საქართველოს განათლებისა და მეცნიერების სამინისტროს დებულების დამტკიცების შესახებ

საქართველოს მთავრობის

დადგენილება №37

2004 წლის 21 მაისი

ქ. თბილისი

საქართველოს განათლებისა და მეცნიერების სამინისტროს დებულების დამტკიცების შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-17 მუხლის 1-ლი პუნქტის შესაბამისად:

1. დამტკიცდეს საქართველოს განათლებისა და მეცნიერების სამინისტროს თანდართული დებულება.

2. დადგენილება ამოქმედდეს გამოქვეყნებისთანავე.

პრემიერ-მინისტრი ზ. ჟვანია

 

შეტანილი ცვლილებები:

1. საქართველოს მთავრობის 2004 წლის 23 ოქტომბრის დადგენილება  №85-სსმ III, №120, 26.10.2004წ; მუხ.1036

2. საქართველოს მთავრობის 2005 წლის 17 აპრილის დადგენილება  №73-სსმ III, №46, 19.04.2005წ; მუხ.479

3. საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

4. საქართველოს მთავრობის 2005 წლის 28 დეკემბრის დადგენილება  №241-სსმ III, №153, 30.12.2005წ; მუხ.1700

5. საქართველოს მთავრობის 2006 წლის 5 აპრილის დადგენილება  №77-სსმ III, №46, 05.04.2006წ; მუხ.525

6. საქართველოს მთავრობის 2006 წლის 31 მაისის დადგენილება  №101-სსმ III, №73, 01.06.2006წ; მუხ.912

7. საქართველოს მთავრობის 2006 წლის 15 ნოემბრის დადგენილება  №213-სსმ III, №155, 17.11.2006წ; მუხ.2145

8. საქართველოს მთავრობის 2006 წლის 15 ნოემბრის დადგენილება  №214-სსმ III, №155, 17.11.2006წ; მუხ.2144

9. საქართველოს მთავრობის 2007 წლის 21 მარტის დადგენილება  №52-სსმ III, №40, 23.03.2007წ; მუხ.467

10. საქართველოს მთავრობის 2007 წლის 23 მაისის დადგენილება  №108-სსმ III, №75, 29.05.2007წ; მუხ.803

11. საქართველოს მთავრობის 2007 წლის 4 ივლისის დადგენილება  №135-სსმ III, №97, 10.07.2007წ; მუხ.1035

12. საქართველოს მთავრობის 2008 წლის 12 აპრილის დადგენილება  №102-სსმ III, №56, 14.04.2008წ; მუხ.654

13. საქართველოს მთავრობის 2008 წლის 15 მაისის დადგენილება  №124-სსმ III, №74, 19.05.2008წ; მუხ.801

14. საქართველოს მთავრობის 2008 წლის 9 ივლისის დადგენილება  №148-სსმ III, №98, 10.07.2008წ; მუხ.1083

15. საქართველოს მთავრობის 2008 წლის 8 ოქტომბრის დადგენილება  №204-სსმ III, №148, 09.10.2008წ; მუხ.1478

16. საქართველოს მთავრობის 2008 წლის 26 ნოემბრის დადგენილება  №227-სსმ III, №168, 27.11.2008წ; მუხ.1706

17. საქართველოს მთავრობის 2008 წლის 29 დეკემბრის დადგენილება  №263-სსმ III, №186, 30.12.2008წ; მუხ.1940

 

საქართველოს განათლებისა და მეცნიერების სამინისტროს

დ ე ბ უ ლ ე ბ ა

    მუხლი 1. ზოგადი დებულებანი

1. საქართველოს განათლებისა და მეცნიერების სამინისტრო (შემდგომში – სამინისტრო) სამთავრობო დაწესებულებაა, რომელიც მინდობილ სფეროში სახელმწიფო მმართველობის უზრუნველსაყოფად მოქმედებს საკუთარი კომპეტენციის ფარგლებში, საქართველოს კონსტიტუციის, საქართველოს საერთაშო-რისო ხელშეკრულებების, საქართველოს კანონების, კანონქვემდებარე ნორმატიული აქტებისა და ამ დებულების საფუძველზე.

2. თავისი ამოცანების განხორციელებისას სამინისტრო წარმოადგენს სახელმწიფოს.

3. სამინისტრო ანგარიშვალდებულია მთავრობის წინაშე და ასრულებს კანონით გათვალისწინებულ ან მთავრობისა და პრემიერ-მინისტრის მიერ კანონის საფუძველზე დაკისრებულ ამოცანებს.

4. სამინისტროს დაფინანსების წყაროა სახელმწიფო ბიუჯეტი. იგი საქართველოს კანონმდებლობით დადგენილი წესით ანგარიშვალდებულია საბიუჯეტო სახსრების მიზნობრივი გამოყენებისათვის.

5. სამინისტროს აქვს ბეჭედი სახელმწიფო გერბის გამოსახულებით და საკუთარი სახელწოდებით, დასრულებული ბალანსი და ანგარიში სახელმწიფო ხაზინაში.

6. სამინისტროს ადგილსამყოფელია ქ. თბილისი, – 0146, უზნაძის ქ. №52.

7. სამინისტროს შეიძლება ჰქონდეს ემბლემა, რომელიც ექვემდებარება რეგისტრაციას მოქმედი კანონმდებლობის შესაბამისად.

    მუხლი 2. სამინისტროს საქმიანობის სფერო, ძირითადი ამოცანები და კომპეტენცია

1. სამინისტრო განათლებისა და მეცნიერების სფეროში ერთიანი სახელმწიფო პოლიტიკის გამტარებელი ორგანოა. საკუთარი კომპეტენციის ფარგლებში სამინისტრო ახორციელებს თავის დაქვემდებარებაში არსებული ყოველი რგოლის საქმიანობის კოორდინაციასა და კონტროლს, უზრუნველყოფს ზოგადი, პროფესიული და უმაღლესი განათლების სრულყოფას, მეცნიერების განვითარებასა და სახელმწიფო ენობრივი პოლიტიკის განხორციელებას.

2. კანონმდებლობით მინიჭებულ უფლებამოსილებათა ფარგლებში სამინისტრო:

ა) უზრუნველყოფს განათლების მიღებისა და მისი ფორმის არჩევის კონსტიტუციური უფლების განხორციელებას;

ბ) ხელს უწყობს მთელი სიცოცხლის განმავლობაში სწავლის სისტემის შექმნას;

გ) იკვლევს და აფასებს განათლებისა და მეცნიერების სისტემაში მიმდინარე პროცესებს;

დ) გეგმავს განათლებისა და მეცნიერების სისტემის შემდგომი განვითარების მიმართულებებს, ახორციელებს მისი განვითარების პროგნოზირებას;

ე) ახორციელებს სახელმწიფო ენობრივ პოლიტიკას, ხელს უწყობს სახელმწიფო ენის სწავლებასა და განვითარებას, თვალყურს ადევნებს მის სწორ გამოყენებას;

ვ) ამტკიცებს სკოლამდელი აღზრდის სტანდარტებს;

ზ) ახორციელებს საგანმანათლებლო დაწესებულებების ლიცენზირებას;

თ) იღებს გადაწყვეტილებას ზოგადსაგანმანათლებლო დაწესებულებებისა და პროფესიული სწავლების ცენტრების საჯარო სამართლის იურიდიულ პირებად დაფუძნების, რეორგანიზაციალიკვიდაციის შესახებ, ამტკიცებს მათ წესდებებს და ახორციელებს მათ სახელმწიფო კონტროლს;

ი) აფუძნებს კერძო სამართლის არასამეწარმეო იურიდიულ პირებს – პროფესიული სწავლების ცენტრებსა და ზოგადსაგანმანათლებლო დაწესებულებებს;

