საქართველოს განათლებისა და მეცნიერების სამინისტროს დებულების დამტკიცების შესახებ

საქართველოს მთავრობის

დადგენილება №37

2004 წლის 21 მაისი

ქ. თბილისი

საქართველოს განათლებისა და მეცნიერების სამინისტროს დებულების დამტკიცების შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-17 მუხლის 1-ლი პუნქტის შესაბამისად:

1. დამტკიცდეს საქართველოს განათლებისა და მეცნიერების სამინისტროს თანდართული დებულება.

2. დადგენილება ამოქმედდეს გამოქვეყნებისთანავე.

პრემიერ-მინისტრი ზ. ჟვანია

 

შეტანილი ცვლილებები:

1. საქართველოს მთავრობის 2004 წლის 23 ოქტომბრის დადგენილება  №85-სსმ III, №120, 26.10.2004წ; მუხ.1036

2. საქართველოს მთავრობის 2005 წლის 17 აპრილის დადგენილება  №73-სსმ III, №46, 19.04.2005წ; მუხ.479

3. საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

საქართველოს განათლებისა და მეცნიერების სამინისტროს

დ ე ბ უ ლ ე ბ ა

    მუხლი 1. ზოგადი დებულებანი

1. საქართველოს განათლებისა და მეცნიერების სამინისტრო (შემდგომში – სამინისტრო) სამთავრობო დაწესებულებაა, რომელიც მინდობილ სფეროში სახელმწიფო მმართველობის უზრუნველსაყოფად მოქმედებს საკუთარი კომპეტენციის ფარგლებში, საქართველოს კონსტიტუციის, საქართველოს საერთაშო-რისო ხელშეკრულებების, საქართველოს კანონების, კანონქვემდებარე ნორმატიული აქტებისა და ამ დებულების საფუძველზე.

2. თავისი ამოცანების განხორციელებისას სამინისტრო წარმოადგენს სახელმწიფოს.

3. სამინისტრო ანგარიშვალდებულია მთავრობის წინაშე და ასრულებს კანონით გათვალისწინებულ ან მთავრობისა და პრემიერ-მინისტრის მიერ კანონის საფუძველზე დაკისრებულ ამოცანებს.

4. სამინისტროს დაფინანსების წყაროა სახელმწიფო ბიუჯეტი. იგი საქართველოს კანონმდებლობით დადგენილი წესით ანგარიშვალდებულია საბიუჯეტო სახსრების მიზნობრივი გამოყენებისათვის.

5. სამინისტროს აქვს ბეჭედი სახელმწიფო გერბის გამოსახულებით და საკუთარი სახელწოდებით, დასრულებული ბალანსი და ანგარიში სახელმწიფო ხაზინაში.

6. სამინისტროს ადგილსამყოფელია ქ. თბილისი, – 0146, უზნაძის ქ. №52.

7. სამინისტროს შეიძლება ჰქონდეს ემბლემა, რომელიც ექვემდებარება რეგისტრაციას მოქმედი კანონმდებლობის შესაბამისად.

    მუხლი 2. სამინისტროს საქმიანობის სფერო, ძირითადი ამოცანები და კომპეტენცია

1. სამინისტრო განათლებისა და მეცნიერების სფეროში ერთიანი სახელმწიფო პოლიტიკის გამტარებელი ორგანოა. საკუთარი კომპეტენციის ფარგლებში სამინისტრო ახორციელებს თავის დაქვემდებარებაში არსებული ყოველი რგოლის საქმიანობის კოორდინაციასა და კონტროლს, უზრუნველყოფს ზოგადი, პროფესიული და უმაღლესი განათლების სრულყოფას, მეცნიერების განვითარებას, ბავშვისათვის ზრუნვას და სახელმწიფო ენობრივი პოლიტიკის განხორციელებას.

2. კანონმდებლობით მინიჭებულ უფლებამოსილებათა ფარგლებში სამინისტრო:

ა) უზრუნველყოფს განათლების მიღებისა და მისი ფორმის არჩევის კონსტიტუციური უფლების განხორციელებას;

ა1 ) ხელს უწყობს განათლების მიღების შესაძლებლობას მთელი ცხოვრების მანძილზე;

ბ) იკვლევს და აფასებს განათლებისა და მეცნიერების სისტემაში მიმდინარე პროცესებს;

გ) გეგმავს განათლებისა და მეცნიერების სისტემის შემდგომი განვითარების მიმართულებებს, ახორციელებს მისი განვითარების პროგნოზირებას;

გ1) ახორციელებს სახელმწიფო ენობრივ პოლიტიკას, ხელს უწყობს სახელმწიფო ენის სწავლებას, თვალყურს ადევნებს მის სწორ გამოყენებას;

დ) კანონმდებლობით დადგენილი წესის შესაბამისად შეიმუშავებს და ამტკიცებს საგანმანათლებლო პროგრამებს, სახელმწიფო საგანმანათლებლო სტანდარტებს და აკონტროლებს მათ შესრულებას;

