჯახო დახმარების გადაანგარიშების, შეჩერების, განახლების ან/და შეწყვეტის საკითხის გადასაწყვეტად.

3. საოჯახო დახმარების ადმინისტრირების კომპეტენტური ორგანო უზრუნველყოფს ამ წესითა და მოქმედი კანონმდებლობით გათვალისწინებულ სხვა ფუნქციათა და უფლება-მოვალეობათა შესრულებას.

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

საქართველოს მთავრობის 2009 წლის 23 ივნისის დადგენილება №118 - სსმ III, №78, 26.09.2009 წ., მუხ.847

    მუხლი 10^​2. საოჯახო დახმარების მიმღები ოჯახის უფლება-მოვალეობანი

1. საოჯახო დახმარების მიმღებ ოჯახს უფლება აქვს:

ა) მიიღოს საოჯახო დახმარება საქართველოს მოქმედი კანონმდებლობით დადგენილი პირობებითა და ოდენობით;

ბ) მოითხოვოს საოჯახო დახმარების ადგილზე მიტანა, თუ ოჯახის ყველა სრულწლოვან, ქმედუნარიან წევრს შეზღუდული აქვს გადაადგილების უნარი;

გ) საქართველოს კანონმდებლობის შესაბამისად საოჯახო დახმარებასთან ერთად მიიღოს სახელმწიფო პენსია, სახელმწიფო კომპენსაცია/სახელმწიფო აკადემიური სტიპენდია და სხვა სოციალური დახმარება, თუ კანონმდებლობით სხვა რამ არ არის გათვალისწინებული.

2. საოჯახო დახმარების მიმღები ოჯახი ვალდებულია:

ა) დაუყოვნებლივ აცნობოს საოჯახო დახმარების ადმინისტრირების პასუხისმგებელ ორგანოს დახმარების მიღების საფუძვლებში მომხდარი ცვლილებების შესახებ;

ბ) შეასრულოს დახმარების ადმინისტრირების პასუხისმგებელი ორგანოს მიერ განსაზღვრული და საქართველოს კანონმდებლობით გათვალისწინებული სხვა მოვალეობანი.

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

თავი III^​2

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

რეინტეგრაციის შემწეობისა და შვილობილად აყვანის (მინდობით აღზრდის) ანაზღაურების ოდენობა

    მუხლი 10^​3. რეინტეგრაციის შემწეობის ოდენობა

რეინტეგრაციის შემწეობა განისაზღვროს შემდეგი ოდენობით:

ა) ჯანმრთელი ბავშვისათვის – თვეში 90 ლარით;

ბ) შეზღუდული შესაძლებლობის მქონე ბავშვისათვის – თვეში 130 ლარით.

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

    მუხლი 10^​4. შვილობილად აყვანის (მინდობით აღზრდის) ანაზღაურების ოდენობა შვილობილად აყვანის (მინდობით აღზრდის) ანაზღაურება განისაზღვროს შემდეგი ოდენობით:

ა) ჯანმრთელი ბავშვისათვის – თვეში 200 ლარით;

ბ) შეზღუდული შესაძლებლობის მქონე ბავშვისათვის – თვეში 300 ლარით.

გ) გადაუდებელი მინდობით აღზრდა (მათ შორის, შეზღუდული შესაძლებლობის მქონე ბავშვისათვის) – ერთი კალენდარული დღისათვის 12,50 ლარით.

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

საქართველოს მთავრობის 2010 წლის 19თებერვლის დადგენილება №46 - სსმ III, №22, 25.02.2010 წ., მუხ.269

თავი IV

გარდამავალი და დასკვნითი დებულებები

    მუხლი 11. საარსებო შემწეობის დანიშვნისა და გაცემის პრინციპები გარდამავალი პერიოდისათვის

1. ღატაკ ოჯახებს, რომელთაც მონაცემთა ბაზაში რეგისტრაციის შესახებ განაცხადი შეტანილი აქვთ 2006 წლის 1 ივნისამდე (გარდა მონაცემთა ბაზაში რეგისტრაციის მიხედვით ქ. თბილისში მუდმივად მცხოვრები ოჯახებისა) და მათთვის მინიჭებული სარეიტინგო ქულა ნაკლებია 52001-ზე (ორმოცდათორმეტი ათას ერთი), საარსებო შემწეობა დაენიშნებათ და მიეცემათ 2006 წლის სექტემბრიდან.