კ) ევროპისა და საქართველოს საგანმანათლებლო სივრცეების ჰარმონიზაციისა და ინტეგრაციის მიზნით თანამშრომლობს განათლებისა და მეცნიერების სფეროში მოქმედ საერთაშორისო ორგანიზაციებთან და საზღვარგარეთის შესაბამის საგანმანათლებლო დაწესებულებებთან;

ლ) ხელს უწყობს საქართველოს საგანმანათლებლო დაწესებულებების პროგრამების ჰარმონიზაციას საერთაშორისო საგანმანათლებლო სივრცესთან;

მ) უზრუნველყოფს განათლებისა და მეცნიერების შესახებ ნორმატიული აქტების შესრულებას;

ნ) (ამოღებულია) ;

ო) (ამოღებულია) ;

პ) საჯარო სამართლის იურიდიული პირის – მასწავლებელთა პროფესიული განვითარების ცენტრის წარდგინებით ამტკიცებს:

პ.ა) მასწავლებელთა სერტიფიცირების დებულებას;

პ.ბ) მასწავლებლობის უფლების დამადასტურებელი სერტიფიკატის ნიმუშს;

პ.გ) მასწავლებლობის მაძიებელთა რეგისტრაციისა და მაძიებლის პერიოდის გავლის წესს;

პ.დ) მაძიებლობის პერიოდის გავლის დამადასტურებელი დოკუმენტის ნიმუშს და მისი გაცემის წესს;

პ.ე) მასწავლებლის უფლების მოპოვებისა და განახლების საფასურის ოდენობას;

პ.ვ) მასწავლებლის დამატებით საკვალიფიკაციო მოთხოვნებს;

პ.ზ) მასწავლებლის, აგრეთვე სახელობო განათლების მასწავლებლისა და ინსტრუქტორის პროფესიულ სტანდარტებს;

პ.თ) მასწავლებლის პროფესიული განვითარების პრინციპებს;

პ.ი) მასწავლებლის, აგრეთვე სახელობო განათლების მასწავლებლის/ინსტრუქტორის პროფესიული ეთიკის კოდექსს;

პ.კ) ამტკიცებს არაფორმალური გზით მიღებული სახელობო განათლების ატესტაციის წესსა და პირო-ბებს და შეიმუშავებს პროფესიული განათლების ხარისხის ამაღლების ხელშეწყობის პროგრამებს;

ჟ) ამტკიცებს სახელობო საგანმანათლებლო სტანდარტს;

ჟ^​1 ) რეგისტრაციაში ატარებს პროფესიულ სტანდარტებს საქართველოს კანონმდებლობით დადგენილი წესით;

ჟ^​2 ) თითოეული სახელობო პროფესიისა და კვალიფიკაციისათვის ადგენს საატესტაციო ორგანოთა შერჩევის წესს;

ჟ^​3 ) შეიმუშავებს და ამტკიცებს პროფესიულ კვალიფიკაციათა ჩარჩოს საქართველოს კანონმდებლობით დადგენილი წესით;

ჟ^​4 ) საქართველოს მთავრობას დასამტკიცებლად წარუდგენს რეგულირებად პროფესიათა ნუსხას, რომლებსაც შეესაბამება სახელობო განათლების კვალიფიკაცია, აგრეთვე ამ რეგულირებადი პროფესიით საქმიანობის უფლების მინიჭებისა და განახლებისათვის აუცილებელ პირობებსა და მათი შესრულების წესს, ან აძლევს მათზე სავალდებულო დასკვნას;

ჟ^​5 ) აწარმოებს სახელობო პროფესიათა საინფორმაციო ბანკს;

ჟ^​6 ) შეიმუშავებს და ახორციელებს სახელობო საგანმანათლებლო პროგრამების განმახორციელებელი დაწესებულებების ინსტიტუციური, მატერიალურ-ტექნიკური და ადამიანური რესურსების განვითარების ხელშემწყობ პროგრამებს;

ჟ^​7 ) დაინტერესებული პირების მოთხოვნის საფუძველზე უზრუნველყოფს საქართველოს მთავრობის დადგენილებით განსაზღვრული იმ ქვეყნების პროფესიული სტანდარტების თარგმნას, რომელთა მიხედვითაც დაინტერესებულმა პირმა უნდა შექმნას პროფესიული სტანდარტი;

ჟ^​8 ) „პროფესიული განათლების შესახებ“ საქართველოს კანონის შესაბამისად ადგენს პროფესიული ასოციაციისა და აკრედიტებული უმაღლესი საგანმანათლებლო დაწესებულების აკრედიტაციის წესსა და პირობებს;

ჟ^​9 ) თანამშრომლობს პროფესიულ ასოციაციებთან;

რ) (ამოღებულია) ;

ს) ადგენს პროფესიული განათლების კრედიტების გაანგარიშების წესს, აკრედიტებულ პროფესიული სწავლების ცენტრში პროფესიული სტუდენტების ჩარიცხვის წესსა და ჩასარიცხად წარსადგენი აუცილებელი დოკუმენტების ნუსხას;

ტ) განსაზღვრავს სამინისტროს ტერიტორიული ორგანოების – საგანმანათლებლო რესურსცენტრების სტრუქტურას, ამტკიცებს მათ საშტატო ნუსხებსა და ტიპურ დებულებას, თანამდებობაზე ნიშნავს და თანამდებობიდან ათავისუფლებს მათ ხელმძღვანელებსა და მოადგილეებს;

უ) უზრუნველყოფს პედაგოგთა და მეცნიერთა სოციალური დაცვის ღონისძიებების განხორციელებას;

ფ) საქართველოს მთავრობას დასამტკიცებლად წარუდგენს წინადადებებს მეცნიერებისა და ტექნოლოგიების სფეროში სახელმწიფო პოლიტიკის შესახებ და უზრუნველყოფს მის განხორციელებას, საბიუჯეტო ასიგნებათა ხარჯზე აფინანსებს და ამუშავებს სამეცნიერო კვლევებს;

ქ) მონაწილეობს განათლებისა და მეცნიერების სფეროში სამეცნიერო-ტექნიკური კონფერენციების, სიმპოზიუმების, გამოფენებისა და კონკურსების გამართვაში;

ღ) შეიმუშავებს ზოგადი განათლების ეროვნული მიზნების დოკუმენტს და წარუდგენს საქართველოს მთავრობას;

ყ) შეიმუშავებს განათლების სისტემის, პროფესიული და უმაღლესი განათლების სისტემის ინდიკატორების ამსახველ ძირითად დოკუმენტს;

შ) პრემიერ-მინისტრს დასამტკიცებლად წარუდგენს ამ დებულების მე-4 მუხლის ,,გ.ბ“, ,,გ.ე“, ,,გ.ზ“, ,,გ.თ“ და ,,გ.ი“ ქვეპუნქტებით გათვალისწინებული საჯარო სამართლის იურიდიული პირის – დირექტორის/თავმჯდომარის კანდიდატურას, კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მე-4 მუხლის ,,გ.ა“, ,,გ.გ“, ,,გ.დ“ და ,,გ.ვ“ ქვეპუნქტებით გათვალისწინებული დაწესებულებების ხელმძღვანელებს, გარდა ზოგადსაგანმანათლებლო, უმაღლესი საგანმანათლებლო და სამეცნიერო-კვლევითი დაწესებულებებისა;

ჩ) ადგენს საგანმანათლებლო დაწესებულებათა მატერიალურ-ტექნიკური, პროგრამული და ადამიანური რესურსების ნორმატივებს;

ჩ1 ) უზრუნველყოფს საგანმანათლებლო სფეროში არსებული პრიორიტეტებისა და მიზნების მისაღწევად განსახორციელებელი საბიუჯეტო პროგრამებისა და პროექტების შესრულებასა და კოორდინაციას. ასევე ხელს უწყობს არასაბიუჯეტო პროგრამების/პროექტების განხორციელებას;