ე) ახორციელებს სააღმზრდელო და საგანმანათლებლო დაწესებულებათა ლიცენზირებას და აკრედიტაციას;

ვ) სახელმწიფო საგანმანათლებლო სტანდარტების შეუსრულებლობის შემთხვევაში აუქმებს საგანმანათლებლო დაწესებულებების აკრედიტაციას, გარდა ზოგადსაგანმანათლებლო და უმაღლესი საგანმანათლებლო დაწესებულებებისა;

ზ) იღებს გადაწყვეტილებას სააღმზრდელო და საგანმანათლებლო დაწესებულებათა საჯარო სამართლის იურიდიულ პირებად დაფუძნების, რეორგანიზაციისა და ლიკვიდაციის შესახებ, გარდა უმაღლესი საგანმანათლებლო დაწესებულებებისა;

თ) ევროპისა და საქართველოს საგანმანათლებლო სივრცეების ჰარმონიზაციისა და ინტეგრაციის მიზნით, დადგენილი წესის შესაბამისად, თანამშრომლობს განათლებისა და მეცნიერების სფეროში მოქმედ საერთაშორისო ორგანიზაციებსა და საზღვარგარეთის შესაბამის საგანმანათლებლო დაწესებულებებთან;

თ1 ) ხელს უწყობს საქართველოს საგანმანათლებლო დაწესებულებებში საერთაშორისო საგანმანათლებლო სტანდარტების დანერგვას;

ი) უზრუნველყოფს განათლებისა და მეცნიერების შესახებ ნორმატიული აქტების შესრულებას;

კ) ახორციელებს სახელმწიფო პოლიტიკას სკოლამდელი აღზრდის, შვილად აყვანის, ობოლ და მშობელთა მზრუნველობას მოკლებულ ბავშვთა შვილობილად აყვანის სფეროში;

ლ) ხელს უწყობს საქართველოს სახელმწიფო ენის – ქართულის (აფხაზეთის ტერიტორიაზე, აგრეთვე აფხაზურის) განვითარებას;

მ) ამტკიცებს საჯარო სამართლის იურიდიული პირების – სააღმზრდელო და საგანმანათლებლო დაწესებულებების პედაგოგთა და მოსწავლეთა ატესტაციის კრიტერიუმებსა და წესს;

ნ) ამტკიცებს:

– იმ პროფესიათა და სპეციალობათა ნუსხას, რომელთა მიღება დასტურდება სახელმწიფო საგანმანათლებლო სერტიფიკატით;

– ერთიანი სახელმწიფო საგანმანათლებლო სერტიფიკატების ნიმუშებს;

– აკადემიური ხარისხებისა და მათი მინიჭების დებულებას;

– უცხოეთის ქვეყნებში მიღებული განათლების დამადასტურებელი სერტიფიკატისათვის სახელმწიფო საგანმანათლებლო ცენზის მინიჭების წესსა და პირობებს;

– საგანმანათლებლო და სააღმზრდელო დაწესებულებათა ტიპურ დებულებებს;

ო) განსაზღვრავს სამინისტროს ტერიტორიული ორგანოების – საგანმანათლებლო რესურს-ცენტრების სტრუქტურას, ამტკიცებს მათ საშტატო ნუსხებსა და ტიპურ დებულებას, თანამდებობაზე ნიშნავს და თანამდებობიდან ათავისუფლებს მათ მოხელეებს;

პ) (ამოღებულია);

ჟ)  (ამოღებულია);

რ)  (ამოღებულია);

ს) უზრუნველყოფს პედაგოგთა და მეცნიერთა სოციალური დაცვის ღონისძიებების განხორციელებას;

ტ) უზრუნველყოფს პედაგოგიური კადრების ატესტაციას;

ტ1) საქართველოს მთავრობას დასამტკიცებლად წარუდგენს წინადადებებს მეცნიერებისა და ტექნოლოგიების სფეროში სახელმწიფო პოლიტიკის შესახებ და უზრუნველყოფს მის განხორციელებას, ქმნის მეცნიერებისა და ტექნოლოგიების ფონდებს და ამტკიცებს ამ ფონდების დებულებებს, საბიუჯეტო ასიგნებათა ხარჯზე აფინანსებს და ამუშავებს სამეცნიერო კვლევებს;

უ) მონაწილეობს განათლებისა და მეცნიერების სფეროში სამეცნიერო-ტექნიკური კონფერენციების, სიმპოზიუმების, გამოფენებისა და კონკურსების გამართვაში;

უ1) მეცნიერებისა და ტექნოლოგიების სახელმწიფო პრიორიტეტების შესაბამისად გასცემს სტიპენდიებს, სახელმწიფო გრანტებსა და პრემიებს.