2. ღატაკ ოჯახებს, რომლებიც მონაცემთა ბაზაში რეგისტრაციის მიხედვით მუდმივად ცხოვრობენ ქ. თბილისში, მონაცემთა ბაზაში რეგისტრაციის შესახებ განაცხადი შეტანილი აქვთ 2006 წლის 1 მაისამდე და მათთვის მინიჭებული სარეიტინგო ქულა ნაკლებია 52001-ზე (ორმოცდათორმეტი ათას ერთი), საარსებო შემწეობა დაენიშნებათ და მიეცემათ 2006 წლის აგვისტოდან.

3. ღატაკ ოჯახებს, რომელთა სარეიტინგო ქულა მეტია 52001-ზე (ორმოცდათორმეტი ათას ერთი) და მონაცემთა ბაზაში რეგისტრაციის შესახებ განაცხადი, ან განმეორებითი შეფასების განაცხადი შეტანილი აქვთ 2007 წლის 1 მაისამდე, ან სააგენტოს ინიციატივით განხორციელებული განმეორებითი შეფასების შედეგად სარეიტინგო ქულა მინიჭებული აქვთ 2007 წლის 1 მაისამდე, საარსებო შემწეობა დაენიშნებათ და მიეცემათ 2007 წლის აგვისტოდან.

4. ღატაკ ოჯახებს, რომელთაც მონაცემთა ბაზაში რეგისტრაციის შესახებ განაცხადი შეტანილი აქვთ ამ მუხლის პირველი, მე-2 და მე-3 პუნქტებით განსაზღვრული ვადების შემდეგ, საარსებო შემწეობა დაენიშნებათ და მიეცემათ ამ წესის მე-5 მუხლის მე-2 პუნქტის შესაბამისად.

5. ოჯახებს, რომელთა სარეიტინგო ქულა განმეორებით შეფასებამდე ნაკლებია 52001-ზე (ორმოცდათორმეტი ათას ერთი), ხოლო განმეორებითი შეფასების შემდეგ ნაკლებია 57001-ზე (ორმოცდაჩვიდმეტი ათას ერთი), საარსებო შემწეობა დაენიშნებათ და მიეცემათ ამ მუხლის პირველი, მე-2 ან მე-5 მუხლის მე-2 პუნქტით გათვალისწინებული ვადების შესაბამისად.

6. ოჯახებს, რომელთა სარეიტინგო ქულა ნაკლებია 52001-ზე (ორმოცდათორმეტი ათას ერთი) და მონაცემთა ბაზაში რეგისტრაციის შესახებ განაცხადი შეტანილი აქვთ 2006 წლის 1 აგვისტოდან, საარსებო შემწეობის მიღების უფლება აქვთ ამ წესის მე-5 მუხლის მე-2 პუნქტის, ან ამ მუხლის შესაბამისად, მაგრამ არა უადრეს 2007 წლის იანვრიდან.

7. სააგენტომ გააგრძელოს საარსებო შემწეობის გაცემა იმ ოჯახებისათვის, რომლებიც რუსეთის ფედერაციის მხრიდან განხორციელებული შეიარაღებული თავდასხმისა და ინტენსიური საბრძოლო მოქმედებების წარმოების გამო იძულებულნი იყვნენ დაეტოვებინათ მუდმივი საცხოვრებელი ადგილები იმ მიზეზით, რომ საფრთხე შეექმნა მათ სიცოცხლეს, ჯანმრთელობას ან თავისუფლებას უცხო ქვეყნის აგრესიის გამო.