ც) ამტკიცებს აკრედიტებულ უმაღლეს საგანმანათლებლო დაწესებულებაში ჩარიცხვის წესს, ადგენს სახელმწიფო სასწავლო გრანტის გაცემისა და გადატანის წესს, საქართველოს მთავრობას დასამტკიცებლად წარუდგენს სახელმწიფო სასწავლო გრანტის თანხის რაოდენობას, სოციალური პროგრამით უმაღლეს საგანმანათლებლო დაწესებულებაში ჩარიცხული სტუდენტების დაფინანსების რაოდენობასა და პირობებს, აგრეთვე ზოგადსაგანმანათლებლო დაწესებულებების მოსწავლეთათვის ვაუჩერების გაცემისა და გადატანის წესს საქართველოს ფინანსთა სამინისტროსთან ერთად;

ძ) ადგენს საჯარო სკოლის დირექტორისა და მასწავლებლების შესარჩევი კონკურსის გამართვის წესს, სამეურვეო საბჭოს წევრების არჩევისა და მათთვის უფლებამოსილების შეწყვეტის წესსა და პირობებს;

წ) ამტკიცებს რეკომენდებული სახელმძღვანელოს გრიფის მინიჭების წესს;

ჭ) ახორციელებს საჯარო სკოლების ნუმერაციას და ადგენს მათთვის სახელის მინიჭების წესს;

ხ) ამტკიცებს ერთიანი სახელმწიფო საგანმანათლებლო დოკუმენტის/სერტიფიკატის ნიმუშს, უმაღლესი განათლების სპეციალობათა ნუსხას, უმაღლესი განათლების დამადასტურებელი სახელმწიფო დოკუმენტის დანართის ფორმას;

ჯ) საჯარო სამართლის იურიდიული პირის – განათლების აკრედიტაციის ეროვნული ცენტრის წარდგინებით ამტკიცებს:

ჯ.ა) უცხოეთში მიღებული პროფესიული განათლების დამადასტურებელი დოკუმენტის აღიარების წესსა და პირობებს;

ჯ.ბ) უმაღლეს საგანმანათლებლო დაწესებულებათა აკრედიტაციის წესსა და პირობებს;

ჯ.გ) პროფესიული სწავლების ცენტრის აკრედიტაციის დებულებას;

ჯ.დ) სახელობო განათლების მასწავლებლისა და ინსტრუქტორის საგანმანათლებლო პროგრამის აკრედიტაციის კრიტერიუმებს;

ჯ.ე) მასწავლებელთა პროფესიული მომზადებისა და პროფესიული განვითარების საგანმანათლებლო პროგრამების აკრედიტაციის დებულებას, რომელიც შეთანხმებული უნდა იყოს საჯარო სამართლის იურიდიულ პირთან – მასწავლებელთა პროფესიული განვითარების ცენტრთან;

ჰ) შეიმუშავებს მეცნიერების განვითარების პრიორიტეტებს, უზრუნველყოფს სახელმწიფო სამეცნიერო პოლიტიკის განხორციელებას შემოქმედების თავისუფლებისა და სამეცნიერო სფეროს მართვის თანამიმდევრული დემოკრატიზაციის, სამეცნიერო სკოლების შენარჩუნებისა და განვითარების, საერთაშორისო სამეცნიერო კვლევით საქმიანობაში მონაწილეობის ხელშეწყობის, აგრეთვე განათლების მეცნიერებასთან ინტეგრირების მიზნით;

ჰ1 ) სამეცნიერო აკადემიურ წრეებთან თანამშრომლობით აყალიბებს და სრულყოფს ქართული მეცნიერების განვითარების კონცეფციასა და ნორმატიულ ბაზას;

ჰ2 ) ამუშავებს წინადადებებს სახელმწიფო სახსრების გამოყოფის თაობაზე სამეცნიერო-კვლევითი ობიექტების მშენებლობისა და რეკონსტრუირების მიზნით, ამზადებს მთავრობის გადაწყვეტილებათა პროექტებს ეროვნული მნიშვნელობის მქონე სამეცნიერო-კვლევითი ბაზებისა და ექსპერიმენტული დანადგარების მოვლა-შენახვის შესახებ;

ჰ3 ) სახელმწიფო მართვის სხვა უწყებებთან ერთად ამზადებს წინადადებებს ტექნოლოგიური განვითარების გრძელვადიანი სტრატეგიის შემუშავებისა და მაღალ ტექნოლოგიათა ტრანსფერის სახელმწიფო მხარდაჭერის თაობაზე, აგრეთვე სახელმწიფოს პირდაპირ (ინვესტირებით), ან არაპირდაპირ (საგადასახადო შეღავათებით, ინოვაციური ინფრასტრუქტურით და სხვ.) მონაწილეობის შესახებ სათანადო პროცესებში;

ჰ4 ) აწარმოებს უმაღლეს საგანმანათლებლო დაწესებულებათა, ზოგადსაგანმანათლებლო და სკოლისგარეშე საგანმანათლებლო დაწესებულებათა რეესტრს, საჯარო სამართლის იურიდიული პირების – უმაღლესი საგანმანათლებლო დაწესებულებების რექტორთა, ადმინისტრაციის ხელმძღვანელთა, წარმომადგენლობითი საბჭოს სპიკერთა, ზოგადსაგანმანათლებლო დაწესებულებების მოსწავლეთა პერსონალური მონაცემების რეესტრს და განსაზღვრავს მათი წარმოების წესს, რეგისტრაციაში ატარებს საჯარო სკოლების დირექტორებს, დირექტორების მიერ უფლებამოსილების განხორციელების შეუძლებლობის შემთხვევაში მათი მოვალეობის შემსრულებელ მოადგილეებს, მოვალეობის სხვა შემსრულებლებს, სამეურვეო საბჭოს წევრებს და ადგენს მათი რეგისტრაციის წესს;

ჰ5 ) საკუთარი კომპეტენციის ფარგლებში აწარმოებს დოკუმენტების აპოსტილით დამოწმებას;

ჰ6 ) ახორციელებს საქართველოს კანონმდებლობით გათვალისწინებულ სხვა უფლებამოსილებებს.

საქართველოს მთავრობის 2004 წლის 23 ოქტომბრის დადგენილება  №85-სსმ III, №120, 26.10.2004წ; მუხ.1036

საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

საქართველოს მთავრობის 2006 წლის 5 აპრილის დადგენილება  №77-სსმ III, №46, 05.04.2006წ; მუხ.525

საქართველოს მთავრობის 2006 წლის 31 მაისის დადგენილება  №101-სსმ III, №73, 01.06.2006წ; მუხ.912

საქართველოს მთავრობის 2006 წლის 15 ნოემბრის დადგენილება  №214-სსმ III, №155, 17.11.2006წ; მუხ.2144

საქართველოს მთავრობის 2007 წლის 4 ივლისის დადგენილება  №135-სსმ III, №97, 10.07.2007წ; მუხ.1035

საქართველოს მთავრობის 2008 წლის 9 ივლისის დადგენილება  №148-სსმ III, №98, 10.07.2008წ; მუხ.1083

საქართველოს მთავრობის 2008 წლის 29 დეკემბრის დადგენილება  №263-სსმ III, №186, 30.12.2008წ; მუხ.1940

    მუხლი 3. სამინისტროს ხელმძღვანელობა

1. სამინისტროს ხელმძღვანელობს მინისტრი, რომელიც კანონმდებლობის ფარგლებში ერთმმართველობის პრინციპზე დაყრდნობით, საქართველოს კონსტიტუციით, „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონით, საქართველოს პრეზიდენტის ბრძანებულებებითა და განკარგულებებით, მთავრობისა და პრემიერ-მინისტრის აქტებით და ამ დებულებით დადგენილ ფარგლებში ახორციელებს სამინისტროს აპარატისა და სამინისტროს სისტემაში შემავალი სტრუქტურების, დაწესებულებების მართვასა და კოორდინაციას.