ფ) ახორციელებს კანონმდებლობით მინიჭებულ სხვა ფუნქციებს;

ქ) ამტკიცებს საჯარო სამართლის იურიდიული პირების – საგანმანათლებლო და სააღმზრდელო დაწესებულებათა წესდებებს;

ღ) შეიმუშავებს ზოგადი განათლების ეროვნული მიზნების დოკუმენტს და წარუდგენს საქართველოს მთავრობას;

ყ) შეიმუშავებს განათლების სისტემის ინდიკატორების ამსახველ ძირითად დოკუმენტს;

შ) საქართველოს პრეზიდენტს დასამტკიცებლად წარუდგენს ამ დებულების მე-4 მუხლის პირველი პუნქტის „გ.ა”, “გ.ვ” ქვეპუნქტებით გათვალისწინებული საჯარო სამართლის იურიდიული პირის – დირექტორის კანდიდატურას, კანონმდებლობით დად-გენილი წესით თანამდებობაზე ნიშნავს და თანამდებობიდან ათავისუფლებს აღნიშნული მუხლის პირველი პუნქტის „გ.ბ”-„გ.ე” ქვეპუნქტებით გათვალისწინებული დაწესებულებების ხელმძღვანელებს, გარდა უმაღლესი საგანმანათლებლო დაწესებულებებისა;

ჩ) ადგენს საგანმანათლებლო და სააღმზრდელო დაწესებულებათა მატერიალურ-ტექნიკური, პროგრამული და ადამიანური რესურსების ნორმატივებს;

ც) ადგენს სახელმწიფო სასწავლო გრანტის გაცემისა და გადატანის წესს, საქართველოს მთავრობას დასამტკიცებლად წარუდგენს სახელმწიფო სასწავლო გრანტის თანხის რაოდენობას, სოციალური პროგრამითა და სახელმწიფოსათვის პრიორიტეტულ სპეციალობებზე უმაღლეს საგანმანათლებლო დაწესებულებაში ჩარიცხული სტუდენტების დაფინანსების რაოდენობასა და პირობებს, აგრეთვე ზოგადსაგანმანათლებლო დაწესებულებების მოსწავლეთათვის ვაუჩერების გაცემისა და გადატანის წესს საქართველოს ფინანსთა სამინისტროსთან ერთად;

ძ) ადგენს საჯარო სკოლის დირექტორისა და მასწავლებლების შესარჩევი კონკურსის გამართვის წესს, სამეურვეო საბჭოს წევრების არჩევისა და მათთვის უფლებამოსილების შეწყვეტის წესსა და პირობებს;

წ) ამტკიცებს რეკომენდებული სახელმძღვანელოს გრიფის მინიჭების წესს;

ჭ) ამტკიცებს იმ იურიდიულ პირთა აკრედიტაციის დებულებას, რომლებიც ახორციელებენ მასწავლებელთა პროფესიულ მომზადებას, გადამზადებას ან/და კვალიფიკაციის ამაღლებას, ახორციელებს მათ აკრედიტაციას და აკონტროლებს აკრედიტაციის პირობების შესრულებას, უფლებამოსილია აკრედიტაციის პირობების დარღვევის შემთხვევაში გააუქმოს გაცემული აკრედიტაცია უშუალოდ ან ამ მიზნით მის მიერ შექმნილი საჯარო სამართლის იურიდიული პირის მეშვეობით;

ხ) ახორციელებს საჯარო სკოლების ნუმერაციას და ადგენს მათთვის სახელის მინიჭების წესს;

ჯ) ამტკიცებს უმაღლესი განათლების სპეციალობათა ჩამონათვალს, უმაღლესი განათლების დამადასტურებელი სახელმწიფო დოკუმენტისა და მისი დანართის ფორმას;

ჰ) ამტკიცებს უმაღლეს საგანმანათლებლო დაწესებულებათა აკრედიტაციის წესსა და პირობებს;

ჰ1 ) შეიმუშავებს მეცნიერების განვითარების ეროვნულ გეგმას, უზრუნველყოფს სახელმწიფო სამეცნიერო პოლიტიკის განხორციელებას შემოქმედების თავისუფლებისა და სამეცნიერო სფეროს მართვის თანმიმდევრული დემოკრატიზაციის, სამეცნიერო სკოლების შენარჩუნებისა და განვითარების, საერთაშორისო სამეცნიერო-კვლევით საქმიანობაში მონაწილეობის ხელშეწყობის, აგრეთვე განათლების მეცნიერებასთან ინტეგრირების მიზნით;

ჰ2 ) სამეცნიერო აკადემიურ წრეებთან თანამშრომლობით აყალიბებს და სრულყოფს ქართული მეცნიერების განვითარების კონცეფციასა და ნორმატიულ ბაზას;

ჰ3 ) ამუშავებს წინადადებებს სახელმწიფო სახსრების გამოყოფის თაობაზე სამეცნიერო-კვლევითი ობიექტების მშენებლობისა და რეკონსტრუირების მიზ-ნით, ამზადებს მთავრობის გადაწყვეტილებათა პროექტებს ეროვნული მნიშვნელობის მქონე სამეცნიერო-კვლევითი ბაზებისა და ექსპერიმენტული დანადგარების მოვლა-შენახვის შესახებ;

ჰ4 ) სახელმწიფო მართვის სხვა უწყებებთან ერთად ამზადებს წინადადებებს ტექნოლოგიური განვითარების გრძელვადიანი სტრატეგიის შემუშავებისა და მაღალ ტექნოლოგიათა ტრანსფერის სახელმწიფო მხარდაჭერის თაობაზე, აგრეთვე სახელმწიფოს პირ-დაპირ (ინვესტირებით), ან არაპირდაპირ (საგადასახადო შეღავათებით, ინოვაციური ინფრასტრუქტურით და სხვ.) მონაწილეობის შესახებ სათანადო პროცესებში.