8. ამ მუხლის მე-7 პუნქტით გათვალისწინებული ოჯახებისათვის საარსებო შემწეობის გაცემა გაგრძელდეს დანიშნული ოდენობით მანამ, სანამ არ განხორციელდება ამ ოჯახების დაბრუნება მუდმივ საცხოვრებელ ადგილებში და სააგენტოს მხრიდან მათი სოციალურ- ეკონომიკური მდგომარეობის შესწავლა საქართველოს კანონმდებლობის შესაბამისად.

8^​1. ამ მუხლის მე-7 პუნქტით გათვალისწინებული ოჯახის წევრის წერილობითი მომართვის საფუძველზე, ოჯახის დემოგრაფიული ცვლილების შემთხვევაში (გარდა დაბადების ან გარდაცვალებისა), საარსებო შემწეობის ადმინისტრირება ხორციელდება ამ წესით, „ქვეყანაში სიღატაკის დონის შემცირებისა და მოსახლეობის სოციალური დაცვის სრულყოფის ღონისძიებათა შესახებ“ საქართველოს მთავრობის 2005 წლის 17 მარტის №51 დადგენილებით დამტკიცებული „სოციალურად დაუცველი ოჯახების მონაცემთა ერთიანი ბაზის ფორმირების წესითა“ და „მიზნობრივი სოციალური დახმარების დანიშვნისა და გაცემის წესის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2006 წლის 22 აგვისტოს №225/ნ ბრძანების დებულებების შესაბამისად.

8^​2. ამ მუხლის მე-7 პუნქტით გათვალისწინებულ ოჯახში, წევრის დაბადების ან გარდაცვალების შესახებ ოფიციალურად დადასტურებული ინფორმაციის მიღების შემთხვევაში, საარსებო შემწეობა გადაანგარიშდება ავტომატურად (სოციალურ-ეკონომიკური შეფასების გარეშე), ოჯახში არსებულ წევრთა რაოდენობის შესაბამისად.

9. ამ წესის მე-7 მუხლით გათვალისწინებული საარსებო შემწეობის ზღვრული ქულა 2009 წლის 1 იანვრიდან ორი წლის ვადით გავრცელდეს იმ ოჯახებზე, რომლებიც არ იღებენ საარსებო შემწეობას, 2008 წლის 6 აგვისტოდან საქართველოზე რუსეთის ფედერაციის შეიარაღებული თავდასხმის შედეგად იძულებული გახდნენ დაეტოვებინათ მუდმივი საცხოვრებელი ადგილი და გადაადგილებულიყვნენ საქართველოს ტერიტორიის ფარგლებში, დადგენილი წესით აღრიცხული არიან საქართველოს იუსტიციის სამინისტროს სსიპ – სამოქალაქო რეესტრის სააგენტოში და განსახლებული არიან სახელმწიფოს მიერ შესყიდულ, რეაბილიტირებულ ან ახლად აშენებულ საცხოვრებელ ფართობებში, მათი დაბრუნება მუდმივ საცხოვრებელ ადგილზე შეუძლებელია (ამ ადგილების ოკუპაციის გამო) და ამავდროულად, ოჯახის არც ერთი წევრი არ ეწევა საბიუჯეტო ორგანიზაციაში ანაზღაურებად საქმიანობას, გარდა სამეცნიერო-საგანმანათლებლო საქმიანობისა.

10. იმ შემთხვევაში, თუ ამ მუხლის მე-9 პუნქტით განსაზღვრული ოჯახის შემადგენლობაში მოხვდება მონაცემთა ბაზაში რეგისტრირებული საარსებო შემწეობის მიმღები პირი, გაერთიანებული ოჯახის საარსებო შემწეობა უნდა განისაზღვროს იმგვარად, რომ ყოველი არამიმღები წევრისათვის დაემატოს 24 ლარი და საარსებო შემწეობის სახით გასაცემი თანხის საერთო ოდენობა შეესაბამებოდეს ამ წესის მე-6 მუხლით განსაზღვრულ პირობებს.