2. მინისტრი:

ა) ხელმძღვანელობს სამინისტროს, წარმართავს მის საქმიანობას, და წყვეტს სამინისტროს გამგებლობის სფეროსათვის მიკუთვნებულ საკითხებს;

ბ) პასუხისმგებელია საქართველოს კონსტიტუციის, კანონების, საქართველოს პრეზიდენტის ბრძანებულებებისა და განკარგულებების, საქართველოს მთავრობის დადგენილებებისა და განკარგულებების შესრულებისათვის;

გ) თვალყურს ადევნებს სამინისტროს სტრუქტურული ქვედანაყოფებისა და სამინისტროს მმართველობის სფეროში შემავალი სახელმწიფო საქვეუწყებო დაწესებულებების, საჯარო სამართლის იურიდიული პირებისა და ტერიტორიული ორგანოების მიერ თავიანთი მოვალეობების შესრულების მიმდინარეობას, მათი საქმიანობის კანონიერებასა და მიზანშეწონილობას და კანონით დადგენილი წესით ახორციელებს სამინისტროს საჯარო მოსამსახურეთა გადაწყვეტილებებისა და საქმიანობის სამსახურებრივ ზედამხედველობას;

დ) საქართველოს კანონმდებლობით დადგენილი წესით, თავისი კომპეტენციის ფარგლებში თანამდებობაზე ნიშნავს და თანამდებობიდან ათავისუფლებს სამინისტროს საშტატო ნუსხით გათვალისწინებულ საჯარო მოსამსახურეებს;

ე) წარუდგენს პრემიერ-მინისტრს სამინისტროს მმართველობის სფეროში შემავალი სახელმწიფო საქვეუწყებო დაწესებულებების ხელმძღვანელთა კანდიდატურებს;

ვ) პრემიერ-მინისტრს წარუდგენს სამინისტროს საქმიანობის ანგარიშს, აგრეთვე წინადადებებს სამინისტროს წლიური ბიუჯეტის შემოსავლისა და გასავლის საკითხებზე და, აუცილებლობის შემთხვევაში, – დამატებითი ბიუჯეტის პროექტის თაობაზე;

ზ) იღებს გადაწყვეტილებებს საბიუჯეტო სახსრების მიზნობრივი გამოყენების შესახებ და პასუხისმგებელია ბიუჯეტის ზუსტად და მიზანშეწონილად შესრულები-სათვის;

თ) სახელმწიფო ბიუჯეტის შესაბამისად ამტკიცებს სამინისტროს მმართველობის სფეროში შემავალი სახელმწიფო საქვეუწყებო დაწესებულებების ხარჯთა ნუსხას, ახორციელებს მისი შესრულების კონტროლს და, აუცილებლობის შემთხვევაში, იძლევა მითითებებს საბიუჯეტო სახსრების გამოყენების შესახებ;

ი) ადგენს სამინისტროს მმართველობის სფეროში შემავალი სახელმწიფო საქვეუწყებო დაწესებულებების სტრუქტურასა და საქმისწარმოების წესს, ამტკიცებს მათ დებულებებს, გარდა იმ შემთხვევებისა, როცა ისინი დადგენილია მინისტრის ბრძანების ზემდგომი სამართლებრივი აქტებით;

კ) პასუხისმგებელია სახელმწიფო ქონების დაცვისა და გამოყენებისათვის;

ლ) თავისი მმართველობის სფეროში ქმნის კომისიებს, საბჭოებს – სათათბირო უფლებით;

მ) თავისი კომპეტენციის ფარგლებში გამოსცემს ნორმატიული და ინდივიდუალური ხასიათის სამართლებრივ აქტებს;

ნ) ამტკიცებს სამინისტროს სტრუქტურული ქვედანაყოფების დებულებებს;

ო) ახორციელებს საქართველოს კანონმდებლობით გათვალისწინებულ სხვა უფლებამოსილებებს;

პ) თანამდებობაზე ნიშნავს და თანამდებობიდან ათავისუფლებს ტერიტორიული ორგანოების ხელმძღვანელებსა და მათ მოადგილეებს;

ჟ) თანამდებობაზე ნიშნავს და თანამდებობიდან ათავისუფლებს საგანმანათლებლო-სააღმზრდელო დაწესებულებების დირექტორებს;

რ) ამტკიცებს უწყებრივი სალიცენზიო რეესტრის ფორმასა და რეესტრის წარმოების წესს, ლიცენზირებული საგანმანათლებლო დაწესებულებების სალიცენზიო პირობების შემოწმების აქტების სარეგისტრაციო ჟურნალის ფორმასა და ჟურნალის წარმოების წესს;

ს) ამტკიცებს ადმინისტრაციული სამართალდარღვევის ოქმის სარეგისტრაციო ჟურნალის ფორმასა და ჟურნალის წარმოების წესს;

ტ) ინდივიდუალური ადმინისტრაციულ-სამართლებრივი აქტით ამტკიცებს საჯარო სამართლის იურიდიული პირის – საგანმანათლებლო და სამეცნიერო ინფრასტრუქტურის განვითარების სააგენტოს მიერ წარმოდგენილ ინფრასტრუქტურის განვითარების სამოქმედო გეგმას. (ამოქმედდეს 2009 წლის 1 იანვრიდან)

3. მინისტრს ჰყავს ოთხი მოადგილე, მათ შორის ერთი – პირველი. მოადგილეთა შორის ფუნქციებს მინისტრი ანაწილებს ბრძანებით.

4. მინისტრის პირველი მოადგილე ხელმძღვანელობს სამინისტროს საქმიანობას და კოორდინაციას უწევს სამინისტროს მმართველობის სფეროს მიკუთვნებული სახელმწიფო საქვეუწყებო დაწესებულებების, ტერიტორიული ორგანოებისა და სტრუქტურული ქვედანაყოფების საქმიანობას მინისტრის არყოფნისას.

საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

საქართველოს მთავრობის 2006 წლის 5 აპრილის დადგენილება  №77-სსმ III, №46, 05.04.2006წ; მუხ.525

საქართველოს მთავრობის 2007 წლის 4 ივლისის დადგენილება  №135-სსმ III, №97, 10.07.2007წ; მუხ.1035

საქართველოს მთავრობის 2008 წლის 9 ივლისის დადგენილება  №148-სსმ III, №98, 10.07.2008წ; მუხ.1083

საქართველოს მთავრობის 2008 წლის 26 ნოემბრის დადგენილება  №227-სსმ III, №168, 27.11.2008წ; მუხ.1706

საქართველოს მთავრობის 2008 წლის 29 დეკემბრის დადგენილება  №263-სსმ III, №186, 30.12.2008წ; მუხ.1940

    მუხლი 4. სამინისტროს სისტემა

1. სამინისტროს სისტემა მოიცავს:

ა) ცენტრალურ აპარატს, რომლის შემადგენელი სტრუქტურული ქვედანაყოფები არიან:

ა.ა) მინისტრის აპარატი;

ა.ბ) გენერალური ინსპექცია;

ა.გ) ინფრასტრუქტურის განვითარების დეპარტამენტი; (ამოღებულია,(ამოქმედდეს 2009 წლის 1 იანვრიდან )

ა.დ) იურიდიული დეპარტამენტი;

ა.ე) ფინანსური რესურსების დეპარტამეტი;

ა.ვ) მატერიალური რესურსების დეპარტამენტი;

ა.ზ) რეგიონული კოორდინაციის დეპარტამენტი;

ა.თ) პროგრამების დეპარტამენტი;

ა.ი) ლიცენზირების სამსახური;

ა.კ) (ამოღებულია) ;

ა.ლ) განათლების მართვის საინფორმაციო სისტემის სამსახური;

ა.მ) კადრების სამმართველო;

ა.ნ) სტუდენტთა და მეცნიერთა სოციალური ხელშეწყობის სამმართველო;

ა.ო) კვლევების სამმართველო;