საქართველოს მთავრობის 2004 წლის 23 ოქტომბრის დადგენილება  №85-სსმ III, №120, 26.10.2004წ; მუხ.1036

საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

    მუხლი 3. სამინისტროს ხელმძღვანელობა

1. სამინისტროს ხელმძღვანელობს მინისტრი, რომელიც კანონმდებლობის ფარგლებში ერთმმართველობის პრინციპზე დაყრდნობით, საქართველოს კონსტიტუციით, „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონით, საქართველოს პრეზიდენტის ბრძანებულებებითა და განკარგულებებით, მთავრობისა და პრემიერ-მინისტრის აქტებით და ამ დებულებით დადგენილ ფარგლებში ახორციელებს სამინისტროს აპარატისა და სამინისტროს სისტემაში შემავალი სტრუქტურების, დაწესებულებების მართვასა და კოორდინაციას.

2. მინისტრი:

ა) ხელმძღვანელობს სამინისტროს, წარმართავს მის საქმიანობას, და წყვეტს სამინისტროს გამგებლობის სფეროსათვის მიკუთვნებულ საკითხებს;

ბ) პასუხისმგებელია საქართველოს კონსტიტუციის, კანონების, საქართველოს პრეზიდენტის ბრძანებულებებისა და განკარგულებების, საქართველოს მთავრობის დადგენილებებისა და განკარგულებების შესრულებისათვის;

გ) თვალყურს ადევნებს სამინისტროს სტრუქტურული ქვედანაყოფებისა და სამინისტროს მმართველობის სფეროში შემავალი სახელმწიფო საქვეუწყებო დაწესებულებების, საჯარო სამართლის იურიდიული პირებისა და ტერიტორიული ორგანოების მიერ თავიანთი მოვალეობების შესრულების მიმდინარეობას, მათი საქმიანობის კანონიერებასა და მიზანშეწონილობას და კანონით დადგენილი წესით ახორციელებს სამინისტროს საჯარო მოსამსახურეთა გადაწყვეტილებებისა და საქმიანობის სამსახურებრივ ზედამხედველობას;

დ) საქართველოს კანონმდებლობით დადგენილი წესით, თავისი კომპეტენციის ფარგლებში თანამდებობაზე ნიშნავს და თანამდებობიდან ათავისუფლებს სამინისტროს საშტატო ნუსხით გათვალისწინებულ საჯარო მოსამსახურეებს, ტერიტორიულ ორგანოთა ხელმძღვანელებსა და მათ მოადგილეებს;

ე) წარუდგენს პრემიერ-მინისტრს სამინისტროს მმართველობის სფეროში შემავალი სახელმწიფო საქვეუწყებო დაწესებულებების ხელმძღვანელთა კანდიდატურებს;

ვ) პრემიერ-მინისტრს წარუდგენს სამინისტროს საქმიანობის ანგარიშს, აგრეთვე წინადადებებს სამინისტროს წლიური ბიუჯეტის შემოსავლისა და გასავლის საკითხებზე და, აუცილებლობის შემთხვევაში, – დამატებითი ბიუჯეტის პროექტის თაობაზე;

ზ) იღებს გადაწყვეტილებებს საბიუჯეტო სახსრების მიზნობრივი გამოყენების შესახებ და პასუხისმგებელია ბიუჯეტის ზუსტად და მიზანშეწონილად შესრულები-სათვის;

თ) სახელმწიფო ბიუჯეტის შესაბამისად ამტკიცებს სამინისტროს მმართველობის სფეროში შემავალი სახელმწიფო საქვეუწყებო დაწესებულებების ხარჯთა ნუსხას, ახორციელებს მისი შესრულების კონტროლს და, აუცილებლობის შემთხვევაში, იძლევა მითითებებს საბიუჯეტო სახსრების გამოყენების შესახებ;

ი) ადგენს სამინისტროს მმართველობის სფეროში შემავალი სახელმწიფო საქვეუწყებო დაწესებულებების სტრუქტურასა და საქმისწარმოების წესს, გარდა იმ შემთხვევებისა, როცა ისინი დადგენილია მინისტრის ბრძანების ზემდგომი სამართლებრივი აქტებით;

კ) პასუხისმგებელია სახელმწიფო ქონების დაცვისა და გამოყენებისათვის;

ლ) თავისი მმართველობის სფეროში ქმნის კომისიებს, საბჭოებს – სათათბირო უფლებით;

მ) თავისი კომპეტენციის ფარგლებში გამოსცემს ნორმატიული და ინდივიდუალური ხასიათის სამართლებრივ აქტებს;

ნ) ამტკიცებს სამინისტროს სტრუქტურული ქვედანაყოფების დებულებებს;

ო) ახორციელებს საქართველოს კანონმდებლობით გათვალისწინებულ სხვა უფლებამოსილებებს;

პ) თანამდებობაზე ნიშნავს და თანამდებობიდან ათავისუფლებს ტერიტორიული ორგანოების მოხელეებს.