11. საქართველოს ლტოლვილთა და განსახლების სამინისტრომ საქართველოს იუსტიციის სამინისტროს სსიპ – სამოქალაქო რეესტრის სააგენტოსთან შეთანხმებით უზრუნველყოს ამ მუხლის მე-9 პუნქტით გათვალისწინებული ოჯახების სიის სააგენტოსათვის მიწოდება არა უგვიანეს 2009 წლის 10 იანვრისა, ხოლო შემდეგ თვეებში – არა უგვიანეს ყოველი თვის 25 რიცხვისა. საქართველოს ლტოლვილთა და განსახლების სამინისტროს მიერ წარდგენილი სია, და შესაბამისად, ანიშნული შემწეობის ოდენობა სააგენტოს მიერ გადახედვას/გადაანგარიშებას/შეწყვეტას არ ექვემდებარება, გარდა:

ა) ამ მუხლის მე-10 პუნქტით გათვალისწინებული შემთხვევისა;

ბ) ოჯახის ყველა წევრის გარდაცვალებისას (ამ შემთხვევაში საარსებო შემწეობის შეწყვეტა ხდება ოჯახის ბოლო წევრის გარდაცვალებიდან, მომდევნო თვის პირველი რიცხვიდან);

გ) ოჯახის წევრი ეწევა საბიუჯეტო ორგანიზაციაში ანაზღაურებად საქმიანობას, გარდა სამეცნიერო-საგანმანათლებლო საქმიანობისა;

დ) ამ მუხლის 8^​1 და 8^​2 პუნქტებით გათვალისწინებული შემთხვევებისა.

12. საარსებო შემწეობა გაიცეს ამ მუხლის მე-11 პუნქტით წარმოდგენილი სიის მდგომარეობით დანიშნული ოდენობით, 2009 წლის იანვრიდან 2010 წლის 31 დეკემბრის ჩათვლით.

13. 2009 წლის 10 იანვრიდან, ამ მუხლის მე-9 პუნქტის შესაბამისად დამატებით შერჩეულ ოჯახებს საარსებო შემწეობა დაენიშნოთ საქართველოს ლტოლვილთა და განსახლების სამინისტროს მიერ ამ მუხლის მე-11 პუნქტის შესაბამისად ფორმირებული დამატებითი სიის სააგენტოში წარდგენის მომდევნო თვიდან და გაიცეს 2010 წლის 31 დეკემბრის ჩათვლით.

14. ამ მუხლის მე-9 პუნქტით გათვალისწინებული ოჯახების (შესაბამისი უფლებამოსილი პირის) მიერ საარსებო შემწეობის დანიშვნის თაობაზე წერილობითი თანხმობის (სადაც აგრეთვე აღინიშნება ოჯახის რომელიმე წევრი ეწევა თუ არა საბიუჯეტო ორგანიზაციაში ანაზღაურებად საქმიანობას, გარდა სამეცნიერო-საგანმანათლებლო საქმიანობისა) მოპოვება და სააგენტოსათვის მიწოდება უზრუნველყოს საქართველოს ლტოლვილთა და განსახლების სამინისტრომ.

15. ამ მუხლის მე-7 და მე-9 პუნქტებით გათვალისწინებულ ოჯახებზე არ ვრცელდება ამ წესის მე-5, მე-9, მე-10 მუხლებით, „ქვეყანაში სიღატაკის დონის შემცირებისა და მოსახლეობის სოციალური დაცვის სრულყოფის ღონისძიებათა შესახებ“ საქართველოს მთავრობის 2005 წლის 17 მარტის №51 დადგენილებით დამტკიცებული „სოციალურად დაუცველი ოჯახების მონაცემთა ერთიანი ბაზის ფორმირების წესითა“ და „მიზნობრივი სოციალური დახმარების დანიშვნისა და გაცემის წესის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2006 წლის 22 აგვისტოს №225/ნ ბრძანების დებულებები, გარდა ამ მუხლის 8^​1 პუნქტით გათვალისწინებული შემთხვევებისა.