ა.პ) საზოგადოებასთან ურთიერთობის დეპარტამენტი;

ა.ჟ) კანცელარია;

ა.რ) ქართული ენის სამსახური (სამმართველო);

ა.ს) უმაღლესი განათლების სფეროს ჰარმონიზაციისა და საერთაშორისო ინტეგრაციის სამმართველო;

ა.ტ) პროფესიული განათლების განვითარების დეპარტამენტი;

ბ) ტერიტორიულ ორგანოებს – საგანმანათლებლო რესურსცენტრებს;

გ) შემდეგ საჯარო სამართლის იურიდიულ პირებს:

გ.ა) (ამოღებულია) ;

გ.ბ) გამოცდების ეროვნული ცენტრი;

გ.გ) ზურაბ ჟვანიას სახელობის სახელმწიფო ადმინისტრირების სკოლა;

გ.დ) ფონდი „ირმის ნახტომი“;

გ.დ) საგანმანათლებლო და სამეცნიერო ინფრასტრუქტურის განვითარების სააგენტო;(ამოქმედდეს 2009 წლის 1 იანვრიდან)

გ.ე) საქართველოს ეროვნული სამეცნიერო ფონდი;

გ.ვ) ქართველოლოგიის, ჰუმანიტარული და სოციალური მეცნიერებების ფონდი (რუსთაველის ფონდი);

გ.ზ) მასწავლებელთა პროფესიული განვითარების ცენტრი;

გ.თ) განათლების აკრედიტაციის ეროვნული ცენტრი;

გ.ი) ეროვნული სასწავლო გეგმებისა და შეფასების ცენტრი;

გ.კ) საგანმანათლებლო, მათ შორის პროფესილი სწავლების ცენტრები, და სამეცნიერო-კვლევითი დაწესებულებები;

გ.ლ) (ამოღებულია).

2. (ამოღებულია).

საქართველოს მთავრობის 2004 წლის 23 ოქტომბრის დადგენილება  №85-სსმ III, №120, 26.10.2004წ; მუხ.1036

საქართველოს მთავრობის 2005 წლის 17 აპრილის დადგენილება  №73-სსმ III, №46, 19.04.2005წ; მუხ.479

საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

საქართველოს მთავრობის 2005 წლის 28 დეკემბრის დადგენილება  №241-სსმ III, №153, 30.12.2005წ; მუხ.1700

საქართველოს მთავრობის 2006 წლის 5 აპრილის დადგენილება  №77-სსმ III, №46, 05.04.2006წ; მუხ.525

საქართველოს მთავრობის 2006 წლის 31 მაისის დადგენილება  №101-სსმ III, №73, 01.06.2006წ; მუხ.912

საქართველოს მთავრობის 2006 წლის 15 ნოემბრის დადგენილება  №213-სსმ III, №155, 17.11.2006წ; მუხ.2145

საქართველოს მთავრობის 2007 წლის 21 მარტის დადგენილება  №52-სსმ III, №40, 23.03.2007წ; მუხ.467

საქართველოს მთავრობის 2007 წლის 23 მაისის დადგენილება  №108-სსმ III, №75, 29.05.2007წ; მუხ.803

საქართველოს მთავრობის 2007 წლის 4 ივლისის დადგენილება  №135-სსმ III, №97, 10.07.2007წ; მუხ.1035

საქართველოს მთავრობის 2008 წლის 15 მაისის დადგენილება  №124-სსმ III, №74, 19.05.2008წ; მუხ.801

საქართველოს მთავრობის 2008 წლის 9 ივლისის დადგენილება  №148-სსმ III, №98, 10.07.2008წ; მუხ.1083

საქართველოს მთავრობის 2008 წლის 26 ნოემბრის დადგენილება  №227-სსმ III, №168, 27.11.2008წ; მუხ.1706

საქართველოს მთავრობის 2008 წლის 29 დეკემბრის დადგენილება  №263-სსმ III, №186, 30.12.2008წ; მუხ.1940

    მუხლი 4 ^​1 . სამინისტროს ცენტრალური აპარატის სტრუქტურული ქვედანაყოფების კომპეტენცია

1. მინისტრის აპარატის კომპეტენციაა:

ა) მინისტრის საქმიანობის ორგანიზაციული და ადმინისტრაციული უზრუნველყოფა;

ბ) მინისტრის თათბირების ორგანიზება და ოქმების შედგენა;

გ) მინისტრის შეხვედრების განრიგის დაგეგმვა და შეხვედრების მომზადება, პროტოკოლის უზრუნველყოფა;

დ) მინისტრის მივლინებების ორგანიზება;

ე) მინისტრის საქმიანობის საინფორმაციო უზრუნველყოფა, მისი საჯარო გამოსვლების მომზადება, სამინისტროს კომპეტენციის ფარგლებში რჩევების მიწოდება;

ვ) მინისტრის არაგეგმური დავალებებისა და ბრძანებების შესრულება და მათი შესრულების მონიტორინგი;

ზ) მინისტრის სახელმწიფო დაწესებულებებთან, არასამთავრობო ორგანიზაციებთან, საერთაშორისო ორგანიზაციებთან ურთიერთობის, აგრეთვე უცხო ქვეყნებთან კავშირის კოორდინაცია;

თ) ევროატლანტიკურ ინტეგრაციასთან დაკავშირებულ ღონისძიებათა განხორციელება;

ი) მინისტრის უსაფრთხოებისა და მისი გადაადგილების უზრუნველყოფა;

კ) კანონმდებლობით და მინისტრის მიერ კანონმდებლობის საფუძველზე განსაზღვრულ სხვა უფლებამოსილებათა განხორციელება;

ლ) სამინისტროს საქმიანობის გეგმის შედგენის კოორდინაცია;

მ) საზოგადოებრივი საბჭოს სხდომების ორგანიზება.

2. გენერალური ინსპექციის კომპეტენციაა:

ა) სამინისტროს ცენტრალური აპარატის მოსამსახურეთა დისციპლინისა და კანონიერების დაცვის კონტროლი, სამსახურებრივი პასუხისმგებლობისა და გადაცდომის ფაქტების გამოვლენა, თავიდან აცილება, პროფილაქტიკა, შემოწმება და შედეგების მინისტრისათვის წარდგენა;

ბ) სამინისტროს სისტემის მოსამსახურეთა მიერ გაწეული მუშაობის კანონიერების ანალიზი, მინისტრის დავალებით სამინისტროს სისტემის დაწესებულებათა საფინანსო კონტროლი, მათი შემოწმება;

გ) მოქალაქეთა საჩივრებისა და განცხადებების, თანამშრომელთა შუამდგომლობების, აგრეთვე სამინისტროს სისტემაში არსებულ ადმინისტრაციულ და ფინანსურ დარღვევებთან დაკავშირებით გავრცელებული ინფორმაციის განხილვა, შემოწმება და შედეგების მინისტრისათვის წარდგენა;

დ) მინისტრის დავალებით საქართველოს პროკურატურიდან, სასამართლო ორგანოებიდან, საქართველოს კონტროლის პალატიდან, აგრეთვე სხვა უფლებამოსილი უწყებებიდან მიღებული წერილებისა და წარდგინებების განხილვა და შესაბამისი დასკვნების მომზადება;

ე) სამინისტროს კომპეტენციის ფარგლებში შემოწმებების წარმოება;

ვ) მინისტრის მიერ გამოცემული აქტების აღსრულების უზრუნველყოფა;

ზ) კანონმდებლობით და მინისტრის მიერ კანონმდებლობის საფუძველზე განსაზღვრულ სხვა უფლებამოსილებათა განხორციელება.