3. მინისტრს ჰყავს სამი მოადგილე, მათ შორის ერთი – პირველი. მოადგილეთა შორის ფუნქციებს მინისტრი ანაწილებს ბრძანებით.

4. მინისტრის პირველი მოადგილე ხელმძღვანელობს სამინისტროს საქმიანობას და კოორდინაციას უწევს სამინისტროს მმართველობის სფეროს მიკუთვნებული სახელმწიფო საქვეუწყებო დაწესებულებების, ტერიტორიული ორგანოებისა და სტრუქტურული ქვედანაყოფების საქმიანობას მინისტრის არყოფნისას.

საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

    მუხლი 4. სამინისტროს სისტემა

1. სამინისტროს სისტემა მოიცავს:

ა) ცენტრალურ აპარატს, რომლის შემადგენლობაში შემავალი ერთეულები არიან:

ა.ა) გენერალური ინსპექცია;

ა.ბ) სტრატეგიული დაგეგმვის დეპარტამენტი;

ა.გ) იურიდიული დეპარტამენტი;

ა.დ) საერთაშორისო თანამშრომლობის დეპარტამენტი;

ა.ე) ეროვნული და რეგიონალური პროგრამების დეპარტამენტი;

ა.ვ) საზოგადოებასთან ურთიერთობის დეპარტამენტი;

ა.ზ) სახელმწიფო ენის დეპარტამენტი;

ა.თ) რესურსების მართვის დეპარტამენტი;

ა.ი) კანცელარია;

ა.კ) ტერიტორიული ორგანოების დეპარტამენტი;

ა.ლ) საინფორმაციო მართვის დეპარტამენტი;

ბ) ტერიტორიულ ორგანოებს – საგანმანათლებლო რესურს-ცენტრებს;

გ) საჯარო სამართლის იურიდიულ პირებს:

გ.ა) საქართველოს განათლების პროექტის საკოორდინაციო ცენტრს;

გ.ბ) შეფასებისა და გამოცდების ეროვნულ ცენტრს;

გ.გ) ზურაბ ჟვანიას სახელობის სახელმწიფო ადმინისტრირების სკოლას;

გ.დ) საქართველოს განათლების სისტემაში ინფორმაციულ-საკომუნიკაციო ტექნოლოგიების დანერგვის ხელშეწყობის ფონდ „ირმის ნახტომს”;

გ.ე) ბიოტექნოლოგიის სამეცნიერო-კვლევით ცენტრს;

გ.ვ) საქართველოს ეროვნულ სამეცნიერო ფონდს;

გ.ზ) საგანმანათლებლო, სააღმზრდელო და სამეცნიერო-კვლევით დაწესებულებებს.

2. გენერალური ინსპექცია:

ა) თავისი კომპეტენციის ფარგლებში ახორციელებს სამინისტროს სისტემის თანამშრომელთა მიმართ კანონმდებლობის დარღვევის ფაქტების გამოვლენას და მინისტრს წარუდგენს წინადადებებს შესაბამისი პასუხისმგებლობის ზომების შესახებ;

ბ) განიხილავს მოქალაქეთა განცხადებებს, ადმინისტრაციულ საჩივრებს, თანამშრომელთა შუამდგომლობებსა და მოხსენებით ბარათებს, აგრეთვე გავრცელებულ ინფორმაციას სამინისტროს სისტემაში არსებულ ადმინისტრაციულ და ფინანსურ დარღვევებთან დაკავშირებით;

გ) კოორდინაციას უწევს განათლების სფეროში წარმოებულ შემოწმებებს;

დ) ახორციელებს მინისტრის მიერ მიღებულ გადაწყვეტილებათა და სამინისტროს ადმინისტრაციულ აქტთა აღსრულებას;

ე) აკონტროლებს სამინისტროს მმართველობის სფეროში შემავალი გადაწყვეტილებებისათვის გამოყოფილი ფინანსების განკარგვისა და მატერიალურ ფასეულობათა გამოყენების მიზნობრიობას.