16. ზედმეტად დარიცხული საარსებო შემწეობის/საოჯახო დახმარების დაქვითვა (უკან დაბრუნება) შესაძლებელია სააგენტოს გადაწყვეტილებით ოჯახისათვის დანიშნული საარსებო შემწეობიდან/საოჯახო დახმარებიდან.

საქართველოს მთავრობის 2007 წლის 19 მაისის დადგენილება №104 - სსმ III, №75, 29.05.2007 წ., მუხ.799

საქართველოს მთავრობის 2008 წლის 3 სექტემბრის დადგენილება №181 - სსმ III, №130, 04.09.20008 წ., მუხ.1310

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

საქართველოს მთავრობის 2009 წლის 23 ივნისის დადგენილება №118 - სსმ III, №78, 26.09.2009 წ., მუხ.847

საქართველოს მთავრობის 2009 წლის 29 დეკემბრის დადგენილება №245 - სსმ III, №159, 30.12.2009 წ., მუხ.1939

    მუხლი 11^​1. რეინტეგრაციის შემწეობისა და შვილობილად აყვანის (მინდობით აღზრდის) ანაზღაურების გაცემის პრინციპები გარდამავალი პერიოდისათვის

1. 2009 წლის 1 იანვრიდან სააგენტომ გასცეს რეინტეგრაციის შემწეობის ან შვილობილად აყვანის (მინდობით აღზრდის) ანაზღაურება იმ ოჯახებისათვის, რომლებიც:

ა) ამ დახმარებას იღებდნენ საქართველოს განათლებისა და მეცნიერების სამინისტროს მიერ გაფორმებული ხელშეკრულების საფუძველზე, ხელშეკრულების ვადის შესაბამისად;

ბ) ამ დახმარებას იღებდნენ საქართველოს განათლებისა და მეცნიერების სამინისტროს მიერ გაფორმებული ხელშეკრულების საფუძველზე, რომელიც ძალაში იყო 2009 წლის 1 იანვრის მდგომარეობით და მოქმედებდა 2009 წლის 1 მარტამდე, დაფინანსების უწყვეტობის მიზნით დახმარების გაცემა გაგრძელდეს 2009 წლის 1 მარტამდე.

2. „საქართველოს 2009 წლის სახელმწიფო ბიუჯეტის შესახებ“ საქართველოს კანონის შესაბამისად, პროგრამა „ბავშვზე ზრუნვის“ დამტკიცებამდე ამ მუხლის პირველი პუნქტით გათვალისწინებული ოჯახებისათვის დახმარების გაცემის მორიგი გაგრძელების შესახებ გადაწყვეტილებას იღებს სააგენტო სოციალური მუშაკის დასკვნის საფუძველზე. დახმარების გაგრძელების შესახებ გადაწყვეტილების მიღების შემთხვევაში დახმარება გაიცეს 2009 წლის 1 მარტიდან, მაგრამ არა უგვიანეს 2009 წლის 1 მაისისა.

3. სპეციალიზებულ დაწესებულებაში მოხვედრის რისკის ქვეშ მყოფი ბავშვის ბიოლოგიურ ოჯახებს, მეურვეებს (მზრუნველებს), რომლებსაც დაენიშნათ რეინტეგრაციის შემწეობა ამ ბავშვის მშობელთა მზრუნველობამოკლებულად ცნობისა და სპეციალიზებულ დაწესებულებაში მოხვედრის თავიდან არიდებისათვის, გაუგრძელდეთ რეინტეგრაციის შემწეობის მიღება ხელშეკრულების ვადის ამოწურვამდე, მაგრამ, არა უმეტეს 2010 წლის 1 იანვრამდე.

საქართველოს მთავრობის 2008 წლის 29 დეკემბრის დადგენილება №262 - სსმ III, №186, 30.12.2008 წ., მუხ.1939

საქართველოს მთავრობის 2009 წლის 23 ივნისის დადგენილება №118 - სსმ III, №78, 26.09.2009 წ., მუხ.847

    მუხლი 12. სოციალური დახმარების მიღების შეზღუდვა

1. საარსებო შემწეობის მიღება გამორიცხავს საოჯახო დახმარების მიღებას.