3. ინფრასტრუქტურის განვითარების დეპარტამენტის კომპეტენციაა:

ა) განათლებისა და მეცნიერების ინფრასტრუქტურის განვითარების პროგრამების დაგეგმვა და განხორციელება;

ბ) ინფრასტრუქტურის განვითარების მიზნით კანონმდებლობით გათვალისწინებული ღონისძიებების განხორციელება;

გ) განათლების ინფრასტრუქტურის ინსტიტუციური მოწყობის შესახებ წინადადებების მომზადება და პროცესის ორგანიზაციული უზრუნველყოფა. (ამოღებულია,(ამოქმედდეს 2009 წლის 1 იანვრიდან )

4. საზოგადოებასთან ურთიერთობის დეპარტამენტის კომპეტენციაა:

ა) მასმედიასთან ურთიერთობა პრესკონფერენციების, ბრიფინგებისა და სხვა საკომუნიკაციო საშუალებების გამოყენებით, სამინისტროს საზოგადოებრივი ღონისძიებების დაგეგმვა და განხორციელება;

ბ) სამინისტროს საქმიანობის შესახებ საზოგადოების ინფორმირება, მათ შორის სამინისტროს საქმიანობის ამსახველი საგამომცემლო მასალის მომზადება;

გ) სამინისტროს ვებგვერდის წარმოება;

დ) ცხელი ხაზის ფუნქციონირების უზრუნველყოფა;

ე) კანონმდებლობით და მინისტრის მიერ კანონმდებლობის საფუძველზე განსაზღვრულ სხვა უფლებამოსილებათა განხორციელება.

5. იურიდიული დეპარტამენტის კომპეტენციაა:

ა) საკანონმდებლო აქტების პროექტების შემუშავება და მათი კანონმდებლობით დადგენილი წესით მიღების ხელშეწყობა;

ბ) სამინისტროს კომპეტენციის ფარგლებში ნორმატიული აქტების პროექტების მომზადება და მათ მიღებასთან დაკავშირებული მოქმედებების განხორციელება;

გ) სამინისტროს სისტემაში შემავალი სამინისტროს სტრუქტურული ქვედანაყოფებიდან და საჯარო სამართლის იურიდიული პირებიდან, აგრეთვე სხვა უწყებებიდან შემოსული ნორმატიული აქტების პროექტების, მათ შორის საერთაშორისო ხელშეკრულებების პროექტების შესახებ სამართლებრივი დასკვნის მომზადება;

დ) სამინისტროს საპარლამენტო მდივნის ფუნქციათა განხორციელების ხელშეწყობა;

ე) მინისტრის ინდივიდუალური ადმინისტრაციულ-სამართლებრივი აქტებისა და სამინისტროს ხელშეკრულებების უპირატესი იურიდიული ძალის მქონე სამართლებრივ აქტებთან შესაბამისობის დადგენა;

ვ) სამინისტროს სასამართლოში წარმომადგენლობა;

ზ) სამინისტროს კომპეტენციის ფარგლებში სამართლებრივ საკითხებთან დაკავშირებული მოქალაქეთა და იურიდიულ პირთა კორესპონდენციების განხილვა;

თ) სამინისტროს ხელმძღვანელობისა და მისი ცალკეული სტრუქტურული ქვედანაყოფების საქმიანობის სამართლებრივი უზრუნველყოფა;

ი) კანონმდებლობით და მინისტრის მიერ კანონმდებლობის საფუძველზე განსაზღვრულ სხვა უფლებამოსილებათა განხორციელება.

6. ფინანსური რესურსების დეპარტამენტის კომპე-ტენციაა:

ა) სამინისტროს ბიუჯეტის პროექტის შემუშავება;

ბ) სამინისტროს ფინანსური სახსრების მართვა;

გ) სამინისტროს საშტატო ნუსხის შემუშავება;

დ) სამინისტროსათვის საჭირო საბუღალტრო აღრიცხვა, სამინისტროს სისტემაში შემავალი ერთეულების ფინანსური ანგარიშგების შემოწმება და ბალანსის შედგენა;

ე) სამინისტროს შესყიდვების განხორციელება;

ვ) კანონმდებლობით და მინისტრის მიერ კანონმდებლობის საფუძველზე განსაზღვრულ სხვა უფლებამოსილებათა გნხორციელება.

7. მატერიალური რესურსების დეპარტამენტის კომპეტენციაა:

ა) სამინისტროს შენობა-ნაგებობათა მატერიალურ-ტექნიკური ბაზის მოვლა-განახლება;

ბ) სამინისტროს ცენტრალური აპარატის მატერიალურ-ტექნიკური, მათ შორის საკომუნიკაციო და ელექტრონული უზრუნველყოფა;

გ) სამინისტროს სისტემაში შემავალი ერთეულების მატერიალურ-ტექნიკური ბაზის აღრიცხვა და ამ ბაზასთან დაკავშირებული გადაწყვეტილებების მომზადება;

დ) კანონმდებლობით და მინისტრის მიერ კანონმდებლობის საფუძველზე განსაზღვრულ სხვა უფლებამოსილებათა განხორციელება.

8. ლიცენზირების სამსახურის კომპეტენციაა:

ა) საგანმანათლებლო დაწესებულებათა საქმიანობის ლიცენზიის გაცემასთან, გაუქმებასა და ცვლილებებთან დაკავშირებული მოქმედებების განხორციელება;

ბ) უწყებრივი სალიცენზიო რეესტრისა და სალიცენზიო პირობების შემოწმების აქტების რეესტრის წარმოება;

გ) სამინისტროს კომპეტენციის ფარგლებში ლიცენზირებული დაწესებულებების მიერ სალიცენზიო პირობების შესრულების კონტროლის განხორციელება;

გ1) სამინისტროს კომპეტენციის ფარგლებში დოკუმენტების აპოსტილით დამოწმება.

დ) კანონმდებლობით და მინისტრის მიერ კანონმდებლობის საფუძველზე განსაზღვრულ სხვა უფლებამოსილებათა განხორციელება.

9. რეგიონული კოორდინაციის დეპარტამენტის კომპეტენციაა:

ა) სამინისტროს ტერიტორიული ორგანოების საგანმანათლებლო რესურსცენტრების საქმიანობის კოორდინაცია;

ბ) სამინისტროს ტერიტორიული ორგანოების საგანმანათლებლო რესურსცენტრების, სამინისტროს სისტემაში შემავალი საჯარო სამართლის იურიდიული პირების და სამინისტროს ცენტრალური აპარატის ურთიერთობის კოორდინაცია;

გ) საჯარო სამართლის იურიდიული პირების – ზოგადსაგანმანათლებლო დაწესებულებების დირექტორებისა და სამეურვეო საბჭოს წევრების სამინისტროში სარეგისტრაციოდ წარმოდგენილი დოკუმენტების მომზადება;

დ) კანონმდებლობით და მინისტრის მიერ კანონმდებლობის საფუძველზე განსაზღვრულ სხვა უფლებამოსილებათა განხორციელება.

10. პროგრამების დეპარტამენტის კომპეტენციაა:

ა) სამინისტროს კომპეტენციის ფარგლებში სკოლამდელი, ზოგადი, პროფესიული და უმაღლესი განათლებისა და მეცნიერების მართვის სფეროში ეროვნული და რეგიონული პროგრამებისა და პროექტების კოორდინაცია;

ბ) (ამოღებულია);

გ) ეროვნულ უმცირესობათა ენების დაცვის სახელმწიფო პოლიტიკის განხორციელების ხელშეწყობა;

დ) სკოლამდელ აღზრდა/სწავლებასთან და სასკოლო ინიციატივებთან დაკავშირებული, ასევე სამოქალაქო ინტეგრაციაზე ორიენტირებული და საერთაშორისო პროგრამების შემუშავება და მათი განხორციელება;

ე) ეროვნული უმცირესობებით დასახლებულ რეგიონებში ინფორმაციულ-საკომუნიკაციო ტექნოლოგიების გამოყენებით სახელმწიფო ენის სწავლების უზრუნველყოფისათვის შესაბამისი პროგრამებისა და პროექტების შემუშავება, განხორციელება;

ვ) განათლების მართვის ინფორმაციული სისტემების დანერგვის ხელშემწყობი პროგრამებისა და პროექტების შემუშავება, განხორციელება;

ზ) ამ პუნქტის „ე“ და „ვ“ ქვეპუნქტებით გათვალისწინებული პროგრამებისა და პროექტების ფარგლებში ღია კონკურსის საფუძველზე გრანტების გაცემა და გაცემული გრანტების განხორციელებისათვის კონტროლის დაწესება;

თ) მასწავლებელთა და მოსწავლეთათვის ინფორმაციულ-საკომუნიკაციო ტექნოლოგიების გამოყენების უნარების გადაცემის უზრუნველყოფა;

ი) ქართული ინფორმაციული ვებრესურსების შექმნა. (ამოქმედდეს 2009 წლის 1 იანვრიდან )

11. (ამოღებულია).