3. სტრატეგიული დაგეგმვის დეპარტამენტი:

ა) შეიმუშავებს და მინისტრს დასამტკიცებლად წარუდგენს განათლებისა და მეცნიერების სფეროში სამინისტროს ერთიან პოლიტიკას და სტრატეგიას;

ბ) თავისი კომპეტენციის ფარგლებში ხელს უწყობს სამინისტროს ერთიანი პოლიტიკის განხორციელებას ზოგადი, პროფესიული და უმაღლესი განათლების სრულყოფის, ხარისხის ამაღლების, მეცნიერების განვითარებისა და სახელმწიფო ენობრივი პოლიტიკის მიმართულებით;

გ) მონაწილეობს წინადადებების მომზადებაში სამეცნიერო-კვლევითი და ტექნოლოგიური განვითარების სფეროში ერთიანი სახელმწიფო პოლიტიკის განსახორციელებლად, აგრეთვე იკვლევს და აფასებს განათლებისა და მეცნიერების სისტემაში მიმდინარე პროცესებს, უზრუნველყოფს მათი განვითარების პროგნოზირებას;

დ) შეიმუშავებს განათლების ხარისხის უზრუნველყოფის ერთიან პოლიტიკას, აგრეთვე შესაბამის ღონისძიებებს განათლების ხარისხის უზრუნველყოფის, შეფასების, მონიტორინგისა და გაუმჯობესების მიზნით;

ე) უზრუნველყოფს სამინისტროს სისტემის ფუნქციონირების მონიტორინგსა და მისი ეფექტიანობის შეფასებას.

4. იურიდიული დეპარტამენტი:

ა) შეიმუშავებს საკანონმდებლო აქტების პროექტებს და კანონმდებლობით დადგენილი წესით უზრუნველყოფს მათ საქართველოს პარლამენტში წარდგენას;

ბ) სამინისტროს კომპეტენციის ფარგლებში ამზადებს ნორმატიული აქტების პროექტებს;

გ) უზრუნველყოფს სამინისტროს სხვადასხვა სტრუქტურული ერთეულებებიდან, სამინისტროს სისტემის ორგანოებიდან, სხვადასხვა უწყებებიდან შემოსული ნორმატიული აქტების პროექტებზე სამართლებრივი დასკვნის მომზადებას;

დ) მოქმედი კანონმდებლობის შესაბამისად ხელს უწყობს საპარლამენტო მდივნის ფუნქციათა განხორციელებას;

ე) უზრუნველყოფს სამინისტროს მიერ გამოცემული ინდივიდუალური აქტების შესაბამისობას უპირატესი იურიდიული ძალის მქონე ნორმატიულ აქტებთან;

ვ) წარმოადგენს სამინისტროს ყველა ინსტანციის სასამართლოში;

ზ) თავისი კომპეტენციის ფარგლებში განიხილავს მოქალაქეთა და იურიდიულ პირთა განცხადებებს;

თ) ახორციელებს სამინისტროს ხელმძღვანელობისა და სტრუქტურული ერთეულების საქმიანობის სამართლებრივ უზრუნველყოფას.

5. საერთაშორისო თანამშრომლობის დეპარტამენტი:

ა) წარმართავს საქართველოს საგანმანათლებლო და სამეცნიერო სისტემის მუშაობას ევროპული ინტეგრაციის მიმართულებით;

ბ) კოორდინაციას უწევს განათლებისა და მეცნიერების სფეროში საერთაშორისო გაცვლითი პროგრამების შესრულებას;

გ) ახორციელებს საგანმანათლებლო სისტემის შესახებ ინფორმაციის დაგროვებასა და გავრცელებას საერთაშორისო და ეროვნულ საგანმანათლებლო ორგანიზაციებს, უმაღლეს სასწავლებლებსა და სხვა დაინტერესებულ პირებს შორის;

დ) მუშაობს ევროპულ საგანმანათლებლო სივრცეში მოქმედი პროექტების განხორციელებაზე საქართველოს საგანმანათლებლო სისტემაში და შეიმუშავებს საქართველოს ევროპულ საგანმანათლებლო სივრცეში ინტეგრაციის ხელშემწყობ პროექტებს, წესებსა და დებულებებს;

ე) მუშაობს განათლების დარგში საერთაშორისო ხელშეკრულებებისა და შეთანხმებების მომზადებაზე და ახორციელებს მათი შესრულების კონტროლს. ორგანიზებას უწევს საერთაშორისო ღონისძიებების (ვიზიტების, თათბირების, სამუშაო შეხვედრებისა და სხვ.) გამართვას.