2. ოჯახს, რომელსაც 2007 წლის 1 იანვრამდე დანიშნული აქვს საოჯახო დახმარება, უფლება აქვს აირჩიოს რომელიმე ზემოაღნიშნული სოციალური დახმარებიდან ერთ-ერთი, გახდეს საარსებო შემწეობის მიმღები ან დაიტოვოს საოჯახო დახმარება.

3. იმ შემთხვევაში, თუ ოჯახი აირჩევს საარსებო შემწეობის მიღებას, რის საფუძველზეც შეუწყდა საოჯახო დახმარების მიღება, 2007 წლის 1 იანვრიდან საოჯახო დახმარების ხელახალი დანიშვნა არ განხორციელდება.

4. ღატაკ ოჯახს, რომელსაც საარსებო შემწეობის მიღების უფლება წარმოეშვა ამ წესის შესაბამისად, მაგრამ შემწეობის დანიშვნა და გაცემა არ განხორციელდა, საარსებო შემწეობა გაიცემა უფლების წარმოშობის პერიოდიდან, მაგრამ არა უმეტეს 1 წლისა.

საქართველოს მთავრობის 2006 წლის 27 დეკემბრის დადგენილება №254 - სსმ III, №176, 29.12.2006 წ., მუხ.2389

საქართველოს მთავრობის 2007 წლის 19 მაისის დადგენილება №104 - სსმ III, №75, 29.05.2007 წ., მუხ.799

მუხლი 12 ^​1 . საოჯახო დახმარების ადმინისტრირებასთან დაკავშირებულ ვალდებულებათა უზრუნ-ველყოფა

1. სააგენტო სახელმწიფო ბიუჯეტით გამოყოფილ ასიგნებათა ფარგლებში უზრუნველყოფს 2006 წლის 1 იანვრიდან წარმოშობილ იმ ვალდებულებათა დაფარვას (გაცემას), რომლებიც დაკავშირებულია უმწეო მდგომარეობაში მყოფი ოჯახებისათვის სოციალური დახმარების გაცემასთან.

2. სააგენტომ აგრეთვე უზრუნველყოს სოციალური დახმარების დაქვითვა იმ ოჯახებისათვის, რომელთაც საარსებო შემწეობასთან ერთად მიღებული აქვთ საოჯახო დახმარება.

საქართველოს მთავრობის 2007 წლის 7 მარტის დადგენილება №46 - სსმ III, №34, 14.03.2007 წ., მუხ.403

საქართველოს მთავრობის 2009 წლის 23 ივნისის დადგენილება №118 - სსმ III, №78, 26.09.2009 წ., მუხ.847

    მუხლი 12^​2. ზედმეტად მიღებული საოჯახო დახმარების ლეგალიზაცია

1. 2009 წლის 1 ივლისამდე პირის (ოჯახის) მიერ არასწორად მიღებული საოჯახო დახმარების თანხები ჩაითვალოს კანონიერად. ამავდროულად, სააგენტოს მიერ პირისათვის (ოჯახისათვის) 2009 წლის 1 ივლისამდე დაკავებული თანხები არ ექვემდებარება უკან დაბრუნებას.

2. ამ მუხლის პირველი პუნქტი არ ვრცელდება იმ შემთხვევაზე, როდესაც პირს (ოჯახს) საოჯახო დახმარებასთან ერთად მიღებული აქვს საარსებო შემწეობა.

საქართველოს მთავრობის 2009 წლის 23 ივნისის დადგენილება №118 - სსმ III, №78, 26.09.2009 წ., მუხ.847

    მუხლი 13. დასკვნითი დებულებანი

ამ წესში ცვლილებებისა და დამატებების შეტანა ხდება საქართველოს მთავრობის დადგენილებით, კანონმდებლობით განსაზღვრული წესის შესაბამისად.

 

Annotate