12. კადრების სამმართველოს კომპეტენციაა:

ა) სამინისტროს ცენტრალური აპარატის საქმიანობის ინსტრუქციების შემუშავების კოორდინაცია;

ბ) სამინისტროს ცენტრალური აპარატის თანამშრომელთა სამუშაო აღწერილობის შემუშავების კოორდინაცია და სამინისტროს სისტემის საკადრო რესურსების მართვის მიზნით რეკომენდაციების შემუშავება;

გ) სამინისტროს საშტატო ნუსხის შედგენაში მონაწილეობა;

დ) სამინისტროს კომპეტენციის ფარგლებში სამინისტროს სისტემის მოსამსახურეთა კანონმდებლობით დადგენილი წესის შესაბამისად დანიშვნის, სხვა თანამდებობაზე გადაყვანის, წახალისების, გათავისუფლების, შვებულების, მივლინებისა და კვალიფიკაციის ამაღლების, აგრეთვე სამინისტროში სტაჟიორად აყვანის შესახებ წინადადებებისა და ბრძანებების პროექტების მომზადება;

ე) სამინისტროს კომპეტენციის ფარგლებში სამინისტროს სისტემის მოსამსახურეთა პირადი საქმეების შედგენა და წარმოება, სამინისტროს სისტემის მოსამსახურეთა შესახებ მონაცემთა ბაზის შექმნა, მისი სრულყოფა და სისტემატიზაცია;

ვ) ატესტაციისა და სამინისტროს სისტემაში არსებული ვაკანტური თანამდებობების დასაკავებლად კონკურსების გამართვის ორგანიზაციული უზრუნველყოფა დადგენილი წესით;

ზ) საჯარო სამართლის იურიდიული პირების – უმაღლესი საგანმანათლებლო დაწესებულებების მართვის ორგანოების ხელმძღვანელების სამინისტროში კანონმდებლობით დადგენილი წესით რეგისტრაციისათვის წარმოდგენილი დოკუმენტების მომზადება;

13. კანცელარიის კომპეტენციაა:

ა) სამინისტროს ცენტრალური აპარატის ერთიანი საქმისწარმოების ორგანიზება;

ბ) სამინისტროში ოფიციალურად შესული და გასული კორესპონდენციის რეგისტრაცია, სისტემატიზაცია და მისი ოპერატიული მიწოდება სამი-ნისტროს ხელმძღვანელობისა და შემსრულებლებისათვის;

გ) სამინისტროს კორესპონდენციის, მათ შორის კონტროლზე აყვანილ დავალებათა დადგენილ ვადებში შესრულების კონტროლი;

დ) საიდუმლო საქმისწარმოების განხორციელება, მოქმედი კანონმდებლობით გათვალისწინებულ შესაბამის ინფორმაციასა და დოკუმენტაციასთან დაკავშირებით საიდუმლოების რეჟიმის დაცვის უზრუნველყოფა;

ე) საქმისწარმოებაში დასრულებული დოკუმენტაციის აღრიცხვა, დამუშავება და გადაცემა არქივისათვის არსებული წესის თანახმად;

ვ) საჯარო ინფორმაციის ხელმისაწვდომობის უზრუნველყოფა;

ზ) სამინისტროს მისაღების ფუნქციონირების უზრუნველყოფა.

14. სტუდენტთა და მეცნიერთა სოციალური ხელშეწყობის სამმართველოს კომპეტენციაა:

ა) სტუდენტთა და მეცნიერთა სოციალური ხელშეწყობის პროგრამების დაგეგმვა და განხორციელება;

ბ) უცხო ქვეყნის მოქალაქეთათვის და სოციალური პროგრამის ფარგლებში სტუდენტებისათვის სახელმწიფო სასწავლო გრანტების გაცემის პროცესის ორგანიზება;

გ) უმაღლესი განათლებისა და მეცნიერების დაფინანსების შესახებ წინადადებების მომზადება;

დ) უმაღლესი განათლების ხელმისაწვდომობის მობილურობისა და სხვა ორგანიზაციული საკითხების უზრუნველყოფა;

ე) უმაღლესი განათლებისა და მეცნიერების პროგრამების მართვა.

15. კვლევების სამმართველოს კომპეტენციაა:

ა) განათლებისა და მეცნიერების სფეროში მიმდინარე პროცესების, მათ შორის სამინისტროს მიერ განხორციელებული პროექტებისა და პროგრამების შედეგების კვლევის დაგეგმვა;

ბ) განათლებისა და მეცნიერების სფეროში მიმდინარე პროცესების, მათ შორის სამინისტროს მიერ განხორ-ციელებული პროექტებისა და პროგრამების შედეგების უშუალოდ ან მესამე პირების მეშვეობით კვლევა;

გ) განათლების სისტემის ძირითადი ინდიკატორების შემუშავება;

16. განათლების მართვის საინფორმაციო სისტემის სამსახურის კომპეტენციაა:

ა) სამინისტროს საინფორმაციო საჭიროებებიდან გამომდინარე სტატისტიკური მონაცემების შეგროვება, დამუშავება და მათი ხელმისაწვდომობის უზრუნველყოფა;

ბ) საჯარო სამართლის იურიდიული პირების – ზოგადსაგანმანათლებლო დაწესებულებების დირექტორებისა და სამეურვეო საბჭოს წევრების, საჯარო სამართლის იურიდიული პირების უმაღლესი საგანმანათლებლო დაწესებულებების წარმომადგენლობითი საბჭოს სპიკერების, რექტორების, ადმინისტრაციის ხელმძღვანელების რეესტრების წარმოება;

გ) ლიცენზირებულ უმაღლეს საგანმანათლებლო დაწესებულებათა, ზოგადსაგანმანათლებლო დაწესეულებათა, მოსწავლეთა პერსონალური მონაცემების რეესტრის, აგრეთვე სკოლისგარეშე საგანმანათლებლო დაწესებულებათა რეესტრების წარმოება;

დ) მკაცრი აღრიცხვის დოკუმენტბრუნვის ორგანიზება და კონტროლი;

ე) იმ პირთა აღრიცხვა, რომელთაც სასამართლოს გამამტყუნებელი განაჩენის საფუძველზე ნარკოტიკული საშუალების მოხმარებისათვის, ნარკოტიკული საქმიანობის ხელშეწყობისათვის ან ნარკოტიკული საშუალების გასაღებისათვის ჩამოერთვათ პედაგოგიურ და საგანმანათლებლო დაწესებულებაში საქმიანობის უფლება;

ვ) კანონმდებლობით და მინისტრის მიერ კანონმდებლობის საფუძველზე განსაზღვრულ სხვა უფლებამოსილებათა განხორციელება.

17. ქართული ენის სამსახურის (სამმართველოს) კომპეტენციაა:

ა) საქართველოს სახელმწფო ენის განვითარებისა და პოპულარიზაციის ხელშეწყობის პროგრამების შემუშავება, მათი განხორციელება და შესრულების კონტროლი;

ბ) მკაცრი აღრიცხვის დოკუმენტების ენობრივი სისწორის შემოწმება.