6. ეროვნული და რეგიონალური პროგრამების დეპარტამენტი:

ა) შეიმუშავებს და ახორციელებს სახელმწიფო და საერთაშორისო პრიორიტეტების თანახმად განსაზღვრულ ღონისძიებათა სისტემებს – სახელმწიფო პროგრამებს – სკოლამდელი, სასკოლო, სპორტული, პროფესიული თუ უმაღლესი განათლების, მეცნიერე-ბის მართვისა და განსაკუთრებულ მდგომარეობაში მყოფი ბავშვებისათვის ზრუნვის სფეროში;

ბ) სამინისტროს სტრატეგიის მიხედვით დასახული გეგმის თანახმად ავითარებს ეროვნულ ან რეგიონალურ დონეზე განსახორციელებელ პროგრამებს;

გ) ახორციელებს ამ პუნქტის „ბ” ქვეპუნქტით განსაზღვრულ პროგრამებს და/ან ზედამხედველობას უწევს მათ შესრულებას;

დ) აკონტროლებს სამინისტროს მმართველობის სფეროში შემავალ ობოლ და მშობელთა მზრუნველობას მოკლებულ ბავშვთა სახლებისა და სკოლა-ინტერნატების სოციალურ, აღმზრდელობით, საყოფაცხოვრებო და სასწავლო პროცესებს. ახორციელებს ბავშვთა სახლებისა და სკოლა-ინტერნატების ქსელის რაციონალიზაციასა და ოპტიმიზაციას.

7. საზოგადოებასთან ურთიერთობის დეპარტამენტი:

ა) სამინისტროს საქმიანობასა და განათლების სფეროში მიმდინარე პროცესებთან დაკავშირებით აწყობს პრესკონფერენციებს, ბრიფინგებს, ჟურნალისტებთან შეხვედრებს;

ბ) კანონმდებლობის შესაბამისად აწყობს ჟურნალისტების აკრედიტაციას და ახორციელებს იმ ჟურნალისტთა ინფორმაციულ ხელშეწყობას, რომლებიც აშუქებენ სამინისტროს საქმიანობას;

გ) ამზადებს პრესბიულეტენებსა და პრესრელიზებს;

დ) ორგანიზებას უწევს მედიის წარმომადგენლების შეხვედრებს სამინისტროს თანამშრომლებთან;

ე) სამინისტროს მიერ გადაწყვეტილებების მომზადების პროცესში საზოგადოების მონაწილეობის უზრუნველყოფის მიზნით ატარებს საზოგადოებრივი აზრის გამოკითხვას (კვლევას);

ვ) უზრუნველყოფს სამინისტროს ოფიციალურ ვებგვერდის ფუნქციონირებას.

8. სახელმწიფო ენის დეპარტამენტი:

ა) მონაწილეობს სახელმწიფო ენობრივი პოლიტიკის შემუშავებასა და განხორციელებაში;

ბ) ადგენს საქართველოს სახელმწიფო ენის განვითარებისა და პოპულარიზაციის ხელშეწყობის პროგ-რამებს, ახორციელებს ან აკონტროლებს მათ შესრულებას;

გ) ახდენს სახელმწიფო ენობრივი პოლიტიკისა და საგანმანათლებლო პროცესის სინქრონიზაციას;

დ) ხელს უწყობს საქართველოს მთელ ტერიტორიაზე სახელმწიფო ენის გავრცელებას სამოქალაქო ინტეგრაციის შესაბამისი პროექტების დასახვისა და განხორციელების გზით;

ე) ხელს უწყობს ეროვნულ უმცირესობათა ენების დაცვის სახელმწიფო პოლიტიკის განხორციელებას.

9. რესურსების მართვის დეპარტამენტი:

ა) შეიმუშავებს სამინისტროსა და მისდამი დაქვემდებარებული ერთეულების ბიუჯეტების პროექტებს;

ბ) ახორციელებს საბიუჯეტო სახსრების, აგრეთვე სპეციალური სახელმწიფო პროგრამების ფინანსურ მართვას;

გ) გეგმავს და ახორციელებს უცხოური გრანტებისა და კრედიტების მოძიებას მიზნობრივი პროგრამების თანადაფინანსებისათვის;

დ) უზრუნველყოფს:

დ.ა) სამინისტროს ბალანსზე რიცხული შენობა-ნაგებობების, მატერიალურ-ტექნიკური ბაზის მოვლა-განახლებას;

დ.ბ) საგანმანათლებლო და სააღმზრდელო დაწესებულებათა ლიცენზირებას და დადგენილი სიხშირით სალიცენზიო პირობების შემოწმებას;

დ.გ) სააღმზრდელო და საგანმანათლებლო დაწესებულებათა რეესტრის წარმოებას;

 დ.დ) მინისტრისათვის საკადრო საკითხებთან და მთლიანად საქართველოს განათლებისა და მეცნიერების სამინისტროს საკადრო პოლიტიკასთან დაკავში-რებული რეკომენდაციების მიწოდებას;

დ.ე) სამინისტროს სარგებლობაში არსებული ტექნიკური აღჭურვილობის მომსახურებას;

დ.ვ) საგანმანათლებლო რესურს-ცენტრების დაკომპლექტებას კვალიფიციური კადრებით;

დ.ზ) სამინისტროს სისტემაში საჯარო მოხელეთა კონკურსის ორგანიზებას.