18. უმაღლესი განათლების სფეროს ჰარმონიზაციისა და საერთაშორისო ინტეგრაციის სამმართვე-ლოს კომპეტენციაა:

ა) საქართველოს უმაღლესი განათლების სისტემისა და მასში შემავალი ინსტიტუტების ევროპის და საერთაშორისო საგანმანათლებლო სივრცეში ინტეგრაციის ხელშეწყობა, მათ შორის, „ბოლონიის პროცესის“ ფარგლებში საბიუჯეტო და არასაბიუჯეტო პროექტების/ინიციატივების დაგეგმვა, შესრულება და კოორდინაცია;

ბ) უმაღლესი განათლებისა და მეცნიერების სფეროში საერთაშორისო ორმხრივი და მრავალმხრივი შეთანხმებების/ ხელშეკრულებების შემუშავება და შესრულების ხელშეწყობა.

19. პროფესიული განათლების განვითარების დეპარტამენტის კომპეტენციაა:

ა) პროფესიული სტანდარტების რეგისტრაციაში გატარება;

ბ) თითოეული სახელობო პროფესიისა და კვალიფიკაციისათვის საატესტაციო ორგანოთა შერჩევის წესის პროექტის მომზადება;

გ) პროფესიულ კვალიფიკაციათა ჩარჩოს პროექტის მომზადება;

დ) საქართველოს მთავრობისათვის წარსადგენი რეგულირებად პროფესიათა ნუსხის, აგრეთვე ამ რეგულირებადი პროფესიით საქმიანობის უფლების მინიჭებისა და განახლებისათვის აუცილებელი პირობებისა და მათი შესრულების წესის თაობაზე წინადადებების შემუშავება, ან ამ დოკუმენტებზე საქართველოს მთავრობისათვის დასკვნის მომზადება;

ე) სახელობო პროფესიათა საინფორმაციო ბანკის წარმოება;

ვ) სახელობო საგანმანათლებლო პროგრამების განმახორციელებელი დაწესებულებების ინსტიტუციური, მატერიალურ-ტექნიკური და ადამიანური რესურსების განვითარების ხელშემწყობი პროგრამების შემუშავება და განხორციელება;

ზ) დაინტერესებული პირების მოთხოვნის საფუძველზე საქართველოს მთავრობის დადგენილებით განსაზღვრული იმ ქვეყნების პროფესიული სტანდარტების თარგმნა, რომელთა მიხედვითაც დაინტერესებულმა პირმა უნდა შექმნას პროფესიული სტანდარტი.

საქართველოს მთავრობის 2007 წლის 21 მარტის დადგენილება  №52-სსმ III, №40, 23.03.2007წ; მუხ.467

საქართველოს მთავრობის 2007 წლის 4 ივლისის დადგენილება  №135-სსმ III, №97, 10.07.2007წ; მუხ.1035

საქართველოს მთავრობის 2008 წლის 12 აპრილის დადგენილება  №102-სსმ III, №56, 14.04.2008წ; მუხ.654

საქართველოს მთავრობის 2008 წლის 15 მაისის დადგენილება  №124-სსმ III, №74, 19.05.2008წ; მუხ.801

საქართველოს მთავრობის 2008 წლის 9 ივლისის დადგენილება  №148-სსმ III, №98, 10.07.2008წ; მუხ.1083

საქართველოს მთავრობის 2008 წლის 8 ოქტომბრის დადგენილება  №204-სსმ III, №148, 09.10.2008წ; მუხ.1478

საქართველოს მთავრობის 2008 წლის 26 ნოემბრის დადგენილება  №227-სსმ III, №168, 27.11.2008წ; მუხ.1706

საქართველოს მთავრობის 2008 წლის 29 დეკემბრის დადგენილება  №263-სსმ III, №186, 30.12.2008წ; მუხ.1940

    მუხლი 4^​2. მინისტრის მრჩევლები და თანაშემწეები, მინისტრის მოადგილის თანაშემწე

1. მინისტრის მრჩეველი და თანაშემწე თანამდებობაზე ინიშნება მინისტრის უფლებამოსილების ვადით.

2. მინისტრის მოადგილის თანაშემწე უშუალოდ ემორჩილება მინისტრის მოადგილეს.

საქართველოს მთავრობის 2007 წლის 21 მარტის დადგენილება  №52-სსმ III, №40, 23.03.2007წ; მუხ.467

 

    მუხლი 5. სამინისტროს ტერიტორიული ორგანოები

სამინისტროს ტერიტორიული ორგანოებია საგანმანათლებლო რესურსცენტრები, რომლებიც იქმნება საქართველოს მთელ ტერიტორიაზე; საგანმანათლებლო რესურსცენტრების მმართველობის სფერო, უფლება-მოვალეობანი და საქმიანობის ძირითადი მიმართულებები განისაზღვრება საგანმანათლებლო რესურსცენტრების ტიპური დებულებით, რომელსაც ამტკიცებს მინისტრი.

საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

საქართველოს მთავრობის 2005 წლის 28 დეკემბრის დადგენილება  №241-სსმ III, №153, 30.12.2005წ; მუხ.1700

    მუხლი 6. სამინისტროს საგანმანათლებლო და სამეცნიერო-კვლევითი  დაწესებულებები

სამინისტროში იქმნება სამინისტროს საგანმანათლებლო და სამეცნიერო-კვლევითი დაწესებულებების რეესტრი, რომელშიც წარმოდგენილ იქნება ამ დაწესებულებათა სრული ნუსხა, მათი დაქვემდებარებისა და სამართლებრივი ფორმის მიუხედავად.

საქართველოს მთავრობის 2008 წლის 29 დეკემბრის დადგენილება  №263-სსმ III, №186, 30.12.2008წ; მუხ.1940

    მუხლი 7. გარდამავალი დებულებები

1. საქართველოს განათლებისა და მეცნიერების სამინისტრომ 2006 წლის 31 დეკემბრამდე უზრუნ-ველყოს ტერიტორიული ორგანოების – საგანმანათლებლო რესურსცენტრების ტიპური დებულებისა და მათი საშტატო ნუსხების დამტკიცება.

2. საგანმანათლებლო რესურსცენტრების შექმნამდე და მათი ხელმძღვანელების (მოვალეობის შემსრულებლების) დანიშვნამდე მათ ფუნქციებს ახორციელებენ საქართველოს განათლებისა და მეცნიერების სამინისტროს ტერიტორიული ორგანოები – სასკოლო ოლქები/სამმართველოები და განათლების განყოფილებები.

3. 2009-2010 სასწავლო წლის დაწყებამდე საქართველოს განათლებისა და მეცნიერების სამინისტრო ახორციელებს საჯარო სამართლის იურიდიული პირის დაწყებითი პროფესიული საგანმანათლებლო დაწესებულების და საშუალო პროფესიული საგანმანათლებლო დაწესებულების წესდების დამტკიცებას, სახელმწიფო კონტროლს, რეორგანიზაციას ან/და ლიკვიდაციას, მისი დირექტორის დანიშვნას და გათავისუფლებას.

4. საქართველოს განათლებისა და მეცნიერების სამინისტრო უფლებამოსილია კერძო სამართლის არასამეწარმეო იურიდიული პირი – პროფესიული სწავლების ცენტრი დააფუძნოს 2010-2011 სასწავლო წლის დასაწყისიდან, ხოლო კერძო სამართლის არასამეწარმეო იურიდიული პირი – ზოგადსაგანმანათლებლო დაწესებულება – 2011-2012 სასწავლო წლის დასაწყისიდან.

საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

საქართველოს მთავრობის 2005 წლის 28 დეკემბრის დადგენილება  №241-სსმ III, №153, 30.12.2005წ; მუხ.1700

საქართველოს მთავრობის 2007 წლის 4 ივლისის დადგენილება  №135-სსმ III, №97, 10.07.2007წ; მუხ.1035

Annotate