10. კანცელარია:

უზრუნველყოფს:

ა.ა) სამინისტროში შესული კორესპონდენციის დახარისხება-დამუშავებას;

ა.ბ) სამინისტროს სტრუქტურული ერთეულების მიერ კორესპონდენციის შესრულების მონიტორინგს;

ა.გ) საჯარო ინფორმაციის გაცემას;

ა.დ) სამინისტროს ცხელი ხაზის ფუნქციონირებას;

ბ) ადგენს მინისტრის შეხვედრების განრიგს;

გ) კოორდინაციას უწევს სამინისტროს მისაღების ფუნქციონირებას.

11. ტერიტორიული ორგანოების დეპარტამენტი:

ა) განსაზღვრავს სამინისტროს ტერიტორიული ორგანოების – საგანმანათლებლო რესურს-ცენტრების მატერიალურ საჭიროებებს;

ბ) კოორდინაციას უწევს ტერიტორიული ორგანოების – საგანმანათლებლო რესურს-ცენტრების მუშაობას;

გ) უზრუნველყოფს განათლების სამინისტროსა და საგანმანათლებლო რესურს-ცენტრების მოქმედებათა კოორდინაციასა და ჰარმონიზაციას;

დ) ორგანიზებას უწევს საჯარო სკოლების დირექტორების შესარჩევ კონკურსს.

12. საინფორმაციო მართვის დეპარტამენტი:

ა) მონაწილეობს განათლების სისტემის ძირითადი ინდიკატორების შემუშავებაში;

უზრუნველყოფს:

ბ.ა) განათლების სისტემის საინფორმაციო მოთხოვნების შესწავლას;

ბ.ბ) განათლებისა და მეცნიერების სამინისტროს მმართველობის სფეროში შემავალი ერთეულების სტატისტიკური მონაცემების დროულად მოზიდვასა და დამუშავებას;

ბ.გ) მონაცემთა აგრეგირებას, ინტეგრაციასა და მათ გადანაწილებას სამინისტროს სხვადასხვა დეპარტამენტებს შორის;

ბ.დ) შესაბამისი სტატისტიკური წელიწდეულის მომზადებასა და გამოცემას;

გ) ხელს უწყობს განათლებისა და მეცნიერების სამინისტროში მართვის ახალი საინფორმაციო და საკომუნიკაციო ტექნოლოგიების დანერგვასა და განვითარებას.

საქართველოს მთავრობის 2004 წლის 23 ოქტომბრის დადგენილება  №85-სსმ III, №120, 26.10.2004წ; მუხ.1036

საქართველოს მთავრობის 2005 წლის 17 აპრილის დადგენილება  №73-სსმ III, №46, 19.04.2005წ; მუხ.479

საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

    მუხლი 5. სამინისტროს ტერიტორიული ორგანოები

სამინისტროს ტერიტორიული ორგანოებია საგანმანათლებლო რესურს-ცენტრები, რომლებიც იქმნება საქართველოს მთელ ტერიტორიაზე ისე, რომ თითოეულმა მოიცვას 25-30 საჯარო სკოლა; საგანმა-ნათლებლო რესურს-ცენტრების მმართველობის სფერო, უფლება-მოვალეობანი და საქმიანობის ძირითადი მიმართულებები განისაზღვრება საგანმანათლებლო რესურს-ცენტრების ტიპური დებულებით, რომელსაც ამტკიცებს მინისტრი.

საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

    მუხლი 6. სამინისტროს საგანმანათლებლო, სამეცნიერო-კვლევითი და სააღმზრდელო დაწესებულებები

სამინისტროში იქმნება სამინისტროს საგანმანათლებლო, სამეცნიერო-კვლევითი და სააღმზრდელო დაწესებულებების რეესტრი, რომელშიც წარმოდგენილ იქნება ამ დაწესებულებების სრული ნუსხა, მათი დაქვემდებარებისა და სამართლებრივი ფორმის მიუხედავად.

    მუხლი 7. გარდამავალი დებულებები

ა) საქართველოს განათლებისა და მეცნიერების სამინისტრომ 2006 წლის 31 დეკემბრამდე უზრუნველყოს ტერიტორიული ორგანოების – სასკოლო ოლქების/სამმართველოებისა და განათლების განყოფილებების რეორგანიზაცია და მათ ბაზაზე ამ დებულების მე-5 მუხლით გათვალისწინებული ტერიტორიული ორგანოების – საგანმანათლებლო რესურს-ცენტრების შექმნა, აგრეთვე ტერიტორიული ორგანოების – საგანმანათლებლო რესურს-ცენტრების ტიპური დებულებისა და მათი საშტატო ნუსხების დამტკიცება;

ბ) საგანმანათლებლო რესურს-ცენტრების შექმნამდე და მათი ხელმძღვანელების (მოვალეობის შემსრულებლების) დანიშვნამდე მათ ფუნქციებს ახორციელებს საქართველოს განათლებისა და მეცნიერების სამინისტროს ტერიტორიული ორგანოები – სასკოლო ოლქები/სამმართველოები და განათლების განყოფილებები.

საქართველოს მთავრობის 2005 წლის 17 სექტემბრის დადგენილება  №160-სსმ III, №111, 22.09.2005წ; მუხ.1228

Annotate